¹ Bhushwa tukorange hima na Ongo, tubhuhemange nti mutusimiri enchumo ya Ongo ibhese bhusa. ² Bhusha webha: muntambi yakomenwa nakukorukirenga, mor' otu rw'e nchukayo nakutabhire. Sunga kw' entambi yakomenwa, sunga kw' er' otu rw'e nchukayo. ³ Tutangahun' esitaya mwea mu kiti-kiti kongo murimo witu utakambwingi. ⁴ Eina tw' ironja bharawa mo bhiti, bhuri ntumwa sa Ongo n' ibhesa na mutima wasuma mo ntambi sema, munkaty' ebhikubha na mo minubho. ⁵ Munkati erihumbwa, mor' eminwa, momyereko, mo mario, mor' ikeresha, mo mahemo asir' er' erisa; ⁶ Mor' ishururwa, mori siba, mor' irindire , mo bhongo , mo mutima wa shuururwa, mor' ishima ndi rakonda. ⁷ Mo kinwa cher' eira, mo bhunkangwe bwa Ongo, mo by'er' ikwana na by'er' ikwiranga mor' erira. ⁸ Munkati ne wime n'enkene, munkati n'e nkuru y'ema n'e yakonda; byasungwa buri bhushukishuki akiro byeira. ⁹ Bhuri nti tusibhirwe, akiro tusibhirwe ishu, bhuri bakwi, na sunga kwe turi ho, bhuri bhahumbwa akiro nti twariarwa mwikwa; ¹⁰ Bhuri bhea bha bhonso, na turiho mwimoa, bhuri bhasene, na twatumbia bhingi; bhuri tusira nki; na turi na bhikai bhiti. ¹¹ E bhunu bwitu bwobhorwa kuri bhanu, bhakorinto e mutima witu mukiri; ¹² N'ti bhanu bhakeke kumunda nitu ebhiri kumunda niinu byasonda. ¹³ Mutukuruchii byo bhuubho, nibwerengi bhuri bhana bhani, mubhesi na bhanu na mutima waariha. ¹⁴ Kiro mubhesa mu rwanko hima n'ebhabhi bhushwa isimirana nki ririkire munkati ereira ne bhubhi? Ari simirana nki riri munkanti echaka n'emwerimya? ¹⁵ Isimirana nki riri munkanti na Kirisitu na Beriari? ari muhango nki ngurikire ne wasimira hima n'entiwasimira? ¹⁶ Isimira nki riri munkati erirameso ra Ongo ne tumoi? Bhushwa bhate irameso ra Ongo ngu 'riho, bhuri ebwebha Ongo: nserikayo n'itamba kumunda nabho; nabesayo Ongo wabho, nabho bhasebhesayo bhea bhani. ¹⁷ Ngi chasingwa, mutuke munkati nabho , na musiane, ngw' ebha Mukota, kiro mutinge mu chema, na nabhukoke. ¹⁸ Nabhesa kuri bhanu Tita, na bhanu mubhesa kuri ani bhasike na bhikumi, ngw' ebha Mukota mine- bhunkangwe.