¹ Akianga wakinda e mwebe kubusondori ne beya bati Yesu wenda ku Kapernaumu. ² E kahungu ke mukakare nako kabesanga kasambange kwihi nikwa. ³ Akinga warikira kutikurwange Yesu, wamutumire beya baye bamuringe waje kuramya ee kahungu kae. ⁴ Baja kwihi na Yesu na imushisha biti bya kurebekwa bo na wemba mbu musasire. ⁵ Mwisha washima e chuo na iwe ngi wimbanga e sinagoki itu. ⁶ Yesu wakianga wenda nabo na wamaja na kore na numba akinda watuma e ntumya sae bamushishe mukota, anga ntakochi ikime muriango. ⁷ Ashingwa mumbo ntakochi ija anisine kuri oongo, ina ebaho kinwa chima ne kahungu kani karame. ⁸ Bisha ani nariria kwansi ne bakakare, niri na basherekani kwansi nani, na namushisha umbu enda, ntiwenda, umpe jaa tuaja, na kuri e kahungu kani kia buno, nti wakia na mbo. ⁹ Akianga Yesu warukira bya akida, wishisha, wishisha, wikebera kuri e beya bati imbi bamuchuchange, wemba, na bushisha, na kira ku Isiraeri, ntangasunga ngu mweya wambu. ¹⁰ Mu ikuruka rae ku kwae e santumwa sa Akida sajanga nti e kahungu kamarama. ¹¹ Mukomakoma Yesu wenda mu eubungu rukiri rwa bikirwa mbu Naina e santumwa sae ne beya bati benda hima. ¹² Akianga waja kwihi ne rumbi rwe rubungu rukiri, baria kinda cha mweya kwansi amesenga ngomo ya mumina usira abume, na wabesanga na beya bingi be rubungu. ¹³ Mukota wamusunga wa mukwire boonso, wa mushisha anga ire. ¹⁴ Wisengea watinge mu sanda imbi ba murianga barika, wemba, oongo musike, nakwire simana! ¹⁵ Ne mukwi warukira na wabucha iemba, Yes wamukurucha kuri nina. ¹⁶ Ebeya bati bakwa booba, na batata ôngo. Muturi wa mwasi uri munkati nitu, na ôngo wakukae beya baye. ¹⁷ Incho kinwa cha Yesu cha risa mu Yudea iti na mu sa kwihi kwihi. ¹⁸ Yoani warukira ibya binwa biti kuri e santumya sae. ¹⁹ Wabikira babi, wabarera kuri Yesu mu imushisha mwi imwire oongo ngi anga ujange? ao kuba tamurinde tu umpe? ²⁰ Murija rabo kwihi na Yesu babe Yoani mubatisaji watutuma kuri ôngo, tukwire, ungo tusi mbu waseja ao kuba turindireumpe? ²¹ Muntambi iya Yesu waramya bakoni bingi, birema, birimirimi, na mapepo. ²² Na wabashisha mwendi kuri Yoani mu muture byo bya kusunga banu na bya bya kurukira banu, birimirimi bya kae, birema bya simana ni itembeya, bakoni barama, dibamate barukira na bakwi ba shukaramwasi wakonda wa turwa kuri ee bamasikini. ²³ Buingo kurimbi ntakubindukayo mwasi kuri bo. ²⁴ Akianga e sa ntumwa sa Yoani senda, Yesu washisha e beya bati mwisha Yoani, bukenda kusunga nki murihamba? isikeseke ritengange na ijuhu? ²⁵ Na bukenda kukae nki nko? mweya wambarichwa changi sangenganga? bukae mbo ba bara changi sa koma na barika mu marikerero mu marumba e bame. ²⁶ Bukenda kakae nki? mwembi wa ôngo? ira na bushisha nti mwembi wa ôngo. ²⁷ I ungo wa andikwanga, ungo narebeka ntumwa yani mu mbaso yabe, mu ihinga ense kubusondori nabe. ²⁸ Na bushisha munkati nabo babutwa ne bamina, kuri ho mukakare nti Yoani, mwisha ungu mwanunke mu wame wa ôngo, imukakare kuriee. ²⁹ Ne beya bati ba kumurukiranga ni imutangasa bakutangasa ôngo. Bapashwa ibatisa ubatiso rwa Yoani. ³⁰ Ina bafarisayo na ba taahani besheria batina ubatisa nae bakurucha anga na kikai mu nse ya ôngo. ³¹ Kwanye kwa sekia mu susenya e beya ba cho kiranga na mbi ba mususe? ³² Basusena na bana barika kwansi mu fasi ya beya bati nambi bebanange. Ta kubusi mbire na nti bukuchata, Ta kubisimbire bubi na nti mukure. ³³ Mwisha Yoani mubatisaji wakuja burisi munkati a butara e munkati anga ni iyomo mwemba tu na mbu urina mushumbu. ³⁴ Musike wa ôngo wakuja murise na murisimira wa bibati na beya bema. ³⁵ Ne unyenyekevu wa kusibwa ne bana bibati. ³⁶ Mufarisayo uma washisha Yesu umbu barire hima, Yesu wakime mu numba ye mufarisayo na irika a mesa. ³⁷ Na kae mumina uma nyansambi wakae mbu burie hamesa munumba ye mufarisayo, warisha ichupa ra marashi ra risa. ³⁸ Na wibika kuruma mu mindi ya Yesu ware na kuruma wamurocha e mindi na maro wakama tuo ne buteo wae wihicha na imutira eee manukato. ³⁹ E mufarisayo ungu wamubikiranga wa kae byo biti wishisha, kuba ungu mweya wabesanga ntumwa ya ôngo wasesiba uni mumina uno, wasimba mbu nyansambi. ⁴⁰ Yesu watinge kinwa na wemba: Simoni, nuri na kina chi kwire mwarimu emba, asubiye ki. ⁴¹ Muninkani w minda wabesenga na bisindiki babi, uma mia isano umpe makumi asano. ⁴² Umbu wabesanga busirabo kikai chi itua wasiere bo ee mwinda uti munkati mbo babi inye wa sheshima nguru? ⁴³ Simoni wasubie ungu, ni anikirange ungourina bingi, Yesu wamwire ukukera shu. ⁴⁴ Kuruma nampo wabinduka kuri e mumina , washisha Simoni usunga uno mumina, na kutime mu numba yabe na tuukupe na kuba mecha ishua mindi, ina na mutochanga na mara na konga tu na butea. ⁴⁵ Ntukupese na kuba bise itukire nakime mu mwabe na nti ukureke itinge mu mindi. ⁴⁶ Nti ukundite na mafuta abasirwa munte rakini, iwe wa rerita ho manukato mu mindi yani. ⁴⁷ Akishingwa: Na kushisha e naambi sabe singi sa sasirwa mwisha ukushima nguru, mu mweya ungu bamusasira rikeke ushimanga rikeke. ⁴⁸ Na wemba na koyo, e bibi byabe byasasirwa. ⁴⁹ Imbi babesenga nae mu mesa nima babucha kaseshisha inyeuno usasrange ne bibi? ⁵⁰ Na Yesu washisha koyo: Eriimani rabe ra kuramya, enda na buhoro.