¹ Mwisha tusi kumba e numba ye chuo ye kikuku chitu ya makakurwa, turi na ndikaro(wimbe) butukange kuri ôngo, numba nchi ntiyaimbwa ne mine, inchi ye karamo ye mu mbingu. ² Mwisha uriira, kumunda nayo tubukambukange, tusondange nguru imbarinchwa ne ndikaro yiitu inchi ya mu mbingu. ³ Nakumba tanakinda imbarichwa e munkanga witu ntiwatakusumbwa tu. ⁴ Mwisha muriira baate mbi ntirikumunda ne kikuka nchi tushange, mwisha ne inubirwa; Rati mwisha tusonda nchangi nsi situke, arakini tusondange imbarichwa, mwisha nchi ya kesa yerikwa ituke na nchi ye karamo. ⁵ Na bumbo iwe ngu watutunga nyanga baate mwisha ne kinwa kino iwe nge ôngo, na iwe watuninkanga baate maa ye mutima. ⁶ Na bumbo turi na maa(ikocha) e matu iati, naisimba butukai mu mbingu, tukiri kore na mukota. ⁷ Mwisha tusumbange byisha ne mwinyihiro, na nti mwisha ne risunga. ⁸ Arakini turi ne bukambwe, na baate twashima nguru ituka munkati ne mumbi, na irika hima na mukota. ⁹ Mwisha na buno, twisumange nguru imushea makokome, kumba turi ano, aba kuti tusira ano. ¹⁰ Mwisha rarengekana baate bibati isungwa kubusondori ne kitumbi che hukumu cha Kirisito, na kira mweya wapokere e binwa bye mikorere nchi ya korange nti ukiri mumbi, irengekana nambu wakoranga ee, kumba ya kuma amba ntiyakoma(yema). ¹¹ Na kumba twamasimba e bomba wa mukota, twaserisha beya; Arakini baate twamasimbwa shushu mu makako na ôngo, na nabika mwinyihiro mwisha tubasiwa na ne risimbirira rinu bumbo bumbo. ¹² Tatangi tata mu makako inu tu, arakini twabuninka banu, simbirira kwitata mwisha nitu, aba mushee ibese ne binwa berisubie imbo sitatange mu binwa bwe kubutara, na nti mwisha ne binwa bye mutima. ¹³ Mwisha kumba twamao cho ne wenge witu, nti bwisha na ôngo, aba kuti tama bese ne wenge bubuti, nti mwisha na banu. ¹⁴ Mwisha e mashimane a Kirisito, ritukangange baate, mwisha turi na ubasa buno kumba kuti uma wa kukwa mwisha ne beya bibati, na bumbo bibati ba kukwa. ¹⁵ Na bumbo warekwa mwisha nambi bibati nambi bashere nambi nti bashe (bakwa) na bumbo mwisha tu nabo bisine, arakini mwisha na iwe kesine ungu wa rekwa ne rifuka mwisha nambo. ¹⁶ Na bumbo, itukire inompina baate titusi mweya mwisha ne mumbi, na bumbo aba twa mabese twamasimba Kirisito mu namuna ye mumbi, arakini mukiranga kino ntitumusi tu bumbo. ¹⁷ Na bumbo kumba mweya mamba kumunda na Kirisito, iwe ntikitamba bukakishasha, e binwa bya kare ntibisira tukurie, sungake e binwa bibiti nti bya mabunduke bishasha. ¹⁸ Ne binwa bibiti bitukirenge kuri ôngo, ungu wakutukumanyenya baate na iwe kisine kuri Yesu Kirisito, na iwe wakutuninka baate bukakare we rikimanyenya. ¹⁹ Na mwisha ôngo wabesanga kumunda na Kirisito, wakumanya e chuo,nae kisine,wataansi ho e bimbi babo, ne ritubika baate itura e mwasi we karamo. ²⁰ Na bumbo baate ntumwa mwisha na mukota na kumba ôngo wakonga banu mwisha na Kirisito, tukumanywe ôngo. ²¹ Mwisha iwe tuusi e bimbi wakumukiya ibese bimbi mwisha nitu makusuri baate tumbe ni iyiira ra ôngo munkati naye.