¹ Rakomenwa kw'itata,... Nakiro mbu ntirakonda. Eina nseya muro mor'isunga na mor'isheiwa ra Nyerekuritu. ² N'isi mwey'uma kumunda na Kirisitu iye miaka ekumi na inye ino, wakukumwanga iya mo mbingu y'emet'ashatu (kuti abhesanga uri mo mubhi nti n'isi , kuti abhesanga usira mo mubhi nti n'isi, Ongo ng' usi). ³ Na nisi mbu ingo mweya (kuti abhesanga mo mubhi nti nisi, ari nti mo mubhi nti nisi, Ongo ng'usi). ⁴ Wakukumwanga wenda mo mwanya na worukira bhinwa bhitamwebwa nti byasimirwa iyebwa na mwana-mweya, ⁵ Namwitate mweya wa'mbo bhususe, eina kuri ani 'sine ntamukochi kw'itata, ina ho mo bhutetera bw'ani. ⁶ Namubhesange nasonda kw'itata, ntamubhesange kirunge, bhushwa namwebhang'eira, eina nabhebhere cho, kongo kutabhesingi mweya wasunga kuri ani mo myanikiri kikai kikiri irenga ekisungange we kuri ani ari echorukirange we kuri ani. ⁷ Na kongo ntarisaningi na mw'etunduriko, bhushwa n'er'ihunda r'ebhisheiwangy'ani narerierwa mo monke mo mubhi, ngashani ya nyamuraire, mw'eninubya na wankangire er'ikwetundurika. ⁸ Ngendw'ishatu nihemange Nyerekuritu wariye o kore n'ani. ⁹ Waren'ire: E nchummo yani yakomenwa kuri ongo, bhushwa ebhunkangwe bw'ani bhuberererenga mo bhutetera. Himpo nsekwitate nguru ebhutetera bw'ani kongo ebhunkangwe bwa Nyerekuritu bwabhesa kuri ani. ¹⁰ Ngy'asingwa nashim'ebhutetera, n'emario, n'ebhikubha, mo minubho, mo bhonso, kuri Kirisitu; bhushwa entamb'iri ani mutetera, nti ngi nabhunduke na maa. ¹¹ Namabhunduke kirunge, bhanu ngi mumanimima. ekuri bhanu ngi kwamutatirwangy'ani. Bhushwa nty'ani mukeke mo santumwa sikiri-sikiri, nakiro nty'ani kikai. ¹² Etwengeko tw'eribhesa 'ni ntumwa twarisungwa kuri bhanu munkati n'inu mor' esumy'ani e mutima munkati emereko, mo tushingishiro, na mo bhishisharo. ¹³ Mu'nki ngi mwakukorerwa bhanu bhubhi ireng'eampe marameso, kuti nty'er'ifundi bhuriesha 'ni emurio w'emirao y'ani? Munsasire ebhubhi mbo. ¹⁴ Sunga ra met'ashatu nsonde kanyang' ienda kuri bhanu, na ntabhurieshi emirao y'ani; bhushe nty'ebhikai by'inu ngi bhisondangy'ani, eina bhanu bh'esine. Nty'ebhana ngi bhabhikenga bh'ishe eina bh'ishe mo bhana bh'abho. ¹⁵ Ekuri ani, nasimira er'iminya, nakw'eriminya ani sine bhushe mitima y'inu; etukana n'er'ibhushima 'ni, er' ishimwa r'ani kuri bhanu rakeha. ¹⁶ Muribha! Nti naribhuriesh'emirao y'ani; mw'ibhesa nkarange, nabhutingenga mu mpuse! ¹⁷ Narikwesukucha kuri bhanu, iyetire bheya bhabhesanga bhabhutumirengy'ani? ¹⁸ Nakutumanga Tito wendi kuri bhanu, nahima nae namutuma na munakitu: Mbeti Tito wabhuhemanga kikai? Nti uo-uwo mutima ng'wendange mo bhate, mw' iya-iya 'nse? ¹⁹ Mwanikira etuka kore mbu tweshungushirange kuri bhanu. Ekuri Ongo, kumunda na Kirisitu, ing'ushambarange bhate; n'ebhiti mbyo ebhanakitu twebhange byo mor' ebwimba. ²⁰ Bhushwa ani sine nabhesa na bhobha ntabhukumaningi mor' iya 'ni eatuka bwasasa 'ni; n'ani sine esungwa n'inu entibwashima rero bhanu. Nasubhaha ekumana mbangu, rui, bhusubhuke, mbua, mpambire, eshunana; mwetunduriko, changa. ²¹ Nasubhaha mor' iya r'ani, Ongo w'ani watanechi bhingi mu'mbi bhakukorang' ebhubhi hano tete-tete na nti bhabhunduka neki etuka mu'njo mikonsi, mor'osingirwa n'ebhushuki-shuki bwakukoranga bho.