¹ Ang' ifine nguru e bakungu ina hana bho bhuri bhatita, hana ne bhasike bhuri bhanakinu. ² E bhakungu bhe bhomina bhuri bhansoko ne bhikumi bhisi bhinu mor'ishuurururw'e riti. ³ Tund' ebhashumbakari bhe bhomina imbi bhasibhirwe. ⁴ Kubha e mushumbakari uri na bhana ari bhasike bhihanisanga ikora byakonda mo bhisasa by'abho. N'isabha e bhabhuti bhabho bhushwa ncho chakoma mo meso a Ongo. ⁵ E mushumbakari we shushu ngi wasierwanga wisine, ewabhika e mwenyihiro wae kuri Ongo n'ukorange mirimo yihema mutu na mu mwishi. ⁶ Ina ungu ukorange bhubhi wamakwa nakiro mb'ushere. ⁷ Shishabho bhinwa bhin kongo bhatabhesingi mo mekero. ⁸ Kubha mwea ntwaraa mo bhanachabho imbi bhe roanda rwae, watina e nsimiro nge mubhi irenga ngu ntwansira. ⁹ Mushumbaari mu resimirwa wakomenwa ntwabhese nturi na myaka makumi mutubha, ntwabhesenga wabhingwa na wabhume uma. ¹⁰ Nt'wabhesa watikuriwa mikorere yahunda, waremberanga bhana w'ikoke bheni, ntwashuanga e bhisando byambi bhashuururwa, mwana isake nti bhikocha na kinsi mukorere ngu wahunda. ¹¹ Ina angi risia bhashumbakari bhakiri bhikumi bhushwa bhamakwa mbusha ya bhabhume nti bhahonoka, nti bhasonda ibhingwa. ¹² Na nti bhahakanyiwa bhushwa bhakindi ibhisha e ndaana yabho yaroso. ¹³ Hima na 'ncho, nti bhenda bhahemange numba mu numba ntiebha mbu bhush'eruka mirimo nti bharikere bhuhemi mukinsi numba, na nty'erka ho mirimo, ina bhatambange ne bhushuanyi bhuti, n'iebha imbi nti byakonenwa iyebwa. ¹⁴ Nashima ne bhashukira bhabhinge bhabhute bhana, bhasibhe esimanire e manumba abho, kongo bhataninkingi mushumbu bhuari witera. ¹⁵ Bhushwa bhikumi bh'ima byamakuruke Nyamuraire. ¹⁶ Kwamabhe musimiri wabhume hari momina uri na bhoshumbakari wasakenga bho, kongo numba ya Ongo itaritoherwingi, kongo bhasake ho ebhashumbakari bh'er'ira. ¹⁷ Ne bhakungu mbi bhasimanire bhea shushu bhasubhahwe meta abhi, nguru imbi bhaturange mwasi wakonda ne bhahani. ¹⁸ Bhushwe ne mutiro webha bhuno: Ang' imina ebhunu muna nkambu kubha urishange. Nemukori wakomenwa isabwa. ¹⁹ Angi risia isongerera r'emukungu kubha kusira bhea bhabhi hari bhashatu imbi bhakusunga ebyakwetanga. ²⁰ Ewabhisha, sheabyo mo bhea bhati bhampe bhasubhahe. ²¹ Nasere mo makako a Ongo na mo makako a Yesu Kirisitu na mo makako esa ngashani, bharondorwa. Mutingirire e bhinwa bhino shushu anga mukia karondori. ²² Kiro itereka makasa mu mwea tete, kiro angiebhere emwea mubhi, ongo wesine irange shushu. ²³ Angi omo ho mecha, ina womonga na kampinda kakeke, bhushwa ne kihu chabhe ne bhuongore bhwbhe. ²⁴ E bhubhi bwebhea bhima bhusungwange na kiro nti neki bheya mo rubhansa, ina bhampe e hubhi wabho bhusungwanga kuruma. ²⁵ Nambo, emikorere yahunda isungwanga nanji nti yahunda itakoche ibhisama.