¹ Yesu, wakime na ieta munkati ne rubungu rwa ku Yeriko. ² Nasunga, kwabesenga mweya uma mutuba rina rae Zakayo, mukakare wa baripishi ba kodi na wabesenga mutuba nguru. Na tusongange isunga Yesu. ³ Na tinye ngu, wamumusunga mwisha e beya babesanga bingi nguru, mwisha iwe wabesenga mwihi nguru. ⁴ Watarimuka tete kubusondori, wataya kwiyu na muti mwisha wamusunge, mwisha usondange ietere muncho nsee. ⁵ Na wakianga Yesu weya impo watarisha e meso ae wamusunga kwiyu wemba: Zakayo, sika tete, mwisha ra komena runotu nikime mu numba yabe. ⁶ Zakayo wasika tete, na wamukoke ne sangowa. ⁷ Na bakianga bamasunga bo; bibati basibuka, na bashishana mwishanki wakime mu numba nchi e mweya we bibi. ⁸ Ina Zakayo, wasimana kubusondori na mukota, wemba: Sunga mukota, naninka e basene bibati, chunda che behe byani, na kuba nabakanga kira kikai kuri mweya na imushukeshuke bako, nasemukuruchie meta anye. ⁹ Yesu wamushisha: Ishukara ra kime mu numba yabe runotu runo, mwisha iwe nae mwana wa Abrahamu bumbo bumbo. ¹⁰ Mwisha mwana wa beya weyanga kusonda ni ramya ungu warerimina. ¹¹ Na bakianga bamaritira e binwa bo, Yesu warika nti wembange ukiange mushumo mwisha wabesenga kwihi na ku Yerusaremu, na basibabu; E wame wa ôngo wasesungwa tete(mungendo nima). ¹² Wemba tu, mweya uma wasubahirwa, wenda mu chuo cha kore, isonda ininkwa e wame na ikuruka. ¹³ Wabikira e sa ntumwa sae ikumi, waninka bo bai ikomi, washisha bo: muchurishe na muntambi inchi yasekurukayo ani. ¹⁴ Ne beya baye wasubwa ntibamubaa, barebeka e sa ntumwa imubungura, wemba, ntitashima e mweya uno iturikere aba sirwa nitu. ¹⁵ Na wakianga wa makuruka kuruma ne rishe e wame wae, watusha mwamba we ibikira ibo wakori ibi baninkanga ee behe, wasimbe mbu wasianga bukorange bo na isimba imikorere ya kira mweya. ¹⁶ Waroso wemba; Wemba, mukota, e behe byabe namashee behe ikumi. ¹⁷ Wamushisha: rakoma, mukori wa koma; Mwisha umabunduke mweya weriira mu kinwa kikeke na usetawara mu usebese ne kinwa che riemba mumbungu ikumi. ¹⁸ Na we meta ambi weya, wemba, mukota, mu behe byambe namashee tukoi tu sano. ¹⁹ Wamushi: na oongo usebese na kinwa ambasirwa na mbungu isano. ²⁰ Na umpe weja wamushisha, wemba, mukota, etukoi twambe, twapesenga oongo narebikato mu(kitambara) kiremba, ²¹ Mwisha nakukusubaha, oongo mweya usuwa, oongo ntingirenga impi nti akubike oongo, na oongo uka urenga mpi ntiareeka oongo. ²² Wamushi, mubo bunu wambe nasekuhera, oongo mukori wema, oongo ukusimba mbu ani mwaya wasuwa, nikutonga impi nti akubike ani, na ikao impi nti akuhingire ani. ²³ Mwisha nki kuumbikanga e behe byani mumbi baranganga behe shu, mwisha nki tuubukanga e behe byani mumbi babikanga shu na mukumanange byo ntibyamabuta bimpe? ²⁴ Washisha imbi babesenga barimpo: mubake e behe bya kurie, muninke byo ungu uri ne behe(tukoi) ikumi. ²⁵ Wamushisha: mukota, uri na behe ikumi. ²⁶ Washisha bo, kisingu mweya uri na kikai, iwe waseninkwa nangu usira kikai basemubaka cho nanki kari nambe bako basemubako ko. ²⁷ Warika, murishe e bashumba bani ibi bakesa ibunduka aba sirwa nani, na murishe bo bakerwa ano ariani munkati ne beya. ²⁸ Wakianga wamakinda iemba, Yesu weta munkati ne beya, murienda wataya ku Yerusaremu. ²⁹ Wakianga basonda iya ku Betefaje na ku Betania, kwihi ne rou ndu rubikirwange mbu Zeituni, Yesu watuma ntumwa sae simbi, wemba, ³⁰ Wemba, mwendi banu mu kansari nki kari kwabere(kubusondori). Na musekia mumakime murubungu, musesunga mpo mpunda ya chana ya minwa, ntinesi ya tarie mu mweya uti; muobore yo, na mumurishe. ³¹ Kumba mweya wabushisha, mwishanki mukuobora yo? na mumusako mbu mukota ii wakututuma mwisha iwe ii waraire muyo. ³² Nambi watumangae benda, basunga e binwa mbi wakianga Yesu weshisha. ³³ Ne ntambi ncho bikianga bamaobora e chana cha mpunda, bine mpunda bashisha bo: mwisha nki ashibwa muobora chi chana cha mpunda? ³⁴ Bemba: Mukota waraire mucho. ³⁵ Na barishie Yesu e chana cha mpunda, baria e sa nchangi sabo iyu ne mpunda, na batarisha Yesu ambasirwa nacho. ³⁶ Na wakianga wamenda, babo bansansa e nchangi sabo mumunse. ³⁷ Nawakianga weya kwihi na ku Yerusaremu, kwihi ne rihitire mu ruu rwa ku Zeituni, e kumanano iti ye sa ntumwa sae, waanja isima, na itata ôngo mu murenge mukiri mwisha e bishisharo bibiti bya kusunga bo. ³⁸ Bemba, mukasanirwa, mwame ngu weya murina ra mukota! Iruhuka munkati ne mbingu, ne butukufu buri kuyu. ³⁹ Ne bampe ba Farisayo,babsenga munkati ne kumanano bamushisha Yesu: Muhani, fine e sa ntumwa sabe. ⁴⁰ Wasubie, washisha bo, nabushisha banu: Aba mubebera e makoi ase tarisha murenge. ⁴¹ Na wakianga weya kwihi ne rubungu, Yesu, wasunga rwa, warire mwisha na iro, wemba, ⁴² Mwisha oongo umusibanga e rutu runo, e binwa bya mukocha irisha iruhuka rabe! Rakini muntambi ino rabiswa kubusondori ne meso ambe. ⁴³ Mwisha raseyayo utu ruma e bashumba babe baseibayo kinsunsu, na ikutiba, ni kuminire mu haro sisiti. ⁴⁴ Base kukirisha(ikurikecha) kwansi oongo ne bana babe kumunda nabe, na batakusiya kumunda nabe aba ikoi kuyu na ikoi, mwisha tukusiba entambi nchi ôngo wakukuyere kukwabe. ⁴⁵ Na wakime mu numba ya ôngo, watangira irikitanya imbi washuyange nambi bachurishange kumunda. ⁴⁶ Washisha bo: Remba buno, e numba yani ya sebese numba ya mahemo, mwishanki banu mumakiayo ibese rushwa rwa bibi(nsambi) ⁴⁷ Wahana kira utu mu numba ya ôngo, ne bakakare be bakungu ne ba andiki, ne bakakare be beya, basonda imushuru. ⁴⁸ Na bo ntibakusunga e kinwa cherikia; mwisha e beya ibati bakesa basondange umurukira.