¹ Ebhuri bhate na ndani bhuri nsi bhanakitu, tweshuurure n' emikonsi itiy' emubhi na y' emutima mor' irengecha ereshuururwa r'itu mor' esubhaha Ongo. ² Mutuninke bhuari mo mitima inu! Nti twakuronjie mwea bhubhi bhutibhuti, nti twa kunubya mwea, nti twakutunja musorore mu mwea. ³ Nt' ibhuker'obhansa ngy'asingwa n' ebha mbo; bhushwa, Nakwebha kare bhanu muri mo mitima yitu mo karamo na mor' ikwa. ⁴ Niri na mwenyihiro mukiri ninu, niri na kwitate bhanu, nirisere mikocho, ninisere ngoa munkati ne minubho yitu iti. ⁵ Bhushwa, itukire moria ritu ku Makedonia, emubhi witu ntwa ruhukanga; twabhese na minubo ya kinsi bhususe: mbua habhutara na koha kumunda. ⁶ Ina Ongo, ngu bhongabhonganga ebhamaruha watubhongabhonga mor' iya ra Tito, ⁷ Na nti muria rae ho, ina tu muribhongabhonga rakusunga Tito wesine kuri bhanu: wakututur' embusha y'inu nkiri, e minsori y' inu, emuho winu kuri ani, byakuronj' erimoa r'ani ibhesa ringi. ⁸ Akiro nakubhuyanga bhonso mo rwandiko rwani, nti nabhundura kikai. Amabhesa nakubhunduka, bhushwa nasunga mbw' erwandiko ndo rwakubhurishie bhonso, akiro mbu atuka mu ntambi nkeke. ⁹ Namoa mo ntambi ino mo chakubhurishieng' ebhonso eina mo bhonso bwinu bwakubhurishie erebhunduka; bhushwa mukubhesanga na bhonso bhur' ebwasasa Ongo, kongo mutu sheingi kuri bhate kikai chema. ¹⁰ Nambo, ebhonso bhuri bwasasa Ongo ribhutanga ibunduka ra nchukayo indi ntir' ebhunduka tuyo eina ebhonso bw' echuo bhurishang' oku. ¹¹ Nasunga, ebhonso bw'erisasa ra Ongo uni muho ngi ntwakuninkwa bhanu! Iebhererwa nki, bhuyongwa nki, bhobha nki, kihuna nkikikiri, muho nki, obhansa nki! Mushea ekuti mbu mukoma mumbi bhikai. ¹² Amabhesa nakubhuronjie rwandiko, abhesenga nti bhushe nangu wakuronj'erokambo, na nti bhushwa nangu wakukambwanga: atuka nti kongo emuho winu. kuri bhate usungwe munkati ninu hamakako na ongo. ¹³ Ngi chakusingwa twerukira shu mo mutima. Ina kimpe, eribhongwabhongwa ritu, twa kumoanga nguru rarenga mo ramoo rwa Tito, na kinsi mwea mubhanu e mutima wasika. ¹⁴ Nakubhesa na kwitata rikeke bhushwa ninu ekuri we nti na kurengwarengwa; ina, bhuri bhubhushishanga bhate etukana n' ereira, echakw' itate bhate kuri Tito, chakubhesa nti nge r'eira naro. ¹⁵ Wakushea nchime nkiri kuri bhanu, mor' isubhukiy' eriorukire bhati rinu, na mor' imukoke ramuronjienga bhanu hima na bhobha n'ikake. ¹⁶ Nirisere ngoa ekuri bhanu mor' ibwenyihire mo bhiti.