¹ Twatangira tu kuitata bate kisine? Aba tusondange buri bampe mitiro ya kuitata kwinu, aba ituka kuri banu? ² Banu marumba itu, ingi aretirwa munkati ne mitima yiitu, ingi asimbirwe ne risomwa ne beya bibati. ³ Na mushe irwa mbu banu nge mitiro a Kirisito, mirimo ya mikorere(utumishi) itu ishiya reandikwa ntiya wino, ina mu mutima mushaasha wa ôngo ungu ushere; Nati ambasirwa ne mwandiko ya iyu ne makoi, rakini kumunda ne bisai bye mitima ye mimbi(yiitu). ⁴ Ne mwinyihiro uno uri nitu mu nsee ya Kirisito mu makako a ôngo. ⁵ Nti iemba mbu baate kisine twamukocha isosomora kinwa kikiti ishi cha mutuka kuri baate kesine, imbu mu maa itu atukanga kuri ôngo. ⁶ Iwe nge wakutukia tubese bakori bee ndaani shasha, nti mu rwandiko ina mu mutima: mwisha e mitiro ishuranga, ani mbu mutima mushasha urubikanga mu karamu. ⁷ Nakumba e bukori we tunde, watirirwamga(waandikwanga) na ikerwa mu makoi, wambesanga na chaka(utukufu) na impo bana ba ku Isiraeri ntibakochanga tu ikae nguru e mbaso ya Musa, mwisha ne chaka che mbaso ya ye, ne chaka nchii, cha kukiturwa. ⁸ Mwishanki e bukori we mutima mushasha watakukocha tu imbese na chaka chae? ⁹ Na mwisha kumba yamabese bukori wa binwa mbi bwema uri na chaka(utukufu), bukuri wa yiira wasebese chaka irengana. ¹⁰ Mwisha na bumbo umbu wasimanirwanga tuwabesanga na chaka buno, mwisha ne chaka(utukufu) inchi charenga na nguru. ¹¹ Mwisha bumbo ungu wakukiturwa wabesenga na chaka irengana nguru nambo urikireo uri na chaka! ¹² Na bumbo mwisha turi na nsee ya sunga bo na twembange na maa. ¹³ Na ntiburi wakianga Musa waria e kitambara iyu ne mbaso yae, wasonda bana ba Isiraeri utasungi nguru hende ungu wakukiturwa. ¹⁴ Simbi e wenge wabo mbu wareriyerwa maa, mwisha ibese runotu, muntambi nchi isomange bo e rwandiko ndu rwakare, kitambara kincho kincho chasiya ho, mwisha tu bakumbundurwa na bumbo cha kuturwa mwisha na Kirisito. ¹⁵ Na bumbo hata runotu, na itukire Musa wasimbwa ao isomerwa e kitambara cha rierwa ambasiro mitima yabo. ¹⁶ Na muntambi nchi e mweya wamabundukire mukota, e kitambara ntichakiturwa. ¹⁷ Na bumbo mukota iwe ngi mutuma ungo, na impo ari mutima na mukota ntimpo ariye, uko kuri iruhuka. ¹⁸ Na kuri baate bibati mu mbaso inchi ntiyariyerwa kitambara na makae nguru e chaka cha mukota kiri buri kiyowa, twasetunganyiwa tu mu munsee ne muncho ungo watuka mu chaka na mu chaka, na kumba bumbo e chaka inchi cha tuka kuri mukota ungu iwe nge mutima mushasha.