¹ Yesu washisha e santumwa sae; munkati ne teko mwantarukanga beya mbi be isibuha bampe aembe bitinire; mwisha waherwa e mweyango warisha byo! ² Na rarengeka e mwayango wa minwe ikoi re osho murikoti rae ne itairwa mu nyasa, murikia wasibushe uma mu mbi bakeke. ³ Mwisunge. Kumba munakinu wakia bubi, mufine; na , wamaisiba, musasire. ⁴ Na wamakubishie meta arinda murutu ruma na meta arinda munkati ne rutu ruma, wamakuruka tu kurioongo, wamemba tu nakukonga isasirwa, musasire. ⁵ Esantumwa sae sa mushisha mukota: Tusengeree e risimira ritu. ⁶ Na mukota wemba: mumubesange na isimira buri e busie, mumushishange e muti uno; utuke, na wendi kuikome mu nyasa, wamuburukirange banu(aba ibusimira) ⁷ Mwisha kuriya urina mukombe umuhingirenge na imurangire mbi boro na wamushishe rima ukiri utukange ku kisambu wamushishe, ya tete, na uye kurisire ku meso? ⁸ Ntibumbo, wasemushisha yo: Tuwemba, tunganyie biyo kasa e biyo bwani be irisa, na umakinda oongo, umine e sa nchangi na kumba na makinda irisa ne riomo, naanga usesimba irisa ne riomo. ⁹ Watata e mukori(kahungu) ungo mwisha nemikorere nchi ya kukiae yarengekana ne miomba ya kunikwae, Ntinasimba? ¹⁰ Na banu mbo, kumba mumakinda ikora bibiti ibyo byasiburirwanga banu, twebibu bate bakori tusira nshimi(ao kikai), twamakia binwa mbi byabesenga. ¹¹ Yesu, wakianga wemba ku Yerusaremu, wetere munkati na ku Samaria na ku Gariraya. ¹² Wakianga wa makime murubungu, beya ikumi ibi bari ni bibebi bakumanana naye. Na babesanga basimana kore nae, na bakuwa kurie, na bemba ¹³ Yesu, muhani, tusasire. ¹⁴ Wakianga wamasunga bo, wemba, mwendi mwishee kuri e bakungu we kanisa, na bakianga e ntambi benda bashuerwa(barama). ¹⁵ Na uma mubo, wasunga ntiwamarama, wakuruka na utatange ôngo na murenge mukiri. ¹⁶ Wakae na mu mindi ya Yesu nerimutata nguru muri muramwa iwe wabesanga musamaria. ¹⁷ Yesu, wasubiya, wemba: na maramwa beya ikumi, ne beya imbi mwenda bari kuni? ¹⁸ Kusira umpe ngu wakukuruka ikurushie ôngo e mikorere itishi ya kumukieree muriramwa bo? ¹⁹ Wamushisha: Simana, enda e risimira rabe ramakuramwa. ²⁰ Ne Wafarisayo wa mushisha Yesu e wame wa ôngo waseyayo mu ani matu, nae wasubiya bo: wemba e wame wa ôngo watakochi iya mbu ukairirenge ungo bo. ²¹ Na batakueba: kaena ana, amba; kae kukoo mwisha e wame wa ôngo uri kumunda nabe. ²² Na washisha tu e sa ntumwa sae: ematu aseja asekiayo musunga utu ruma e rutu re mwana we beya na mutakochi isunga ro. ²³ Na base bushisha banu; uri ano aba uri kuko anga iendako aba ibungura bo, ²⁴ Mwisha wasesikayo buri nkumba yasika muruharo ruma rwengwi na isaka na murumpe uharo umpe rwe kuriyo(mumbingu), nge bumbo mwana we beya waseja yo we mu ende e chuo murutu rwae. ²⁵ Mwisha wakoche inumba nguru, na watinwa mu kiranga kichwo (ne rukwoyo rundo). ²⁶ Na abesenga e matu ingo a Noa,nange bumbo wasebeseyo e matu ngi erikuruka ra mwana ngu we beya. ²⁷ Ebeya baserisayo, muriomo, muribinga, na bampe iribigwa ne bana babo, na mupaka e rutu ndo rwa kianga Noa wakime mu wato: ne bura ya anja ikee ne mukombi wa mina e beya bibati mu chuo. ²⁸ Na rabese buritu e kiranga cha Roti, babesenga muririsa, muriomo, nerichura, ne richurisha, ne rieka, na bampe ntibaibange. ²⁹ Ne rutu rundo rwakianga Roti watuka ku Sodoma, mbura ya kasha ya sika ituka(mumbingu) ya shika e rubungu hima ne beya bibati. ³⁰ Na asebeseyo buri indo utu rwa serindirwae e mwana we beya. ³¹ Ne munkati ne rutu rundo e mweya ungu uriiyu ne numba yae, ne bikai bwaye kumunda ne numba yae, ne watasikitu kukutobyo; nangu nae eurimunkati ne ishwa rae watakuruki tu kuruma. ³² Ikandira mukari wa Roti. ³³ Kira mweyangu usondange iramwa e mutima wae waseriminyayo; nangu waseninkana e mutima wae iweseramwiayo. ³⁴ Na bushisha banu, munkati ne butu bo beya babi basebeseyo muntange nima, uma wasendayo ne umpe wasesiyayo. ³⁵ Bamina babi basebeseyo nti baohange mwango. Uma waserirwayo na umpe ntiwasia. ³⁶ Ne babume babi basebeseyo nti bahimu ishwa(kisambu) bahingange uma waserierwayo na umpe tuwasia. ³⁷ Esa ntumwa sae sa mushisha: animpo, mukota? wasubie bo: ani ari ekinda, impo impo injuu sa kumanena.