¹ Yesu washisha bo e mushumo, wakongi e beya baheme kira utu, na anga iruhwa. ² Wemba, kwabesenga munoki uma munkati ne rubungu ngu ntu usi ôngo na tuwasubaha ne mweya. ³ Na munkati ne rubungu ndo kwabesenga mumina ungu warekwirirwa na moke; Na wenda kurie, wemba, mpese bani byakuninkanga ani. ⁴ Na muntambi ncho watina tuwarisianga na kuruma ntu wemba wisine mu mutima wae na kumba ntinisi ôngo aba imusubaha mweya, ⁵ Mwisha e mumina ungu warisierwa na moke wamaninubwa nguru, nasemuninka eriira, kowataji ntuyo kuninubya kira utu. ⁶ Mukota wemba, murukire e binwa mbi bebange e mukeri we bansa mweya wema. ⁷ Na ôngo watakochi ininka iira warondorwa bae imbi bamurirenge mumwishi na mutu, iwe nae muvumirivu kuri bo? ⁸ Ni bushishange banu, wasebuninka iira tete. Ina, muntambi mwana we beya wasekiya weya wasesunga erisimira munkati ne chuo? ⁹ Washisha bo ungu mushumo, kuri e beya mbi biasange mbu ibo bari muriira, bachinange bampe bibati. ¹⁰ Beya bambi batayangu munumba ya ôngo kuhema: uma mubo wabesenga mu Farisayo, ne wemeta ambi nti Mutuwanyi we kodi. ¹¹ Ungu mufarisayo, wasimana, wahema kumunda nae(mumutima nae): E ôngo, aninaki tata mwisha ani ntiniri buri e beya bampe, babaki, basira iira, wasingirani, buringu emutuanyi we kodi. ¹² Ni minange irisa meta ambii mu riinga, nininkanange e behe mbee nima yerikumi ye behe byani. ¹³ Nango mutuishi we kodi wasimana kore, ntuwakushima na isimanya e meso ee kwiyo kwa tita, ina wakaso e kumba yae, wemba : E ôngo, sasire ani e mweya we bumbi. ¹⁴ Na bushisha buno, ungu wakusika mu numba kukwae na wamaanzwa ibese ne iira irenga ungo umpe. Mwisha ungu witarishange iwe base mushisha, nangu wihichange wasetarishwa. ¹⁵ Bamurishie tu bana wakeke bakeke watinge bo. Ne sa ntumwa sae bakianga bamasunga bo bafine bo (barikitanya bo). ¹⁶ Na Yesu wabikira bo, wemba mureke mbo wana, bei kuno kuriani na anga iharingire bo; mwisha e wame wa ôngo wasusene ne bana bo. ¹⁷ Na bushisha muriira, e mweya ngu sesusenayo ni bana bakeke ng wasesungayo e wame wa tita ôngo. ¹⁸ Na mwana uno washisha Yesu, wemba, muhani wakonda nasekiayo buni muri sunga e wame wa tita ôngo? ¹⁹ Yesu asubie: mwishanki unibikira mbu ani mweya wa koma? kusira mweya wa koma ina ôngo wesine iwenge wakoma. ²⁰ Ungo usi e mwomba: angaisingu ana, anga ishura, anga ishuma, anha iyeba manko, usubahe izo na nsoko bambe. ²¹ Na kushisha mbu isisisiti nisito itukire e busike wani buti. ²² Yesu, wakianga wamarikira e binwa byo, wemba: Akusiere kinwa chima, enda kushurisha e bikai byambe bibiti, ubanye e basene, na ungo usebese na mukisa uko kwiyo kwa tita, iya, utushe. ²³ Na wakianga wamarikira e binwa bibyo, wabese na bonso nguru; mwisha wabesenga na bwehe bingi nguru. ²⁴ Yesu, wamusunga turi na bonso wingi, wemba, rasuma nguru e banoki ikime mu wame wa mumbingu kwa tita ôngo. ²⁵ Mwisha ntiratamba e ngamia ikime munse ye dandi irenga e mutuba ikime mu wame wa tita ôngo. ²⁶ Imbi barikiranga wemba: Inye sasa wamukocha irama. ²⁷ Yesu wasako; e binwa imbi bya takoche e mwana we mweya byamukochia na ôngo. ²⁸ Petero wemba nae: Sunga, bate ntamasia e biti bibiti, ne rikutucha. ²⁹ Na Yesu washisha bo: na bushisha muriira, kusira mweya ungu, waresia e numba yae, mwisha e wame wa ôngo, e numba, aba mukari, aba banachabo, aba bishe na nina, aba ne bana babo, ³⁰ Iwe wasesabwa bisabo bikiri mumatu ano, ne matungi aende asejayo asheyo karamo ke matu ati. ³¹ Yesu watinge bo ikumi na babi waria bo kwihi nae, washisha bo, musunge, twenda ku Yerusaremu, ne binwa bibiti byasekorerwa ko ibi byandikwanga ne basheeri mwisha na mwana we beya. ³² Mwisha wa serierwa mumine ye bapakan; na wasemucharika ne imuninkana na imuture nte. ³³ Na kuruma nampo bamusunda tushushu, na bamua, na kuruma ne matu ashatu wafuka. ³⁴ Na bo ntibasibanga ibinwa mbi bebange bo: ne kinwa nchi cha besenga cha biswa kumunda nabo basiba mbu busheu weberwange. ³⁵ Na Yesu wakianga weya ikura na ku Yeriko, wakumana kirimirimi ikura, ukongange, ³⁶ Warukira e beya betange bingi, washisha nyengu usange nku. ³⁷ Bamusako: mubake Yesu wa ku Nazareti ungu weta. ³⁸ Wakianga bamamushisha mbu Yesu wa meta: wamukuwamo: Yesu, mwana wa Daudi, sasire. ³⁹ Imbi babesenga nae bamufine wabebere, naiwe watarisha tu e murenge wae nguru: mwana wa Daudi, sasire. ⁴⁰ Yesu, wasimana, waninkana kinwa kuri e sa ntumwa sae mbu bamurishe mu makako nae, ⁴¹ Wamushisha: nikukie buni? na wemba nisondanhe ikae. ⁴² Yesu wamushisha: sunga erisimira rabe ramakuramya. ⁴³ Na muntambi ncho wakae, na watucha Yesu, wamutucha ne itata ôngo. Ne beya bibati bakianga bamasunga e bishisharo byo batata ôngo.