¹ Ne nkumanano iti wenda, bamurisha Yesu mumakako a Pirato. ² Na batangira imusongere, wemba: Twamasunga e mweya uno wisimwa ibundura e bakori embi baranganga e behe ne ituanya e beya, e behe bwabo, na wibikirange mbu iwesine Kirisito, mwame. ³ Na Pirato wa mushisha umbu webange bo oongo uininkange mbu iwee i mwame we ba Yuda? Yesu wa musubya, oongo umemba. ⁴ Pirato washisha e bakakare babashirikani hima ne nkumanano, ani ntinasunga anga ne kinwa chima chema mu mweya uno. ⁵ Nabo bisumwa, na bemba: E mweya uno wachenja e beya ne ihana bo munkati ku Yudea iti, itukire ku Gariraya na kuno. ⁶ Akianga Pirato warukira mbu iwe mu Gariraya, washisha bo e mweya uno wakesa wa ku Gariraya. ⁷ Na wakianga wamarukira mbu wakesa kwansi na Herodi, na bamuriya tu kuri Herodi,na wabesenga wa makia matu mingi ku Yerusaremu. ⁸ Wakianga Herodi wa sunga Yesu, murimusunga rae wa kokoma nguru; mwisha e matu iyati wabesenga watamamusunganga mwisha urukirange e mwasi yae ne mikorere ne tushingirisho twae. ⁹ Wa mushishirisha binwa bingi na iwe Yesu tuwamusubienga anga ne kinwa nchima. ¹⁰ E bakakare be numba ya ôngo, ne baandiki babesenga ho, natimba musongerenge nguru binwa bya manko. ¹¹ Herodi, hima ne bashirikani bae, bamusharikange, ne rimuseya, na bamumbaricha nchangi ya koma, na imukurucha tu kwa Pirato. ¹² Erutu rundo, Pirato na Herodi babesa ba mira na mira, mwisha karekare babesanga batashimananga. Ntibabikenenga bushu. ¹³ Pirato, wabikira e bakakare besa ndushu, ne bashirikani, ne beya, ¹⁴ Wemba mumanirishie e mweya uno uma ngu na uhanange e beya bubi, na musunge, na mushishirisha ne namusunge mu meso inu, ani ntinamusunga anga ne kinwa chema cha kukia e murisunga mu binwa bibiti mbi bimusongerenge banu. ¹⁵ Herodi mwisha ntiwakumusunga anga ne kinwa, chamashingwa wamukurucha kuno kuri tu bate, na musunge mwisha ntiwakukora anga ne kinwa chema cha mushibwa mwemba mbu mumushure. ¹⁶ Ani nase mushushura ho na imuobora. ¹⁷ Mwisha mu kira utu rwa kisenga, rakome na iobora mweya uma mu rutu rukiri. ¹⁸ Bakuwa bemba mongo: wemba murishe e mweya ngo, mutuoborere Baraba. ¹⁹ Ne mweya ngo wabesenga wa minwa mwisha e bubi wae, murubungu, na washuranga mweya mwisha ne ishuma rae. ²⁰ Pirato wasonda iyemba tu nabo, mwisha ne riobora Yesu. ²¹ Bibati tu bakuwere mongo, wemba mumushushure, mumukame shu. ²² Pirato wemba tu re meta ashatu, kini kinwa chakukia na wakukia cho mwishanki? Ani ntinasunganga ne kinwa chima chasuma cha mushibwa mbu bamuye. Ani nasemushushura, na kuruma nampo ni mukama na mumuobora. ²³ Ntibamurekerenga anga ne kakeke babucha tu ikuwa nguru, ungu wakomenwa ikamwa, ne mirenge ye beya ne bakakare bibati ya kunduka nguru. ²⁴ Pirato wakera e binwa ibi bisondange ikia banu muronje byo. ²⁵ Waoborangu wabesenga wamaminwa mwisha ne bubi byae we rishuma, na bakesa bamuraemo, kuruma baninkana Yesu bamukie mbu washima bo. ²⁶ Bakianga bamurianga, bakumanana naitinge mweya uma rina rae Simoni Mukerene, ntiutukangee kumasambu, na imurieshe e musaraba, mwisha wabesenga kuruma na Yesu. ²⁷ Wabesanga wabungurrwa na beya bingi nguru, ne bamina ntibikasonge munkumba nae na imurisha ne rimurukirire boonso. ²⁸ Yesu wikebera kuribo, na wemba, bikumi bya ku Yerusaremu, banu anga inirire ani, banu muirire banu kisine hima ne bana binu. ²⁹ Mwisha sunga, ematu ingi aseja e beya base emba, bakasanirwa ibi buba, ibi ntibarebuta, ne mambere ingi nti arerora mu mwana. ³⁰ Na basibeyo nti bia bashishange e sanguu, mutusike hima ne twa bikuka iyu nituna mutubube. ³¹ Na kumba, bamakia e muti mu bisu, ungu wakoma wasebese buni? ³² Abesenga nti urina beya babi babi, umbu ba kwire hima naye Yesu. ³³ Na bakianga bameya impi abikirwa ikuwa ra mute, bamukia nabo busasire bo, nambi bakori babi be bubii uma kwa bume, ne umpe e kurembe. ³⁴ Yesu wemba, tita, sasira bo, mwisha nti basi bibikiyange bo, babanya esanchangi sae, na ibakana to. ³⁵ Ne beya basimana bakaenge nti e bakakare bamuseyange niriemba, wabesenga nti uramwange bampe, iramwake oogo isine mwisha ungo nge Kirisito wa ôngo,murondorwa. ³⁶ Ne bashirikani nabo nti bamusomerenge, na imuninka e mau ingi asuwa, ³⁷ Ni iemba, kumba oongo i mwame we ba Yuda ikito mpo oongo isine. ³⁸ Ne mwandiko ya andikwa iyu naye murwandiko rwe bayunani ne kiroma ne kiebrania. UNO NGE MWAME WE BAYUDA. ³⁹ Uma mubo babi e mwimbe ne mushuri bo tundikwanga nae hima nae wamukamba, wemba, nti oongo ii Kirisito? ikito kee ano hima nitu. ⁴⁰ Rakini ungu we meta abii wamufine, wemba, oongo nti usimba ôngo, mwisha oongo reri mu utaki rundo rundo rundo hoo? ⁴¹ Kuri bate muriira, bate ywa tuwerwa irengekana ne mikorere yitu. Rakini uno mweya ntiwakukia anga ne kinwa kikiti. ⁴² Na washisha Yesu, mukota anga iniobya muntambi asekiyayo ya wame wambe. ⁴³ Yesu wamushisha, muriira runotu usebese hima nani munkati ne Paradiso. ⁴⁴ Abesenga kwihi ne ntambi mutumba sa mukokoma, ne mwirimwa wabese mu chuo chichiti itukire muntambi so na iyere muntambi mwenda ⁴⁵ E mwishi wa bunduka kimbotera, ne Pasia re numba ya ôngo(kanisa) rabengeka munkati meta abi. ⁴⁶ Yesu wakuwa mumurenge mukiri; Tita, nabika imutima wani mumine nambe, na wakianga wamemba e binwa bibyo wakera e mutima. ⁴⁷ Emukakare we bashirikani, wakianga wamasunga e binwa byo watata ôngo mumurenge mukiri wemba, e mweya uno wakesa mweya we riira. ⁴⁸ Ne kumanano iti ichiya bensanga irimpo ikaenge e binwa byo betange, bakianga bamasunga e binwa byo bya meta mpo, benda nti bikasonge mu kumba sabo. ⁴⁹ E bira bae bibati ne bamina mbi babesenga bamianya nae itukire ku Gariraya; Basimana kore nae ntibakaenge e binwa mbi bwetange. ⁵⁰ Na abesenga nti ari mweya uma rina rae Yesefu; wamurusho, nti mweya murongo na nti mweya we riira. ⁵¹ E mweya ungo tuwarisiananga nabo mukimbu kicho chabo aba mu mukorere yabo, wabesenga nti mweya wa kurimatea, ubungu rwa ba Yuda,nae wisine wabesenga nti wakairire mu wame wa ôngo. ⁵² E mweya ungo wenda kuri Pirato kumukonga e mumbi wa Yesu. ⁵³ Washisha e mumbii, wabarinchao nchangi ye sinda, wabikao mu sinda inchii yabesenga ya timwa na irangangwe mu mwamba, na ntii ishimu rabesenga ntinesi rarierwa mu mweya. ⁵⁴ Na ntirabesenga utu reisasirana, na rwa yinga ntirwamatangira. ⁵⁵ Ne bamina mbi beyanga hima nae murituka rae ku Gariraya iwe Yesu, ntiba mutuchange, Yusufu, ntibendange kusunga mpii arierwanga e mumbi wa Yesu. ⁵⁶ Bakuruka kuronja shushu e manukato ne marasi ne mawese, ne riingandi ramutaanga bo ntibamasiburaro.