¹ Muaka ikumi nisano muritawara ra Tberio Kaisari, muntambi Pirato abesanga mukakare wa ku Yudea, na Herode mutawara wa ku Galiliya, na musike wabo Firipo mutawara wa ku Iturea na murubungu ra ku Tarakoniti, na Risania mutawara wa ku Abirene. ² Ana na Kayafa abesanga bahine(bakakare) ba kanisa, ee kinwa cha ôngo chachwa ku Yoana, musike waZakaria, muweeru. ³ Na wenda mu chuo kumushi na ku Yorodani, nihubiri muribikwa mu nyansa, murisasirwa e bibi. ⁴ Mwishe na biimbi bya andikwanga mu kitabu cha kinwa cha muiri Isaya; Murenge wa uungu ubikirange weeru: Mutunganye ense ya mukota, ni nano ense yae. ⁵ Ne marambo iati asirisa, esango ne tukiiki bya hichwa; Ense insi sikunyakunya sase nanurwa, ⁶ Na ambi bibati bari ne mibi basesungaiyo karamo ka ôngo. ⁷ Base shisha biimbi baseiya kikanda cha bea barubikwi nae: Uanda raba nansoka, nyewabuhanenga ibeka ee bubimbu bwaseiya iyo? ⁸ Na mubute e byuma mbi bya koma bye karamo, naangi mwishirisha kumunda ne mitima iinu baanu bisine: Turi na Ibrahimu tita wiitu! Mwisha nabushisha baanu mumakoi ano ôngo wamucha ikukumire Iburahimu baana. ⁹ N muntambi ino ee mwanda wariwa mumatina e muti: kira muti uungu utanga buta byuma bya hunda wakerwa nitawa mukasha. ¹⁰ Ekikanda che bea chishisha, niieba: Twa kia ingii? ¹¹ Wabasako nieba: Uungu urina changi sibi waninke uungu usira na uungu urine birisa wakiye buumbo. ¹² Wasunga biimbi bakongori be kodi beiya kuriwe wababatize na ba mushisha, mwarimu, tukiye buni? ¹³ Wabasako: angii kongora kikai itukana ne ruhusa rwinu. ¹⁴ Ebasura nabo bamuhema: na baate, twakiangii? Wabasako: angiiriya muhao(buume) nishuma, niishitake mweya mubinwa bya manko, nishima ne mushahara winu. ¹⁵ Buninge e bea(eriimba ree bea) barindirenga, na kira mwea abesanga wishishange iwe kisine, Yoane nti wabesanga Kirisito. ¹⁶ Wabashisha bibati: ani, niburubukengi mumecha; ina weyange, uungu uri na maa inirenga, na ntokochi iobora ee miri ye kirato chaye. Iwe, waburukiki mumutima mutaberi ne kasha. ¹⁷ Iri nenkubya mumine; na iwe washuwa ekiranga chaye, ni iiriya esangano hiima, ina washiki emirembu(mangobo) mukasha kiinki katarimiiyo. ¹⁸ Buumbunge Yoani abesanga uhubiringi ee binwa bya ôngo kuri ee bea, niisheyabo bimpe biingi murikwihicha. ¹⁹ Ina Herode mutawara, wa musuwere Yoani mubiimbi byebanga Herodia, mukari wa musike waabo, na mubiimbi bibiti bibi byakorangawe, ²⁰ Weba-tua kuri bibati bampe, biimbibbimiimina Yoani mukasha. ²¹ Ebea bibati barubikwa, Yesu wawe warubikwa; Nentambi abesanga uhemange nako kwiyo kwihobora, ²² Ne mutima mutaberi wahita kuriwe buri maua, buri kambiite(muronge). Ne murenge warukirwa ko kwiyo nieba: oongo mwanaani mushiwa; Kuri oongongi kwaria ani ekaramo kaani. ²³ Yesu abesanga urikire na miaka makumi ashatu mumatu wabuchanga emurimo wa ôngo, buumbu, bwabesanga bahakange mbu: mwana wa Yosefu, mwana wa Heri, ²⁴ Mwana wa matati, mwana wa Lawi, mwana wa Merki, mwana wa Yana, mwana wa Yosefu. ²⁵ Mwana wa Matatia, mwana wa Amosi, mwana wa Nahumu, mwana wa Esli, mwana wa Nage, ²⁶ Mwana wa Mati, mwana wa Matatia, mwana wa Simei, mwana wa Ysefu, mwana wa Yuda. ²⁷ Mwana wa Yaana, mwana wa Resa, mwana wa Serubari, mwana wa Sartiere, mwana wa Neri, ²⁸ Mwana wa Merki, mwana wa Adi, mwana wa Kosamu, mwana wa Ermadamu, mwana wa Eri, ²⁹ Mwana wa Yose, mwana wa wa Eriezeri, mwana wa Yarimu, mwana wa Matata, mwana wa Rawi. ³⁰ Mwana wa Simioni, mwana wa Yuda, mwana wa Yosefu, mwana wa Yonanu, mwana wa Eriakimu, ³¹ Mwana wa Merea, mwana wa Menana, mwana wa Matata, mwana wa Natana, mwana wa Daudi, ³² Mwana wa Yese, mwana wa Obedi, mwana wa Boazi, mwana wa Sarmoni, mwana wa Nasoni. ³³ Mwana wa Aminadabu, mwana wa Aramu, mwana wa Esironi, mwana wa Peresi, mwana wa Yuda, ³⁴ Mwana wa Yakobo, mwana wa Isaka, mwana wa Abrahamu, mwana wa Tera, mwana wa Nahori, ³⁵ Mwana wa Serugu, mwana wa Reu, mwana wa Peregi, mwana wa Eberi, mwana wa Sera. ³⁶ Mwana wa Kainana, mwana wa A rufaksadi, mwana wa Semu, mwana wa Noa, mwana wa Rameki, ³⁷ Mwana wa Metusaeri, mwana wa Enoka, mwana wa Yaredi, mwana wa Mahareri, mwana wa Kainana, ³⁸ Mwana wa Enosi,mwana wa Seti, mwana wa Adanu, mwana wa ôngo.