¹ Nabhuhema, kubhusondori na kitikiti, mw'ihema, mahemo ibhonganya, a mirao,mahemo itata Ongo, na mo bhea bhati. ² Kury'ebhabhake na kury'ebhati ebharisimikwa turonje mikorere yakonda e isira mikonsi. ³ Kicha chakonda na chotunganana mo makako a Ongo rukombora witu. ⁴ Iwe ngi usondekanyange mbu kinsi bheya bhoshukare n'iteerera e riira. ⁵ Bhushwa kuri Ongo uma, na Murongani uma munkatinkati Ongo ne bheya, Yesu Kirisitu e mwan' emweya. ⁶ Iwe ngi wesibhuranga wisine mu kishio ch'e bheya bhati. Rindo ng'eribhereresha mo byakoranga we mo matu ae. ⁷ Na bhushwe rambyo nariterekwa muhani na ntumwa, nebhange eira, ntangebha manko, nareninkwa ihana e bhakori bhe bhubhi mo resimira na mo reira. ⁸ Nsondange e bhabhume bhaheme ekutikuti nti bhasimanya myombo yashururukara, nti bhasira bhusubhuke mu myanikiri yema. ⁹ Nsondange tu e bhomina nabho, bhambare myambaro yatunganana, mu kw'ihohya, nti bhatarukwi e bhuteo, nimbara miringa ya noro na tuchichi na nchangi sishishaya. ¹⁰ Ina bhitonde mikorere yakonda, e bhuri bwa bhesenga e bhomina, imbi e bhakorengi Ongo. ¹¹ E momina werikire e mahano mukw'ihohya na kw'ehicha. ¹² Nti nana mbu e momina wahane n'isimanire bhabhume, ina wakobhe mo senkumanano. ¹³ Bhushwe Adamu ngwabhumbwanga erarosa, na Eva wamutucha. ¹⁴ Na nti Adamu ngwahususwanga e raroso ne nsoka, ina e momina ngwahuswanga na witeerera mbwa mabhisha. ¹⁵ Woshukarayo moribhese mubhuti, wamabha nt'wandira morisimira, na nchime na mor' ishuururwa.