¹ Rabhusa nibhutiranyii itinge morisakirwa re bhashuururwa bwakw'ebhanga'ni. ² Nisi, erisasa rinu rahunda, chasingwa nitata kuri Ongo kwa bhisa ku Makedonia, iebha mbu Akaya bhamirengecha itukire emwaka wakweta, n'emuho ngo kuri bhanu wakusimo bhea bhingi. ³ Natuma bhanakitu, kongo enkuru yakukiya bhate itabhesingi bhusa mo kinwa ncho, na mw'irengeche buri e bwa kwebhanga 'ni. ⁴ Nti nashima, kubha bhisa ku Makedonia bhantindikia na bha bhukumane ntiti mw'irengecha, ne mwenyihiro utukuruki mor'irengwarengwa ritu, tutebhengi mo binu. ⁵ Na kwanikiranga rahunda nibhikire bhanakitu bhendi bhusondori kuri bhanu, kongo bhakae emihango y'inu bwarumira yo, mungerero atabhesingi mitato. ⁶ Musibhanga, mbwe weka mirime mikeke, nt'wasenoa na mikeke, ne weka mingi nt'wasenoa mingi. ⁷ Kira mwea watunje bhuri ebwahaka emutima wae, anga mu bhonso ari koha; bhushwa Ongo washima e uninkanange na ngoa. ⁸ Na Ongo wamubhurumishie kinsi bhususe bwa nchumo, kongo , byenda kore na mu bhimpe bhikai mwisukucha emirao yinu iti, mushei bhingi mu kinsi murimo wahunda. ⁹ Bhuri ebwatiranyiwa cho: wakukia bhutumba , waninkanabho mu bhasene; e r'eira rae risira hende. ¹⁰ Ng' uninkanange esambuto mu bheki bhesambuto na tumbonsa mu bhiyo byae, wabhuninka n' irumisha e mbuto, na warumisha ebyuma by'er'eira rabe. ¹¹ Mubhesa bhatumba mo bhikai bhiti, mu maa inu ati murie o kuri Ongo mikorere y'imutata. ¹² Bhushwa emuhururo we risakirwa nti mu kihuno che bhashuururwa, eina ikiri 'nse nkiri mw'itatirisha Ongo. ¹³ Murisimira emuhururongo iyemisanya n'ebwaasunga bho, bhatata Ongo mor'iyorukira rinu mo murimo we mwasi wakonda wa Kirisitu, na mor'isasa n'e r'ikocha rinu kuri bho na kuri ebhati. ¹⁴ Bhabhuhemengi,bhushwa bhabhushima mu nchumo nkiri eya bhuninkanga Ongo. ¹⁵ Itatwa kuri Ongo mo mihango yae ebwakomenwayo.