¹ Yesu, wakumanyang ee banafunsi bae ikumi na babi, wabaninka maa habasirwa ne bashumbu bati, na maa iramya ee bakoni. ² Watumanga bo kufundisha ufarume wa ôngo, ni iramya ee bakoni. ³ Mu wendo rwinu, anga mwea watinge kikai. nakiro fimbo, nakiro saki, nakiro kambosa, nakiro behe, na anga iria changi sibi. ⁴ Mu marumba asekime mu banu, murike kwansi, nampo ii asetukire ne wendo. ⁵ Na kuba ee bea nti ba bukaribisha, butuka mpo, na butiture bo ee mukungu we bisando biinu, yasebunduke ushuhuda kuri banu. ⁶ Basimana ni ienda ubungu mu rumpe mwi itura ee mwasi wa koma wa ôngo ni iramya bea kukuti. ⁷ Ne mwami Herodi warukira bya biti byakiangae, wahehemurwa, musha bea biingi bebanga mbu Yoani wafufuka ituka mu rikwa, ⁸ Baampe mbu Eria wishaisha, baampe mbu nabii wa karekare wafufuka. ⁹ Herodi weba; Yoani ungu wakeranga ani ee munte wasonda imusunga. ¹⁰ Akianga ee batucha bae bakuruka, bamushisha ee binwa biti bya kianga bo watinge bo, wenda rae mu nama mu jangwa, kwihi na ku Betesaida. ¹¹ Entambi ya kianga ee riimba re bea rasiba bamutucha, wabakea, weba nabo mwisi ye wami wa ôngo, waranga mbo bashimanga irama. ¹² Muyoro, batucha bae bamujere, bamushisha rera e bea, kuba benda mu sa mbunguu nso siri kwihi, bashee nkambi na bio, mwisha ano aribate busara busira kikai. ¹³ Yesu wabashisha, banu muninke bo bio, beba, tusira kikai, ina turi ho na tumbosa tusano na bikwa bibi, amushigwa bate bisine twenda kuchuya bio bye bea bati. ¹⁴ mwisha babesanga babume erefu isano Yesu washisha ee batucha bae, murikeche bo kwansi makumi asano asano hima. ¹⁵ Bakia mbo, na bibati barika kwansi. ¹⁶ Yesu watinge ee tumbosa tusano ne bikwa bibi, watarisha meso mwiyu mu mbingu wabibariki, wa noa byo waninka byo ee batucha bae babanye ee bea bati. ¹⁷ Barisa, basikuta bibati, ee byunda byasianga barisia mitundu ikumi na ibi. ¹⁸ Watnga uhemange wisine, ee batucha bae babesanga kwih nae, wabashisha weba, bea babesange mbu ani inyee? ¹⁹ Beba mbu, Yoani mubatisai, baampe mbu Eria, na baampe mbu uma mu manabii bakare i wafufuka tu. ²⁰ Wabashisha, banu bebange mbu ani ii nye? Petero weba mbu, oongo mukota ôngo. ²¹ Wabarera ni iire bo mbu batebi na umpe mwea icho kinwa, ²² Weba, amushigwa mwana wa mwea wateswa, watinwa ne bakungu, ne bakakare ne makohani ne bandiki ni ikwa na kuruma na matu ashatu nti wafufuka. ²³ Washisha bo bibati, kuba mwea washima ija kuruma nani, wituna kasa wisine warie ee rihango rae matu iati, wa ntuche. ²⁴ Mwisha ngu usondange iokoa ee buingo wae uriminyanga bo, nangu wariminya ee buingo wae mwisa ani ushenga bo. ²⁵ Mwisha ini faida mwea ishee bye kunia ruti ni iriminya wisine, ao ishee ee magumu ee mutima wabe? ²⁶ Mwisha kira mwea, wasesungayo nkene kuri ani na kuri ee binwa byani, mukota na wasesungayo nkene kuriee, nango mwea wasekiayo waja uturuma mu chaka chae na chaka cha ishe ne bamaraika. ²⁷ Muri iira na bushisha banu, bea baampe imbi basimana ano, batakasunga ikwa na baessungayo ee wami wa ôngo. ²⁸ Kuruma na matu munani washisha bo ibyo binwa, Yesu watinge, Petoro, Yoani na Yakobo, na wataya nabo ee ruu ku hema. ²⁹ Na wakianga uhemange, ne sura ye mbaso yae ya bindurwa, ne sa nchangi sae sabinduka isana ni iengenga nguru. ³⁰ Nakae bea babi bebananga nae abisenga Musa na Eria, ³¹ Basungwa mu chaka ni ieba mu rikwa rae ku Yerusaremu. ³² Petero na bira bae babesenga na toro twingi, na bashishwanga mbu bakeshanga basunga ee utukufu wa Yesu na mbo babume babi babesenga nae. ³³ Entambi ya kianga mbo babume babi basiana na Yesu, Petero wa mushisha, mwarimu, anubunduke shu turike ano, twimbe hema isahatu, nima yebe, nipe ya Musa, na nipe ya Eriya,nti wasibanga mbi byebangee. ³⁴ Entambi ebanga bo ee binwa byo, utundo rwahita, rwababumbe, bakwa boba mu rutundo. ³⁵ Na murutundo mwatuka murenge, mwieba, unongi mwanani mushimwa: mumurukire we! ³⁶ Ne ntambi emurenge akosi urukirwange, Yesu wabese wisine. Entumwa sa bibira, ina nti bashishanga mwea uuti, muntambi iiya, ata kinwa kima, mubiimbi byasunganga bo. ³⁷ Mu mukakoma, muntambi ebesanga bahitange ekikuka, eriimba nkiri ra bea ba kumana naye Yesu. ³⁸ Ma musunga, uma muriimba re bea watunja murenge; niieba: mwarimu, nikukongange, enda kasunga mwanani, mwishe uri iwe kisine. ³⁹ Nasunga, emushumbu wa mutinge, na warekera emurenge wae, ni imubengaa, watunja ihuro, na ntiwamureke ina murisuma, ni imunyata nguru. ⁴⁰ Nakonga entumwa sabe bamurikite, rakini ntibakukocha. ⁴¹ Yesu wasubiye bo, niieba, eruanda ndu rusira isimira, na ruundu ruri na buhaka, narika niinu itukire matu anga ni ibavumiriya baanu? Risha hano mwana be. ⁴² Entambi weinga, emushumbu wema wamukirisha ni imubuya. Yesu wafine emushumbu wema, waramya emwana, ni imukurucha kuri ishe wae. ⁴³ Ebea bati bashangara niitigwa ne bukakare bwa ôngo. Ne bati bashangara mu binwana mbi bibiti byakoranga Yesu, washisha esa ntumwa sae: ⁴⁴ "Kuri baanu, murikire ishu bino: Emwana we mwea wenda kasichwa mumine ye bea." ⁴⁵ Ina entumwa nti basibanga ekinwanja; ina chabishwanga kuri bo, mwishe bata sibi emaana yacho. Basubaha imushisha emaana ye kinwa nchi. ⁴⁶ Oro, babucha buhaka munkati nabo niieba enye kuri baatunge mukakare. ⁴⁷ Yesu, wasunga emyanikiri ye mitima yabo, watinge mwana mukeke, wa muriya kwihi naye, ⁴⁸ Wa bashisha: Kira mwea ngu waangirira emwana ngu muriina rani, ntiwanipoya ani, na kira mwea ngu wani angirira ani ni waangirira uungu wantumanga. Mwishe uungu uri mukeke kuri baanu bati, uno wabese mukakare. ⁴⁹ Yohana wasubiya, niimushisha: Mwarimu, twakusunga mwea uma ukimishange erishumbu muriina rabe; na twakumuzia, mwishe akosi watanga tutucha. ⁵⁰ Yesu wabashisha, angi imutinisha, mwisha uungu nti uriniinu nti tiwabushima. ⁵¹ Mu matu iingi abesanga uri katuchwa mu chuo, Yesu waria emyanikiri yae murienda ku Yerusaremu. ⁵² Watuma, esantumwa sae kubusondori nae, beenda, bakime murubungu rukeke rwa Basamaria, muri musondere nyumba. ⁵³ Ina ntibakumukarisha, mwishe akosi wendange ku Yerusaremu. ⁵⁴ Esantumwa sae Yakobo na Yohana, basunga biibya, beeba: mukota, ushima mbu tubikire kasha kahite ituka mumbingu, ushiriye bo? ⁵⁵ Yesu wabinduke bo, ni ifine bo, niieba: baanu ntimosi enye mutinguu baanu muri nayo. ⁵⁶ Mwishe emwana we mwea weianga, ntimuriri minya emitima ye bea, ina muri okowa. Beenda muimpe ubungu. ⁵⁷ Muntambi akosi bendange mu mwengere, wabuume uma wamushisha: mukota, neenda nabe kukuti kwaseenda oongo. ⁵⁸ Yesu wamusubiye: emuterere uri na nyumba yabo, ne mironge ya kwiyo irina kinyumba; ina emwana we mwea usira hiimpi amuruhuchee emutwe. ⁵⁹ Washisha umpe: nituche. Na wamusubiye: mukota, nininke ruhusa nendi kasa kazika tita. ⁶⁰ Ina Yesu wamushisha: reke biimbi bakwa bazike ebakwi babo; na oongo, enda katasa(kahubiri) ebinwa bya ôngo. ⁶¹ Umpe weba: naakutucha, mukota, ina nininke ruhusa, rienda kasa karana ne bea bamunyumba iitu. ⁶² Yesu wamusubiye: Emwea mariya emwine wae murihinga, nikwikebera kuruma, nti wafaa mumakako ya ôngo.