¹ Tubhusheange, bhanakitu, enchumo ya Ongo eyakwishea mo marameso a ku Makedonia. ² Munkati ne minubho mingi eya nubyangabho, e bwingi bwe sangoa sabho ne bhusene bwabho bhukiri byakubhuta bhutumba mo kwesumya kwabho. ³ Nasimira bhakuninkananga mo risasa rabho itukana ne kara kabho, nirenga ekara kabo, ⁴ Mw'etuhema n' esisinya enchumo y'ibhesa murisakirwa rebhashuururwa. ⁵ Nti bhusha bhakukongora bhuri ebwenyihire rero bhate, ina bhakw'esibhuranga bhesine kuri Mukota, na kuri bhate, murisasa ra Ongo. ⁶ Twakuninka Tito murimo wikindanya kuri bhanu emurimo ngo we mikorere yakonda, bhuri ebwabhuchanga we. ⁷ Na bhanu hotu mukoche mo bhikai bhiti, mo risimira, mo kinwa,mo risibha, mo k'emine mo kitikiti, na mo nchimi yinu kuri bhate, mukie mwesimiki mo bhikai bhiti byakonda. ⁸ Nti nebha mbo mw'eninkana momba, ina mw'esimira, mo k'emine ke bhampe, e r'iera re nchimi yinu. ⁹ Bhusha banu musi enchumo ya Mukota Yesu Kirisitu, kuri bhanu wekia musene, mo bhutumba bwabhesanga n'e, kongo mo bhusene bwae mubhesi bhatumba. ¹⁰ Ungo mwanikiri wabhunink' ani bhusha wabhukomenwa, nti mu bhanu bhesine emubhuchanga erisubhie,ina ebhasheanga erisasa rae itukire mo mwaka wakwetanga. ¹¹ Mushiri mpo mor' esubya, kongo rabhererera bhuri emaa inu asubya mo kemine ekasasa bhanu. ¹² Erisasa rahunda, kubha ririho, rahunda iyetire mbi byamusheero, nti mbi bhisira ro. ¹³ Bhushwa nty'ebhuria mu bhonso muri heheya e bhampe , ina iyemisa mumba wirengekana: mo kiti chasungwa nti bhusa mw'eninkana mu mirao yabho. ¹⁴ Kongo ebhusa bwabho bwasake mo bhinu, mwishea mbu kubhunduki iringekana. ¹⁵ Bhuri ebwatiranyiwa cho: e wasombonga ebhingi ntwabhanga nabhingi, ne wasonbonga e bhikeke ntwa ruka byo. ¹⁶ Ongo watatwe mo byakuria we mu mutima wa Tito ne muho kuri bhanu. ¹⁷ Bhushwa wakusimira e mahemo itu, na mu muho mushaasha n' erisasa rae ngirakumwenja kuri bhanu. ¹⁸ Twamutuma hima n'emunakitu ingw'eritatwa rae mo mwasi wakonda ramorukirwa mo marameso ati. ¹⁹ Nangi warondorwa ne marameso kongo wabhesa mutindiki witu mo ruendo rwe murimo wakonda, eubherereshange bhate mu wime bwa Mukota na mo kariho kerisasa ritu rahunda. ²⁰ Twaronja mbo, kongo mweya utatwekingi mu kinwa chebwingi bw'emukongoro mobhihanange. ²¹ Bhushwa tusondange imbi byakonda, nti kubhusondori na Mukota ho, ina kubhusondori hotu ne bhea. ²² Twamutuma na munakitu ing' usi bhate mo muho mungendo singi, n'ushenge o nguru bushwa ne mwenyihiro mukiri kuri bhanu. ²³ Nampo, kuri Tito, uma mu bhate na mutindikiri mo murimo kuri bhanu, na kuri bhanakitu nge santumwa se marameso, e wime bwa Kirisitu. ²⁴ Muninkanga bho hamakako ne marameso, e r'eira r'e nchime yinu,namushea kuribho mbu turi na kinwa cha kwitata kuri bhaanu.