¹ Yesu, warisa mutima mutaberi, entambi wakurukanga ituka ku Yorodani, na waongozwa ne mutima mu bweru, ² Kwakumanangawe ne misona na mushumbu mu matu makumi anye. Abesanga watanga risanga kikai mu matu iingo, na muririndire e matu yasire, warukira rwaaka. ³ Mushumbu wa mushisha: kuti oongo mwana wa ôngo, shisha e makoingi ibesi tumboosa(mikate). ⁴ Yesu wamusubiye: byaandikwa, ee mwea watakochi iishi mu tumboosa kwisine. ⁵ Mushumbu, wa mtarisha mukikuka, wamusheya muntambi ee bwaami bwa mu chuo. ⁶ Na wa mushisha: nakuninka ee kaara kikati kano, ne bwime(neritatwa) re mwami, mwishe banininkkanga, naani naninka uungu washima ani. ⁷ Na umuhicha kuri ani, ebiti bino byase bese byabe. ⁸ Yesu wamusubie: byaandikwa; wihichi(utaabudu) kuri mukota, ôngo wabe, na umu kori iwe kisine. ⁹ Mushumbu wenda naye tuu ku Yerusaremu, muriya kwiyo na nyumba ndere, na wa mushisha: Kuba oongo mwana wa ôngo, witaye hano gaansi; mwishe byaandikwa. ¹⁰ Washisha engashani(banyamurahiri) bae bakuchunge, ¹¹ Na basekuriya mumine yabo, mwishe ee mindi yabo yatiishine mumayi. ¹² Yesu wasubiye: byebanga: upimi routu mukota, ôngo wabe. ¹³ Kisha imupima munse sisiti, mushumbu wenda kore nae mupaka entambi ya yakonda. ¹⁴ Yesu, wakuruka ne maa ye mutima mutaberi, wakuruka ku Gariraya, ne byasi yae yenda ekuti mu chuo na mu fasi iiti. ¹⁵ Wahana mu mimbari(sinagoki), na watatwa kira fasi. ¹⁶ Wenda ku Nazareti, kuunku kwashukengawe, na itukana ne asiri yae, wakime mu mimbari uturwiinga,Wasima muri soma. ¹⁷ Na bamuninka ekitabu cha mutahwa(nabii) Isaya, webora cho, wakumana hiimpi haandikwa, ¹⁸ "Emutima wa mukota urikuriani, mwishe wamariya mafuta murihubiri ee myasi ya ôngo kuri biimbi ntibikocha; wakuntuma muriramya biimbi bari na mitima ya suma, ¹⁹ Murihubiri biimbi ba minwa ba bunduke, na biimbi batanga kae bashei ikae, ni iobora biimbi ba onerewa, muritangaza e kwaka we karamo ka mukota. ²⁰ Kisha, iobora ekitabu, wakurucha cha kuri e mukori, na warika, ee bati abesanga bari mu mimbari(sinagoki) bamukae. ²¹ Wabucha ibashisha: runota ekinwa cha andikwa, kiinki charukira baanu, mumate iinu, kyatimirika. ²² Nebati bashuudia; na bashara mu kunwa kya karamo kiingi kyatukanga mu buuno, na beeba: ntimusike wa Yosefu? ²³ Yesu wabashisha: kusira kinwa, muushisha ee mushumo uno, munganga, wirange iwe kisiine, na muire: kiya hano, murubungu rwabe, ebiti byarukiranga baate biimbi bya koranga oongo ku Kapernaumu. ²⁴ Ina, waongeza, ni bushishange muriira, kusira mutahwa uungu waritingirwa ishu murubungu rwae. ²⁵ Nibusg=hishange muriira: kwabesanga bashumbakari biingi ku Israeri mumatu ya Eriya, myntambi ekwiyo kwarindikwanga muaka ishatu na mieri mutuba na kwabesanga rwaka rwingi mu chuo. ²⁶ Na mumatu Eriya ntiwarewanga na kuri uma mubo, ina kwe mumina uungu wakwiriwanga, murubungu rwaku Sarepata, murubungu rwa ku Sidonia. ²⁷ Kwabesanga tuu babembi biingi ku Israeri mumatu ya Erisa, muhawha; na abesanga kusira nuuma mubo uungu asanga wa safishwa(watakata), ina Namani mweya wakusuria. ²⁸ Bariswa ni isubuka mu mimbari, muririkira e binwa biibyo. ²⁹ Na basimana, nimuhensa murubungu, nienda naye mupaka ekwiyo ne kikuka kiinki abesanga erubungu ruubwa, muri sasa imutaya kwansi. ³⁰ Ina Yesu, weta munkati nabo, wenda. ³¹ Wahita ku mupaka ku Kapernaumu, rubungu rwa ku Gariraya; na wahana, murotu rwiinga. ³² Washangaa nguru mumafundisho yae; mwishe abesanga webange na buritowe byebukakare. ³³ Mu mimbari absanga kuri wabuume uma uungu asanga uri ishumbu reema na wabirira mumurenge mukiri: 34 "Ah! kuri inkii munkati nani na kuri oongo, Yesu wa Kunazareti? ukwiya muri turiminya. Nikosi buri oongo: mutakatifu wa ôngo. ³⁵ Yesu wamufine, weba: bibira, na tuka kuri emwea uno. Nerishumbu ramutaa munkati nabo, na ratuka kuriwe, na kiro ntinti nenki samukiya bubi. ³⁶ Bibati bashara, na bishishirisha uma na umpe: kini kinwa anki? Kishishwange mumaa ne bukakare na mukaara kuri ee mashumbu eema situke, na satuka! ³⁷ Ne myasi yae yenda kira nafasi iiti ne kutikuti kumushi. ³⁸ Muri tuka hamimbari, wenda munyumba ya Simoni. Inabe wa Simoni abesanga wasamba nguru mukunguru(kaburura), bamukonga mwishe naye. ³⁹ Wasimana kwihi naye, weba munguru tuka, ne mukunguru watuka muntambi wasimana, nimukore. ⁴⁰ Kisha murisika re mwishi, ebaatiimbi abesanga bakoni naambi batingirwanga naampe makoni barishabo. Muriere kira mwea mine, na warama. ⁴¹ Ne mashumbu atuka bea miingi, niibikira, nieba: oongo mwaana wa ôngo. Ina wafinebo na watinishabo eriba, mwishe wasibanga mbu iwenge kirisito. ⁴² Muntambi abesanga mukomakoma, watuka nienda mubweru. Bea biingi babucha imusonda, na bea kuriwe; bashima imuzuye(imutinge), mwishe watuki tuu kuribo. ⁴³ Ina wabashisha: ranipasa ni fundishe ebinwa bye bwami bwa ôngo musimbe mbungu, mwishe bwishe naacha gyasigwanga natumwa. ⁴⁴ Na wafundisha(wahubiri) mu mimbari(sinagoki) sa ku Gariraya.