¹ Abesenga ntambi nchi Yesu utu uma wakime mu numba ye mukakare wa Mufarisayo murutu ndo rwa iga, muririre mo, nabo ba musunga. ² Nasunga, abese utu ruma mwea uma nti uri na bukoni bwe katumbi kubusondori naye. ³ Yesu wasumbya bo, washisha tu bo e banu mbi bwe ikera e binwa ne Wafarisayo akasema rata kutote kanya iramya e mwea murotu rwe inga? ⁴ Babera, wamukoto wa muramya, wamureke wiendere rae. ⁵ Wasubie tu mbo wemba, inye mu banu, kumba e punda amba e nkambu yae ya makire kumunda ne rishimu muntambi nima mu rutu rweringa? ⁶ Nabo ntibakochanga tu imusubie mu binwa mbo. ⁷ Washisha bo bakubikirwa, mushunga, wakae mbu wakurondorwa bo e bikai mbi bwa rwaso, washisha ni bo, ⁸ Muntambi nchi e mwea wamakubikira mu ndoa yae, anga irike mu kitumbi nchi charoso ao(kubusondori), mwishi iwe tu waruka umpe mwea wae wamusubaha ikurenga oongo ngu wakukubikira. ⁹ Nangu wakukubikira oongo nae, wameya, wamakushisha, nikangu mwea e ndikaro yeririka, na oongo userikira nkene ne risonda e kitumbi nchii cha kuruma. ¹⁰ Mwisha umabikirwa oongo ya urike mukiti cha kuruma, naiwengu wakukubikira wasekushi, mirani sengera kuno kubusondori urike; Impo na oongo usebese ne sangoa munkati ne bea bibati mbi barisirenge na be mpo. ¹¹ Mwisha kira mwea ngu witatesha basemunisha, na kumba e emwea ngu wihicha base mutarisha. ¹² Washisha ungu wakubikirae muntambi nchi yeriteka e biyo bambe mbee mumwishi nambi biyo byambe bwe muyoro nanga obikira bira bambe, amba bana kinu, amba imbi bari kwihi nambe e batumba, batakubikiri oongo tu mwisha mpo usenikwa bisambo. ¹³ Mwisha, muntambi inchi yakia oongo sikukuru, bikira imbi ntibikocha, ne birema, imbi bakururukange kwansi ne birimirimi, ¹⁴ Na oongo usekasanirwa, mwisha imbo basira nchi chasekuninka bo, mwisha oongo usenikwayo embi sabo utu rwabe rwahende; muri shukara ndu rwe byaa mbi biyeri iira. ¹⁵ Ee mwea uma mu bo barikanga nae muririsa e biyo mu mesa, wakianga wamarikira e binwa byo, wamushisha: wakanirwangu waserisayo e kambosa ka hende mu wame wa ôngo. ¹⁶ Wamushisha: Ee mwea uma wakia sikukuru kiri, wabikira bea bingi. ¹⁷ Warebeka mukori wae muntambi nchi ye sikukuu muri shisha mbi bakubikirwa, muye, mwisha ebikai bibiti bi bya birimpo. ¹⁸ Bibati batangira itina na iebere ima, waroso wa mushisha: Namachura kisambu, rakae ienda kusungaro, nikukonge unisasire. ¹⁹ Umpe wemba; namachura kamba Jozi isano, niendange kuhingisha to, nikukongange unisasire. ²⁰ Umpe wemba; namachurisha mumina, mwisha bumbo ani ntakukocha iya. ²¹ Na ungo mukori wenda kuture ishe we murimo e binwa byo, na bumbo ungo mine numba, wasibuka, washisha ee ntumwa yae, enda tete, eta munsee nkiri na chi nkeke ye rubungu, urishe ye sa nkumbi, ne ba kururuki(birema) nanabenderenge mu maru, ne birimirimi. ²² Ungo mukori wemba, mukota e mwamba wambe namakinda ikiyao, nge bumbo itukire inompina e ndikaro ikiri hoo. ²³ Ungo abume washisha e mukori: enda mu mwengere na kwende usonde mbo bakime, mwisha e numba yani yarise. ²⁴ Mwisha na bushisha banu munkati ne bea mbi bakubikirwa kusira ungu ne mwea umaguwaserisa mu sikukuu yani. ²⁵ Ne nkumanano nkiri ya mutucha: wabunduka, washisha mbo, ²⁶ Kumba mwea muri kuriani, watine kasa ishe wae, na nina na mukari, na bana, na bana chabo bae, wabume na bikumi ne buwingu wae nabo, watakochi ibunduke mukori sae. ²⁷ Na mwea uuti ngu ntiwaria nesi e musaraba wae, ni mutucha, watakochi, ibunduka ntumwa yae. ²⁸ Mwisha inye mwea mubanu, ungu usondange iimba numba ya kwiyu(munara), nantinesi warika nakwishishirisha buni buri e busi na kumba kuramabesa mbi kaimbi bya marumira bye rikindanya e bwimbe. ²⁹ Amba wamambese wamakinda imbi ka kitina, watakochi ikinda ne bea bibati nti bakaenge ntibaanza ne kimucharika. ³⁰ Nti bemba, emwea uno watutangira iimba, nanti wakochanga tu ikinda. ³¹ Mwame uni, wamena kukwana na umpe mwame, na ntinesi warika kasa ni ikia kimbi, kumba iwe ima ne bea erefu ikumi wamukocha ikumanena nae ungu uyuange abasirwa naye ne bea erefu makumi ambi? ³² Kumba ntibumbo, waserebeka bea ihima buhoro, ungo mwami wamamba ukiri kore. ³³ Na bumbo, kira uma mu banu, kumba tuwasiya bikai byae bibiti, iwe watakoche ibunduka ntumwa yani. ³⁴ Emukwa(sese) wa oma, na kumba mukwa wabiha, kini kikai chamukocha ikurucha erikoma(ichoke) rae tu? ³⁵ Nti faa tu murirane, rakini e beya batariyengi ho bisu. Uungu uri na mate yirukira warukire.