¹ Mwisha bumbo nturi na mukorere nguru warengekana tukianga twamasasirwa, nti twatetera. ² Na bumbo twatina e binwa bya nkene imbi bya besanga bya mabiswa, na bumbo twatakusumga munkati ne bubi, aba isonyasonya e kinwa cha ôngo na bushuki shuki; aba imishea iyiira ye binwa bya iyiira nga buri biyiira mu bubi we beya mu makako a ôngo. ³ Na kumba kuri e mwasi wakonda witu wabiswa, wabiswa mwisha mbi barerimina. ⁴ Kumunda nambo mushumbu we chuo wamakito e wenge wambo batasimiri e mwasi we utukufu wa Kirisito e susanga ya ôngo watasa inchi imbi e chaka. ⁵ Mwisha baate kesine twatangi ana, mwisha Kirisito Yesu mukota, na baate bisine na baate bisine twasebese ntumwa sinu mwisha na Yesu. ⁶ Mwisha ôngo iwakeemba: E chaka kibese e kindi kituke, na incho iya sungwa mu mitima yiitu, wa ôngo na iwe nge urikumunda niitu munkati ne mitima yiitu, na watuninka e chaka che wenge ne mamuraka wa ôngo munkati ne makako wa Yesu Kirisito. ⁷ Na bumbo turina kinku nchi kumunda ne mimbi nchi ye keto, ne bukakare mbu warengana ne maa abese a ôngo, aba atabese itu baate besine. ⁸ Twekenywa e sakaro sisiti arakini tita minwa, twabesemerwa(aba twakwa booba) arakini ntitwafundwa. ⁹ Twa numba arakini titasierwa baate kesine, tatairwa kwansi, arakini ntitakwa; ¹⁰ Ematu iyati twamatinge e mimbi murikwa mwisha na Yesu, aba e karamo ka Yesu mbubo mbubo atungwa kumunda mimbi yitu(aba munkati nitu). ¹¹ Mwisha baate mbi tushere baate bibati twabikirwa ikwa mwisha na Yesu, aba karamo ka Yesu bumbo bumbo isimbye munkati mimbi yiitu nchi e rikwa. ¹² Na bumbo, erikwa rikiye murimo kumunda nitu, aba e karamo kumunda ninu. ¹³ Arakini mwisha turina mutima ungo we mwinyihiro watiranga bo: Nakusimira, nambo mwisha buno neemba; na baate bumbo bumbo twasimira, na mwisha bumbo twemba buno, ¹⁴ Twamasima mbu ungo wafuranga mukota Yesu, wesetufura baate nabo bumbo bumbo hima na Yesu, na itusimanya baate hima nambi mumakako nae. ¹⁵ Mwisha e binwa bibiti nti mwisha nitu, mwisha ishukara(neema) rino isengewe nguru mu beya bingi, e nchimi imbimbe mu bukokome wa ôngo. ¹⁶ Mwisha na mbo ntitwatetera, aba na kumba e mumbi witu wa mambo, arakini kunda ne mutima witu nti mushasha kira utu. ¹⁷ Mwisha e minumbo yitu ntiyatabantabmba irimuntambi nkenke ho, yasetukiere ho e weru(utukufu) we matu ati, umbu wasungwa nti wingi nguru. ¹⁸ Mwisha tatakusunga e bikai mbi bisungwange, arakini ni bikai imbi ntibisungwange bye matu iati.