¹ Muntambi incho bea bampe beya kumuture binwa bye ba Gariraya bimbo iwe Yesu Pirato ngu wasonyanga e nchama yabo ne busambo byabo. ² Wasako bo: Banu muhakange mbu e bagariraya imbi basesenga nti bari ni bibi irenga bampe bagariraya imbi banubanga ne binwa byo? ³ Washisha bo mbuu, kumba ntimureke e binwa mbi museshirira banu bibati, buri bo. ⁴ Banu buhakange e byeya ikumi na munane imbi bakukwa mu munara wa Kusiroamu wakuendukire bo nikwa, banu muhakange mbu ibo nge bari ne bibi(nsambi) irenga bampe mbi babe ku Yerusaremu? ⁵ Ani nabuire buno, ntibo, kumba, baba banu ntimushima itunganyenyo nisekwa(ishirira) wakwanga bo. ⁶ Wakere bo mushumo ngu wemba buno: mwea uma weka mutii munkati ne kisambu chae che mizabibu; wenda kakao, wakumana e mutii ntiti ware buta anga ne chuma chima. ⁷ Waire e muhingi we kisambu chae: Sunga e miaka ishatu ina nisondekanyange byuma mu mutii uno, ntinasunga byo, kerao, mwishanki ubishange e roto busabusa? ⁸ Wasako, rekerere ksa tuo mu mwaka uno nirekereo mu oto kumba wamukocha tu ishuka(ao ibuta), warisia wemba. ⁹ Wamabuta byuma bya koma ido rarengeka, kumba ntibabuta, yira nttitakerao. ¹⁰ Webesanga tu uhanange bye ya musinagoki udo utu rwe iyinga. ¹¹ Nasunga, abesenga ntiari mumina umo nti uri ne rishumbu re butetera miaka ikumi na munani ntimutetera nguru anga ne rikwisarosaro. ¹² Akianga e mubake(Yesu) wamusunga, wamubikira, wamushisha, Ee oongo mumina mutetera itukire ino mpina uoborwa. ¹³ Waria e mine yae abasirwa ne muntwe wae muntambi ncho winano watata ôngo. ¹⁴ E mukakare we sinagoki(kumanano), wasibuka washisha Yesu oongo buni(ao bwishanki) uramya mwea utu riinga, na e wasubie bo, washisha e kumanano: kuri matu mutuba ingi umukocha ikia murimo, muye babushakire mu matu ingo, ina rata bunduki utu rwe riinga. ¹⁵ Mukota wamusubie wemba: Banu bashukishuki, kira mwea mu banu utu rwi inga, banu mutooboranga e sankambu sinu ne punda sinu ituka impi arikangato ne rihinja to? ¹⁶ Ne mumina uno, mwisi wa Abrahamu ungo wakesa waminya na mushumbu miaka ikumi na munani, bubi murimuabora utu rwe riinga? ¹⁷ Na wakianga wamemba e binwa byo, bibati bi babesenga barekeranange nae e mirenge(ao ibanga) bakwa nkene, ne kumanano itii bashima mu mikorere ncho ya rengeka yakorangae. ¹⁸ Waire bo: Echuma wa ôngo wasusena nanki? Nasesusanya bo nanki? ¹⁹ Wasusena na chuma cha haradari, e mwea wakutonga e busie bo warekera bo munkati ne kisambu chae, yashuka, yabese mutii, e mironge ye kwiyu yarika musantambi sae. ²⁰ Wemba tu bunu: Nasesusanya e wame wa ôngo nanki? ²¹ Wasusane na tembe inchi ya kutonga e mumina, wabisa byo munkati ne tutengi tu shatu twe nchano twa kekemesha ne bitii. ²² Weta munkati ne sambungu ne tunsari, tuhanange, na wasoka murienda ku Yerusaremu. ²³ Mwea uma wakumanena nae wamushisha: Nyere kuritu(mukota) embi bakusimira bakeke ho, ²⁴ Wamushisha: oongo kia maa ambe ukime mundo rubi rukeke mwisha nabushisha mbu bea bingi baseshimayo ikime, nabo batakochiyo tuyo. ²⁵ Asikiyayo mine numba wasimana ne ririndika e rubi, banu muse simanayo hamiyango ne rikitakita(ne rikasokaso mu rubi) nanti e banu murenge, mukota, turindure; Nae wasako mbo ne rishisha mbo, Ani ntinunsi kusairenge banu. ²⁶ Naimpo musetangira iemba: Twarisanga na iomo nambe, na oongo nge umbesanga muharini witu. ²⁷ Nae wemba nabo, nabshisha banu, ani ntinisi kusairenge banu; Mutukirire ana (mutukempo); Banu bibati mubesenga ho nti mukiange bibi(nsambi)! ²⁸ Uko kwaserikayo ire na ishisha e meno, asekiyayo musunga Ibrahimu na Isaka na Yakobo ne mitahwa iti munkati ne wame wa ôngo, na banu bisine musetairwayo ambuka. ²⁹ Na waseyayo, e bea ituka unku nanku(musinga sisiti se chuo), nambo baserikayo mubuseme sinye(munkati ne wame) wa ôngo. ³⁰ Nasunga, embi ba hende wasebeseyo ba roso, nambi baroso basebeseyo ba hende. ³¹ Ne ntambi incho incho Bafarisayo bampe bea kurie, bamutunde tuka ano ende rambe, bwisha mbu Herodi usondange ikuya. ³² Washisha bo, muriendere rinu muire cho bibi: musunge, ani nirikitanyange e bashumbu mbi bakarama: Nikorange e murimo we rirwamya e bea runotu na mukoma, nani nasekindayo utu rwa shatu. ³³ Mwisha runotu misasire ienda runotu, na mukoma, na mukakoma: mwisha ntirarenga na e mutawa(mucheheri) ikwire kumushi ya ku Yerusaremu. ³⁴ Ee ku Yerusaremu, Yerusaremu, banu mushurange e batahwa(washeirwi) ni kama bo ne makoi imbi barebekwange kuri oongo meta anga nakesa nisondange ikuja e bana bambe, buri e nkonko ikumanyange e bwana byae, kumunda ne bwiyi byae, na ntii mukushima. ³⁵ Mukae e numba yinu ya masierwa; Muriira nabushisha banu, muta kunisinga tuyo, muntambi ncho musekiayo mwemba: Wamakasanyirwa ngu waseyayo muriina ra Mukota.