¹ Kuruma ne binwa byo, mukota warondora simpe ntumwa makumi arinda, na wenda kuko babi babi mumeso naye muri enda mu kira ubungu nampi abesenga ariye, wisine na akesa asambire iya ye. ² Washisha bo; Emireme ningi, ni bakori be mireme bakeke, tuheme kuri mine mirime, warebeke baape bakori be murimo mu kisambu chae. ³ Mwendi, mukakae naburebeka ko buri byana bya biboro, munkati ne bimbi ze busara. ⁴ Anga iria kakubu keririya behe, hambo kakubu, hamba kirato, na anga ikeyana na mwea munse kiri. ⁵ Mu marumba makeke ngi asekime mu baanu, mwendi kasa: Ebuhoro urike kumunda ne nyumba ino! ⁶ Na kumba mwa mashekana ee mwana ngu uri na burongu, ne burongu mbo wasirika kumunda nae. ⁷ Murike kumunda ne nyumba ncho, nti baanu murisange ne riomo ee biyo mbi bya maninkwa baanu; mwisha e mukori we murimo wakomena ininkwa bisabwo byae, musimane nyumba mu nyumba. ⁸ Na mukira ubungu kukuti rwasekime mu baanu; bamabuoke baanu, murise ebibiti bibya kubikirwa baanu ⁹ Muramwe ee bakoni imbi barika, na mushishe bo: Ewame wa ôngo uri keya kuri baanu. ¹⁰ N kira ubungu ndu rwaseta mu baanu, kumba ntibabukeya kuro baanu, mutuke, na muietere rinu kuro, na mwembe: ¹¹ Hamba e mukungu we rubungu rwinu ratushana nitu ne mindi, twasetito yo mwishe ninu, na musimbe e kinwa kino mbu e wame wa ôngo uri kwihi ninu. ¹² Na bushisha baanu kwa sembe yo binwa bya bishisharo ku Sodoma murutu rundo irenga ee rubungu ndo. ¹³ Rwaherwa, Korasini! Rwaherwa ku Betesaida! Mwisha, rasungwa e murimo iiti inchi ye bishisharo ya kierwanga kukinu, sa muronjewange ku Tiro na ku Sodoma kumbo batunganyanga kare na irika mu makunia na mu mukungu. ¹⁴ Ashingwa, murutundu rwe hende, ku Tiro na ku Sodoma kwa sebeseyo rwa byambo irenga baampe. ¹⁵ Na oongo, ku Kapernaumu, utarishwa ienda ku mbingu usesihwayo mu rutu rwabe rwe rikwa musinda. ¹⁶ Iwengu uburukirange baanu unirukirenga ani; Nangu wa butina banu nani wanitina; Nangu watina ani watina ngu wanirianga mu murimo. ¹⁷ Imba makumi arinda bakuruka tu ne sa ngowa, wenda: Mukota, ne bihindi bibiti batusubaha muriina rambe. ¹⁸ Yesu wemba nabo: nakusunga mushumbu wakusika buri chaka ituka mu mbingu. ¹⁹ Sunga, nabuninka baanu maa erinyanta ee nsoka ne maninge, ne maa iati amurenda; Na kusira kikiti nchi cha mubukia buubi. ²⁰ Mwisha, anga imoere mbu ee mitima inchi ye bashumbu ya kuburukira kinwa chima musibe mbu emena iinu amatirwa mu mbingu. ²¹ Muntambi incho incho wakokoma mu mutima mushasha,(mutakatifu) wemba: Nakutata, tita, mukota we kwiyo na wa ano mu chuo, mwisha umambisa e binwa bino kuri mbu bari ne buhoro na wenge, utura byo mu mbana bakeke bake; Aye tita, mwisha bwakukomena oongo wisine. ²² Na kuninkwa bikai bibiti na tita wani; Mwisha kusira ngu wamusiba mwana inye, tita wisine, aba ungu usii tita inye, mwana wisine, na mwea ngu uuti ngu ee mwana wa mushima wamuture bibiti. ²³ Wabunduka kuri e santumwa sae, washisha bo mu kimbu: Akasa ninywa e meso ngii akaengi e binwa binu mbi bikainirwanga. ²⁴ Mwisha nibushishange baanu, ee basheweri bingi ne bame bakusonda isunga e binwa bibikairirengi baanu, na nti bakusunga tu byo, na irukira e binwa birukirange baanu, na nti mukurikira tu byo. ²⁵ Na uma mumbi ba keri be binwa wasima, na washisha Yesu, wemba: Muhani, nikie buni nisunge e karamo ke matu wati? ²⁶ Yesu wa mushisha: munkati ne membe, bya tirwa buni? Na beberwange buni? ²⁷ Nae wasubie bo, "Wemba baanu mushima mukota ôngo wambe ne kumunda nambe kuti na mumutima nambe uti, na mu maa ambe ati na mu wenge wambe buti, na ungu we kwihi nambe buri oongo isine. ²⁸ Wamushisha amubie shuu, wemba Yesu, kiyambo na oongo useshukara. ²⁹ Iwe wisine, wasonda kuikiya buri iwe nge uri neriiira, washisha Yesu: Nanye ngee urikwihi nani? ³⁰ Yesu wasubie e kinwa, na wemba: Mwea ku Yeriko, wikimiya mu mine ye wimbi, na bamukungura ee sa nchangi sae ni mukama na bamusi mpo biendere na bamusiya tu sondange ikwa. ³¹ Na kwasaa kuhani uma tuwetange munsee incho, wamusunga weta kumushi munumpe uharo. ³² Bumbo umpe Murawi, weya impo impo wamusunga nae wietere murumpe uharo. ³³ Rakini musamaria uma wetange, weya impo ariye na wakianga wamusunga wamurukire bonso. ³⁴ Weya kwihi nae, wamina e bihuru byae, waria mawese na mau, na wamukabia iyu ne nyama yae na wamuria mu numba ye bendendi ne rimuranga. ³⁵ Na wakianga wenda wasiya dinai simbi waninka mine numba, wamushisha: Murange, ne behe biimpe mbi byase eba oongo kuruma, nasekutuwa byo ntinakuruka. ³⁶ Oongo usi inye mubo ba shatu wabesenga munacha bo wango wa kirenga mu mine ye bimbi? ³⁷ Wemba, ungu wamu kwirenga bonso, Yesu wamushisha, enda rambe ukiye tu buumbo. ³⁸ Muntambi Yesu wakianga uri mumunse ne santumwa sae, wakime mu ubungu ruma, na mumina uma, wabikirwa riina rae Marata, wamukoke kunumba ne numba yae. ³⁹ Na iwe wabesangu tu uri na mwisi wabo wa iyasa tu ubikirwange mu riina ra Mariamu, wabesenga tuwarika mu miindi ya Yesu, tu urikange e binwa byae. ⁴⁰ Marata, wabesanga nti utubatubange mu mirimo ningi, weya kurie wemba, mukota,oongo tunikandirange na mwisha munakitu wakunisierere nikie e murimo yitu ani isinee? nishishiye weye kunisake. ⁴¹ Yesu wamusubie; wamushisha, Marata, Marata, oongo winubyange na myanikiri miingi ne binwa mbi. ⁴² Na kikai kima cha komenwa, mwisha Maria wamarondora muhango wa koma, ungu wata koche tu ikuturwa kurie.