1 Buumbu Yesu abesanga uri kwihi ne nyasa ya Generezareti, ne bea miingi bamutimba kwihi nae murirukira ee binwa bya ôngo. 2 Wasunga kumushi ne nyasa mitumbu ibi, ebabuki ba bikwa abesanga basikange murienda kashuwa emakira abo. 3 Wataya mukitange, kiinki chabesanga cha Simoni, na wahema kenseri kure neeketo. Kisha warika, na kitange wafundisha ee bea. 4 Muntambi wakindanga ieba, washisha Simoni: kensere mumecha miingi, na mutae etukira kwinu muribuka. 5 Simoni washisha: mukota, twakukora mumutu uuti ina ntitwakushura, rakini, mumurenge wabe, nataa ekakira. 6 Wataa ko, washura bikwa biingi, ne tukira twabo twaanza ubuwa. 7 Babucha ibikira ebampembi akosi bari mumukitange umpe, beiya isakebo. Beiya, na basisiya emitumbu ibi, babucha itiya. 8 Muntambi basunganga buumbo, Simoni Petero wahita mumaru ya Yesu, niieba: Mukota, nisaki mwishe ani mwea wa nzambi. 9 Mwishe washangara nguru, na biimbi hiima naye, mwisha ne bikwa bwabukangabo. 10 Yakobo na Yohana, baana ba Zebedayo, banachaye na Simoni, kisha Yesu washisha Simoni: Angi isubaha, itukiri runo utu ukubese mubuki wa bea. 11 Ne ntambi, barishanga ebitange kumushi, basiya bibiiti, ne rimutucha. 12 Yesu wabesanga urikire murubungu ruma, na kweha, mwea uma warisa bibembi, wamukae, mumbaso, niimukonga, mukota, kuti ushima, umunishuwa. 13 Yesu wanano emune, niimutinge, nerieba: nashima, ushuwei, nahimbo ebibembi byatuka. 14 Kisha wamushisha angi ieba na mwea uuti, ina enda kisheya kuri ebakori beridini mwishe ne mubi wabe, muritowa sadaka mweri shuwa ituna na buumbu bwebanga Musa, ibesi ushuhuda kwabo. 15 Emwasi wae wenda wasi niingi, ne bea behya biingi muri murukira na muri rama emakoni abo. 16 Na iwe, watuka kuribo, niienda kuunkukusira bea(mujagwa), muri hema. 17 Otu ruma Yesu abesanga ufundishange, wafarisayo na warimu wetorati babesanga barika kwansi, batukanga musambungu sa ku Gariraya, ku Yuda na ku Yerusaremu; ne maa ya ôngo yasungwa muriramya. 18 Nasunga, ebea, bariya mukipoyi, mwea uma uungu wapooza, niisonda bamukimishe niimuriya hiimpi asesugwaye. 19 Na buumbu nti bwasibanga hiimpi himukimisha, mwisha ne riimba re bea, bataya mwiyo neema njanja, kisha bahita murihoboro, neerikingi, munkati ne riimba, kubusondori na Yesu. 20 Wasunga erisimira nabo, Yesu washisha: mwea(abuume), ebibi byabe bya kasanirwa. 21 Ebaandishi ne bafarisayo babesanga nti baanikiranhe nieba: unonge, uhanange binwa bikufuru? inye wamusasira ebibi, ina ôngo kisine? 22 Yesu, wasibanga emyanikiri yabo, watinge ee kinwa nieba: baanu muri nanye myanikiri mumitima iinu? 23 Inyenge wasunga bubi, niieba: ebibi byabe byasasirwa yisasirwa nieba: simana, niienda. 24 Oro, musibe mbu emwana we mwea urimu chuo ne maruraka yisasirwa esansambi; nashisha mbu, webambu kurimbi bapooza, simana tinge erikingi(ndaro) rabe, nienda kunyumba. 25 Na mukashangi ko, wasimana hiimpo hiimpo,ni itinge ekitanda chi chabesanga wiichire mu cho, ni ienda ekunyumba, nti utatange ôngo. 26 Bibati bashangara, niitata ôngo; niirisa na booba, miieba: twasunga runotu bikai mbi nti bya kuno. 27 KIsha hiimpo, Yesu wasaa, niisunga mutuwanyi we kodi, eriina raye ngi Rawi, warika munafasi yeriripisha, wamushisha: nfate. 28 Wasiya biiti, niisimana, niimufata. 29 Rawi waandaa karamu nkiri munyumba yae, biingi batuanyi beekodi nebampe bea babesanga nabo hameza. 30 Ebafarisayo ne baandishi baanza inungunika, niishisha esantumwa sae: mweshe nki baanu murisange ni iombo ne batosha kodi neebea mbi beebibi? 31 Yesu, watinge ekinwa, niibashisha: nti uungu warukira ishu ngi irakanga na rasima yemunganga, ina emukoni. 32 Nti neianga isonda ebea mbi bari sawa, ina biimbi bari neenzambi. 33 Ba mushisha: entumwa sa Yohana, buri biimbi eba farisayo, abesanga bafunganga niihema, ina biimbi bitu barisange ni iomo. 34 Wairebo: mumu minisha ebwana wendoa na nti muku we ndoa ntiurinabo? 35 Ina ematu iingi iseya emukakare we ndoa watunjwa kuri bo, na mumatuya ebiyo bise minwayo 36 Wabashisha tua umbe mufa: kusira mwea ngu wamukera changinae nchasha, ni iriya ho ya karekare(kiraka). Ama kusira mwea ngu wamuriya mau mashaasha mu tuki ya karekare; na kiro wariya, emau mashaasha asebuya etuki, ne mau asekubuka, nesatuki zasebuya. 38 Ina emau mashaasha iriwe mutuki nchaasha. 39 Wara kusira mwea ngu homonga mumaungi akarekare, himpo himpo washima emau mashaasha; ina weba: iingi ye karekarengi ya hunda nguru.