¹ Nenda kuri bhanu r'esangendw'ishatu. Kinsi kinwa kiseshungurwa mu kariho ka bhea bhabhi ari bhashatu. ² Nakukiyanga niri ho mor'emet'abhi, nakukindang' iyebha, ntangarinda n'eya n'ebha tu cho eraroso, mu'mbi bhakukiyang'ebhubhi hano er'isondori na mo bh'ampe bati, kuti neya ntabhunduki na bhonso bhuti-bhuti, ³ Bhushwa musondekanya kengeko ka Kirisitu w'ebhange kumunda n'ani, iwe nti mutetera ekuri bhanu, eina iwe munkangwe munkati n'inu. ⁴ Bhushwa wahanikwanga bhushwa ebhutetera bwae, eina uri ho mo bhunkangwe bwa Ongo, na bhate bhatetera kumunda nae, eina twabhesayo ho hima nae mo bhunkangwe bwa Ongo kongo wabhukore cho. ⁵ Mw' esisirise bhanu bh'esine, esunga kuti bh'anu mukiri mor' esimira; mw'iereke bh'anu bh'esine. Ntibanu musi mbu Kirisitu urikire kumunda n'inu? Kuti ho nti muritinwa. ⁶ Eina nisi mbu mukubhesa n'iteerera mbu bhate, nti twatinwa. ⁷ Himpo tuhemange Ongo kiro mukora bhubhi, tutasaingi bhate bhesine twasimirwa, eina kongo mukora kinsi nchi chakonda, nakiro twasungwa bhuri twatima. ⁸ Bhushwa tutakoch'ikora kinwa chatinana n'er'eira, eina bhush'er'eira. ⁹ Turi na ngoa entamby'erukirange bhate bhutetera na bhanu mumabhesa na maa; n'ekihemange bhate mo mahemo itu, musimane mo nsimiro. ¹⁰ Ngy' asingwa nabutiranyie bhino bhikai etukana n'ebhunkangwe bwareninkwa 'ni na Nyerekuritu mor' eimba na nti mw'ishambura. ¹¹ Kuruma mpo, ebhanakitu, mubhesi na ngoa, musimane, mubhongane, mubhesi na mwanikire uma, mubhesi ho na bhuhoro; na Ongo w'enchime na w'ebhuhoro usebhesa hima n'inu. ¹² Mukeyane mw'ikokane rashuururwa: Ebhashuururwa 'bhati bhabhukeya. ¹³ E bhashurukara bhati bhakukerea. Enchumo ya Nyerekuritu Yesu Kirisitu, enchime ya Ongo, n'ebhunakima bw' Emutima Mushasha, bhibhesi hima n'inu bhanu 'bhati.