¹ Entambi nchi ya kumanenanga e kumanano ye bea erefu ningi batangira inatana, Yesu, wabucha ishisha kasa esantumwa sae raroso; musunge kasa ebumbi we Bafarisayo, nange bushukishuki wabo. ² Mwisha kusira ekinwa cha biswa, na ratasumbwiyo, aba ibiswa na ratasibiyo. ³ Mwisha e binwa bibiti mbi bye berwanwe mu kindi, baserukirwa mu butara, na mbi bweberwange mutuwewe musandani, baseturirwayo ambasiro ne sa numba sinu. ⁴ Na bushisha banu bira bani anga isumbuha imbi bamushura e mimbi, na kuruma batakochi kuronjeye kimpe kinwa. ⁵ Bani nibuhanange inge mwea mu musumbaha, musumbahe ungu urine maa, amushura e mwea, ni murekera mu miyororo; nge bumbo wambushisha ani, mumusumbahe iwe. ⁶ Mironge isano ya mukocha ichuka sengi simbi? Na ôngo watakoche isera anga ne uma muyo. ⁷ Ne buteo we mintwe itu ya asirwa iti, musumbahi, mwisha banu murenga mironge ningi. ⁸ Nani nimbushishange banu: Kira mweangu wasetiko eriina rani mu bea, na iwe mwana we bea itiko kubusondori ne maraika, ⁹ Nangu wasemutunayo munkati ne bea, naye wasetunwayo kubusondori ne santumwa sa ôngo. ¹⁰ Na kira uma ngu waseemba kinwa mwisha mwana we bea wasesasirwa: Nambu ungu wasekamba e mutima mutaberi watakochi isasirwa. ¹¹ Na muntambi nchi iburiange bo kubusondori ne masinagoki, ne bakerimbe binwa ne bine e bitumbi, anga kishishirisha ne ianikira mbu twasesubie buni aba ienda buni. ¹² Mwisha e mutima mutaberi wasebuhana banu e ntambi incho ye binwa mbi bya mueba banu. ¹³ Uma mumbo mu kumanano washisha Yesu; Muhani, shishie munakitu wambanyie mu mwandu. ¹⁴ Yesu wamushishi, uni mwea, inye wariniriya nimbe mukeri wa binwa aba mumbanyi kuri banu? ¹⁵ Washisha: mbo, musunge muirange banu bisine murikwikito mu meshemeshe iti, mwisha e wingu we mwea usira mu wingi we bwhe byae. ¹⁶ Washisha mbo mu wano; wemba mbu ekisambu cha mwea uma mutumba rambuta, ¹⁷ Wabucha ianikira kumunda ne mutima wae: wemba; Nasekia buni? Mwisha ani nisirampi aseria ani e mirime yani, ¹⁸ Sunga, wemba,nasekia buno; Nasekakura e marumba ani yeririre e byo, ne riimba ampe makirimakiringuri, na mumo naseriamo e mirime yani ne behe byani. ¹⁹ Na kuruma nti nishisha mu mutima nani, Emutima anga ubika mbehe bingi bwa bikanga oongo butomo mu miaka ningi, iruhuka, irisa, ne riomo, ne rikokoma. ²⁰ Imbo ôngo wamushisha: ôngo choto, utu rwa runotu basesonda kukwambe, emutima wambe, ne bikai imbi bya bikanga oongo bya sembese byanye? ²¹ Imbu iwe ngu uimbikirenge wisine e kuu ye mbehe iwe usira bisambo kuri ôngo. ²² Yesu washisha e ntumwa sae,mwisha mbu buno nabushisha banu, banu mwinumbi mwisha ne mimbi inu mbu musembara nkii. ²³ Mwisha irika chuu rarenga irisa, ne mumbi warenga e sanchangi. ²⁴ Anikira e kibukuru; chataekana aba chata kaonga; nabasira kisambu inchi chiri mu biyo. Aba numba na ibike mu biyo, na ôngo ntimuari urishange bo na bani ntimukoma irenga e muronge inchi yokange? ²⁵ Inye munkati ninu, mumunumba wae wamukocha ikokora eburenge wae irengesha e mwine uma? ²⁶ Kumba banu mutamukocha ikia kinwa kikeke buri kincho, mwishanki banu muinubyange mwisha ne binwa mbi byasiya? ²⁷ Muanikiri kasa mauwa umbu bushukange o; atanga kora murimo, aba Solomono mu kibundura kwae kukuti iwe ntiwabarichwanga buri uma mubo. ²⁸ Kumba ôngo wambiricha bibo e bisu bya mukisambu imbi bitunganyiwange runotu, na mukoma byasetairwa munkati ne chaka che kasha, na nguru wasebubarisha banu mbi be munyihiro mukeke! ²⁹ Nge bumbo anga isonda e bikai bye irisa ne iomo, aba imbunduke ne mutima we bomba. ³⁰ Mwisha e bea bye chuo basondange binwa imbi bibiti, nambu tita witu iwe usimbi bisasire bate byo. ³¹ Imbu tusonde kasa e wame wa ôngo, ne bikai bibiti bya setarikiwa ambasiro ninu. ³² Musubahi, iyimba rikeke, mwisha imbese ishoo winu(tita) wamasunga shuu ibuninka banu e wame. ³³ Muchurishe e bikai binu, muninkane e busabo binu, mwimbikire e sankuu isii sa konda, na kwibikire kikuu mu wame wa mumbingu, impi atakochi ikime wimbi, aba rusenge ikime. ³⁴ Mwisha mpo akiya mubika e kikuu chinu, na impo asembikwayo e mitima yinu. ³⁵ Emangati inu aminywe, ne matara ntiasakang, ³⁶ Na banu, mukereshe buri mwea ngu, urindirenge moke, wasekia wamakuruka ku ndoa; mwisha, wameya wamakangota erumbi, bamurindure na kumba. ³⁷ Bakasanirwa ebakori mbo, asekiyayo ebume wabo weya wasekumanayo mbo ntibakeresha mu rimurinde. Muriira, nabushisha banu, wasimbaricha na imburikecha mu ririsa na iya kumbukorere. ³⁸ Nae wameya muntambi ya birangi wametambi aba ne burangi we meta ashatu mumutu, na ikumana mbo bumbo, bakasamirwa ebarongu mbo. ³⁹ Na banu musimbe mbu, kumba mine numba wamusimbange mbu ntambi ya seya e mwimbi, wamurangange, watamusimirange e numba yae ikakurwe. ⁴⁰ Naba numbu, murimbese hima, mwisha asekia e mwea we bwea weya mu ntambi nchi ntiyosi banu. ⁴¹ Naimpo Petoro wamushisha: Mukota, ungo ntushishange baate aba e bea bibiti? ⁴² Mukota wemba: Inyengu mwea wa simamire binu wakoma na ukwe wenge, ungu mine numba wamuria isimanire e numba yae iti. Waninke e bea biyo bambo muntambi yae? ⁴³ Wakasanirwa e murangi ngo asekia nyere kurwabo weya, wasemukumana ntiurkiri ukiyange bo. ⁴⁴ Muriira, nabushisha banu, wasemuriya wasimanire e behe byae bibiti. ⁴⁵ Na bumbo e mukori ungo wishishirisha mu mutima nae, mukota wani wasiya murija raye, watanja ihuba e bakori bae, e babume ne bamina, ne ririsa ne riomo ne rike e mau, ⁴⁶ Emukakare we mukori ngo waseya yo murutu ruma nduu turusie, ne ntambi nchi ntiyosie, nimukera byunda bibi ni imuninka bisambu bema ima nambi ntibasimira. ⁴⁷ Ne mukori ngo wabesenga nti osi e mashimane anyere kurwambo, na ntiwarikanga ima murikiranga, aba ironja busasire, waserundwa bikiya bingi. ⁴⁸ Imbu ungu ntiusi, wamaronjwa mikorere shuu ya susena ne tushushu twae, iwe waseninkwa mikorere ya susana tushushu. Twasekasurwe tushushu tukeke, mwisha kira mwea ngu wareninkwa biingi, mwisha kuri kire ye bingi byase sondwa inaiwe bea bi babikirangee bikai bingi kurie basekonga bikai bingi nguru. ⁴⁹ Nameya kurekera e kasha mu chuo, na kumba kamansoka ni sondange tukii nguru. ⁵⁰ Niina ubatizwa, ibatizwa mubo, na naekena mubo buni na wasekiyayo waroyiiwa! ⁵¹ Na banu musi mbu na reja ku bika buhoro mu chuo? Ni bushisha banu, ntibumbo, ina isiana. ⁵² Mwisha itukire inompina, kumunda ne numba nima bea basana basesiana, bashatu na babi, babi na bashatu. ⁵³ Tita ntiwasimirana musike wae, na musike wae ntiwasimirana na ishe koyo nae ntiwasimirana ne kikumi chae, ne kikumi na nina nambo ntibasimirana na inambe nae ntiwasimirana na inambe. ⁵⁴ Washisha tu e kumanano: musekia mumasunga e butu wasiro e kwiyo, ntimutangira iyemba mbu e bura ye ya, yeya na kumba. ⁵⁵ Na asikia musonga eriyahu retange munkati ne mwishi, nti muemba: E chuka cha sua, yaseya ino. ⁵⁶ Banu bashukishuki, banu musi wasusa e kwiyu, ne kwansi, na mushanki mukakochi isimba entambi isi? ⁵⁷ Na mwishanki banu besine mutakoche itiko imbi bye riira? ⁵⁸ Na kumba oongo kiri oongo wendange ne musongere wambe munkati ne bakeri bye binwa, oongo kia tete irongana nae mumunse na kumba nesi ntimuya nae kuri e mukeri we binwa, ne mukeri we binwa ungo wamukuria munkati ne mine ye mushirikani, ne mushirikani ungo wamakutinge ne ikuria mumuyororo. ⁵⁹ Nikushishange muriira, utakochi ituka kuko, na kumba kuti ukesa umatua kichere chi che hende.