¹ Ina e mutima w'ebha shu'shu mbwe matu a hende, bhima bhekutoyo morisimira, mw'iyorukire emitima ye nkuse ne mahano e bhashumbu. ² Mo kakorotima k'e bhea bhebhange manko bhari n'ebhiterere mo myanikiri y'abho bhesine. ³ Mwisindie ebhea angi bhingana, nitinisha bho bhiyo bya byabhumbwa na Ongo. Bhiriwe n'itata Ongo mu 'mbi bhari bhasimira n'esibhirira er'eira. ⁴ Bhushwa kinsi chabhumbwa na Ongo chakonda, na kusira chakomenw'itawa, kitingiriwe ho mw' itata Ongo. ⁵ Bhushwa e bhiti byashuururwa ne kinwa cha Ongo ne mahemo. ⁶ Subhukia e bhea e bhinwa mbi n'oongo ubhese ntumwa yahunda ya Yesu Kirisitu, na muteereri we bhinwa bye risimira na mahno ahunda emisa ongo. ⁷ Rekera e sangano sema se mwerimya. ⁸ Sia mo byahunda, bhushwa risiasia r'emubhi rakonda r'ikeke, ina er'isiasia mor'ishurururwa rahunda mo bhiti, riri na ndani y'ebhuingo bhuno n'ebhuseya. ⁹ Kicha kinwa kisimirwa n'itingirwa nguru. ¹⁰ Tukorange nikwanyisha bhushwe twariya e mwinyihiro kwa Ongo, ngi rukombora w'e bhea bhati muitukana ne bhasimira. ¹¹ E bhea e bhikai mbi n' ihana byo. ¹² Anga mwea wanena e bhusike bwabhe ina bhese ihano rarengeka mu bhasimira Ongo, mwi ebha, mu myenderi, mo nchime, mwisimira na murishuurura. ¹³ Iya mor' otu rwiya yo ani, besamw'esisirisa e mitieo n'ihana e bhea. ¹⁴ Ang' inena e muhango uri kumunda nabhe waninkwanga ongo mw'iterekw'e mine n'ebhakungu. ¹⁵ Anikira bhino, rika munkati nabyo kongo er'isimana rabhe ratikurwa n'ebhati. ¹⁶ Kohya kuri ong'wesine na mo mahano abhe, bhesa na muho mu 'mbi bhikai. Bhushwa murikora bhimo kw'ioshukaya ongo wisine, n'ioshukaya ebhati mbi bhakorukirengi.