¹ Imbi ba tuanya e kori bibati, na mbi beya bye bubi biya kurie muririkira e binwa byae. ² Wafarisayo ne baandiki basunga bubi bemba: Emweya uno ukeya bi bisa bubi, neririsa nambo hima. ³ Wamushisha e mushumo ye wemba, ⁴ Uni mweya kukinu urina kiboro iyana, wamariminwa nima muto, amasiya makumi mwenda na mwenda mu mitiri(janjwa) ne rienda kasonda inchi ya kurimina na weya nayo? ⁵ Wasunga yo na wariya ampo mubituri byae nesangoa. ⁶ Na wakianga wameya nayo mumwaye wabikira mira wae na mweya wa kwihi nae(jirani), washisha bo: mukokome ima nani, mwisha ani namasunga kiboro chani nchi chariminanga. ⁷ Ani nabushisha banu: Asebeseyo ngowa ningi asekia mweya uma mukori wa bibi, kumba wakonga isasirwa wamakime mu mbingu, irenga e beya mbi bye riyira makumi mwenda na mwenda imbi nti barae ikonga isasirwa na nyekurwabo. ⁸ Aba mumina uni, ungu urina safira ikumi, wamariminya safira ima wahunde isacha eritara, ni haye mu numba, na isonda mpompo ne risunga ro? ⁹ Na muntambi nchi wasekia wa masunga yo, wabikire mira wae na beya mbi bari kwihi nae, ni iyeba: Mue tukokome hima mwisha ani namasunga e u yani nchi ya kesa ya marimina. ¹⁰ Bumbo nibushishange banu, kuri ngowa munkati ne ntumwa (maraika) sa ôngo kwiyu, mwisha mine bibi uma wamatunganya; aba isiya e bubi. ¹¹ Weba: mweya uma wamaba na bana babi, ¹² Nangu we mwanunke wamashisha ishe wae: mpese muhaniyo wani wa behe imbi bya nirengeka, ishe wabanyie e behe byaye kuri bo. ¹³ Kuruma na matu makeke ungo mwanunke wa sonjasona e bikai byae bibiti, wenda mu chuo cha kore, nakuko wariminya e behe byae bibiti mwisha ne bushuma. ¹⁴ Na wakianga wamariminya bibiti, e rwaka rukiri rwa kime mu chuo ncho: watangira kuinikira. ¹⁵ Wenda, warama na mweya uma we chuo ncho: iwe wamuriya e kubisambu byae muriringa na irisha e tuhuwa twae. ¹⁶ Iwe washima isikucha e bura wae mu bisiwanyiwa bye tuhuwa, na waruka ne mweya werimuninka kikai. ¹⁷ Na wakianga wamisiba, wemba: beya banga bakori batita mumashwa aye na batuwe rwange na irisa na isikuta, na ani ano nikwange ne rrwaka? ¹⁸ Nasetuka, ne rienda kuri tita, nasemushisha: Tita ani na makora bibi kwiyo kuri tita ôngo na kuri oongo. ¹⁹ Ani ntinarengekana tu imbikirwa mwana wabe, mu bakori babe bye murimo berininkwa behe. ²⁰ Waruka, wenda kuri ishe wakianga ukiri kore, ishe wamusunga, wamusasira, watarimuka tete, wamukoke murikoti rae, wamurubaruba. ²¹ Ungo mwana, washisha: ishe, ani namaki bibi kwiyo mumbingu na kuri oongo, ninakocha tu ibikirwa mwana wabe. ²² Nabo ishe washisha e bakori bae: Murishe ano e ropo nduu rwa koma, mumumbarishe ro mumuninke rupete mu mune wae, na birato mu mindi nae. ²³ Na murishe nchama cha nkambu inchi cha none, mukereyo, turike turisange hima na ikokoma. ²⁴ Mwishangu mwana wani wabesenga wamarimina iwe wamasungwa, nibucha ikokoma. ²⁵ Na mwana wae ngu we mukakare nae wabesenga turi kukisambu: Na muntambi nchi wabesenga tusondange iya kwihi ne numba, warukira e mirenge ye risiba ne rimina. ²⁶ Wabikira uma musa ntumwa, washisha bo ebinwa mbi byeba buni. ²⁷ Bamushisha: munakitu wani iimeya: nashoo wabe wamakera na nchama chana cha nkambu inchi cha none, mwisha wamashee iruhuka na mweya ushere. ²⁸ Wasibuka, watina ikime: na ishe wae wasa ni mubonganya. ²⁹ Na impo wamusubie, washisha ishe wae, sunga miaka ningi ino, namakukorere,na anga nerutu rwama kubishirnga ani e mwamba yabe, anga ne rutu ruma; Rakini turempese ani anga kiro ne nchama cha mpene nani nishime hima ne bira bani. ³⁰ Rakini muntambi oongo mwena wawe, wakukia weya, ungu warisanga e bikai byabe bibiti hima ne bihanga, oongo nguu unamukere e nchama cha nkambu chi cha none. ³¹ Nae wamushisha: e mwana, oongo nirikanga nabe matu ati, ne bikai byani bibiti babe. ³² Rakesa rarengekana tukokome na tuseye, mwisha uno munakinu wabesenga nti washukara tu: wariminanga, na ungu wamasungwa.