¹ Abesenga utu rwiinga, Yesu wetampo mumachwa yesa ngano, esantumwa sae satunja e byumba, ni irisa byo, niitoko byo mumine yabo. ² Na wampe wa Farisayo wiire bo: mwishanki banu mukora biimbi bitakochi ikorerwa utu rwiinga? ³ Yesu wabasubie bo: ntinenki musoma e binwa mbi bya koranga Daudi, entambi abesenga urine rwaka na biimbi abesanga bari naye? ⁴ Buni bwakimenga bo mu numba ya ôngo, watinge e mikate iingi ya torewanga na ôngo, barisa yo, na waninka biimbi abesanga bari naye, ntitibongi baruhusirwanga irisa byo ina e bakakare be kanisa(makuhani) ho. ⁵ Na washisha bo: musike we mweya ngi mukakare we utu rwinga(we sabato). ⁶ Wiya tu impe utu rwainga, Yesu wakime musinagoki ni ifundisha, wakumana wabuume uma, nti ekuboko kwae kwa buume ntikwa rema(pooza). ⁷ Ewandishi ne ba Farisayo baansa isunga Yesu, kuti waramya utu rweriinga: mwishe bashee buumbu bamushitake. ⁸ Ina wabanga e myanikiri yabo, ni ishisha e wabuume ungu abesanga uri ni rirema(wa pooza): simana, na rika munkati, wasima. ⁹ Na Yesu washisha: nibuhemange kuba, byahurusiwa, erotu rwinga, ikora byahunda ao byema, iokowa e mutima ao ishura? ¹⁰ Kisha himpo, wakaebo bibati, washisha e wabuume: Nano emune wambe(ekuboko ko kwambe). Wakia buumbo, ne kuboko kwa rama. ¹¹ Bibati barisa na busubuke(muungo), baansa ishishana buumbu basekia bo Yesu. ¹² Muntambi njo, Yesu wenda ihema mukikuka, na wasibana ni kikinde toro muri hema ôngo. ¹³ Mumukomakoma, wabikira esantumwa sae, ni irondora ikumi na babi, biimbi baninkangae emiina ebaucha(mitume). ¹⁴ Simoni, wamubikira Petero, Andrea, musike wabo, Yakobo, Yane, Firipe, Bartoromayo, ¹⁵ Mtayo, Tomasi, Yakobo, musike wa Arufayo, ¹⁶ Yuda, musike wa Yakobo, na Yuda Isikariote,uungu wamutowanda. ¹⁷ Wahita hiima nabo, ni isimana fasa ya hunda, himpi habesanga iimba nkiri sentumwa sae, na beya maerefu bibati bibat batukanga ku Yudea na ku Yerusaremu, na batukanga munkati ne nyansa ya ku Tiro, na ku Sidonia. Beianga mwishe nerimurukira, na bampe mwishe nerirama e makoni abo. ¹⁸ Na biimbi babesanga na mapepo yema, baramanga. ¹⁹ Ne riimba ririti rahunanga rimutingi mo, mwishe e maa atukanga kwae, ya ramya bibati. ²⁰ Himpo, Yesu, wasimanya emeso kuri esantumwa sae, wemba: mukokome banu mbi basene, mwishe e bwami bwa mumbingu buri kuri banu. ²¹ Mukokome banu mbi murukira rwaka, mwishe musukuta. Mukokome banu mbi murirengi muntambi ngi, mwishi mubese musangoa. ²² Mukokome muntambi ngi ebeya base na mono, ni ibukuto kuri bo, ni ibukamba ni itaya emiina inu buri bikai byema, mwishe na musike we mweya. ²³ Mukokome murutu ruundo, ni kwikuba ni ikokoma, mwisha mutuwa bingi mumbingu, mwisha buumbo nge batita babo banubyanga e basheirwi. ²⁴ Ina, muherwa, banu batumba, mwishe mumapokeya biimbi abesa banu muhuna. Muherwa banu mbi musikuta, mwishe mukukwa tu rwaka. ²⁵ Muherwa banu mbi museange inompena, mwishe mubese mukiriyo na mubiririyo. ²⁶ Muherwa, mwisha kira mweya wembange byahunda kwabe, mwisha batita bo bakianga bo ne santumwa sa manko. ²⁷ Ina nibushishange, banu mbi munirukirange: mushime ebarenda binu, mukore byahunda kuri biimbi na mono niinu. ²⁸ Kasane uungu ukuherange, hemere ungu ukunubyange. ²⁹ Kumba mweya wakaso ikofi muritema rima, mubinduri rimpe. Na kumba e mweya watinge ngombe yabe ya kubutara, hangi imusuiya(imuhangire) watinge ngombe ye kundaani. ³⁰ Ninka kira mweya ngu ukuhemange, na ungu ukunyaange behe byabe, angi imushisha wakukuruchiye. ³¹ Kyashima oongo e beya bakukore koranjo na oongo kuri bampe. ³² Na kumba mushima biimbi babushima, banu mushee inye chumo?(inye neema), mwishe ebakori beesa nsambi bashimanga ho biimbi babashima. ³³ Na kumba mukore byakoma kuri biimbi bakoranga byakoma, mushei inye chumo(inye neema)? Ebakori beesa nsambi nabo buumbo buumbo. ³⁴ Na kumba musindika beya na mwanikira ishee kikai kukwabo, banu muri na nje chumo? Ebakori beensambi basindikanga ho beya bansambi, mwisha bariye mbi bya rengekana. ³⁵ Ina mushime ebarenda binu, na mukore bya koma, na musindike bo, na angi kwinyihire kumba basekutuwa kikai, na mubese na matabishi makiri, na mubesa bana ba ôngo ungu urikwiyo, mwisha iwe wahunda nguru kuri ebeya mbi basira shukurani na biimbi bema. ³⁶ Mubesi beya bamusasiro, buri shoo winu wamusasiro. ³⁷ Angi ihukumu mweya, mwishe bata kuhukumu na oongo, angi iraumu, na oongo uttraumiki, reke na oongo bakureki. ³⁸ Ninkana, na oongo basekuninka yo: base kuninkayo ngerero ya konda na yasunkwa, nayarisa nguru, mwisha mukipimo njo kipimirengi oongo umbe ngi kisepimiriwayo oongo. ³⁹ Wabashisha tu umbe mufa: ekirimirimi kwa enja kimpe kirimirimi? Ebati batanduki mu kimbu(ishimu) kima? ⁴⁰ Emwafunsi matakochi irenga e mwarimu, ina ungu wakoro buri mwarimu waye. ⁴¹ Mwishe ngi usunga ekahuka kiinki kari muriso raumpe ina ntusunga kiinki kari muriso rambe? ⁴² Ao umushishe munakinu: ndeki kasa nitunge kiinki kari muriso rambe, inantuko kambe? ⁴³ Nti muti wakoma ngi urikanga na byuma byema, ina emuti mwema ngi urianga e byuma byema. ⁴⁴ Mwishe kira muti wasimba e byuma byae. Utukochi ikao mumuti hiimpi ari menke. ⁴⁵ Mweya wahunda itukana na hazina e mutima waye watunja kiinki kyahunda; na mweya wema itukana na hazina ye mutima waye watunja chema: Mwisha ebuuno bwa mweya butunjanga biimbi byarisiya emutima wae. ⁴⁶ Na mwishanki mubikirange, mukota, mukota, rakini ntimukiange yembange ani? ⁴⁷ Kira mweya uungu weiya kwani, niikiya, nabusheya mufa wa mweya uungu. ⁴⁸ Mufa waye buri mweya huumbo, watima ishimu nkiri, wabika musingi kwiyo ne misiye, muntambi e mecha arisanga, erusi rwarisa nguru sana mumisiye iiya, rakini nti wakukocha itenja, mwisha waku ishu. ⁴⁹ Rakini uungu urukirange, bira ironja, wasusana na mweya, uumba numba yae kwiyo nooto, bira musingi, basi enyasa ieya na kaara, yakiri hiimpo hiimpo, nerienduka re numba ya abesanga rikiri.