¹ Bino binwa ngola nga deta biri by'ukuli, mumanye bwija ko biri binwa by'ukuli mukati ka Kristo! Kiri nyu mu Mutima Mweru, ² mbu ngwet'igongo lingi nyu bulyaniza butasiziri mwinda lyani. ³ Kulya nyangahashire kuhuna nyenene nyihanguke nyu ku belulwa nya Kristo hanyanya lya bene wetu, bene wetu ba magala; Bo! Baisraeli. ⁴ Banyali bo Mungu akagira babe bandu bage. banyali bo'akeresanya mu bulanhashane bwage. Banyali bo akanywana nyabo ikihango. Boba kanya habwa nyi maja zage, nyi mihango yage. Bo'akanyeresa kute bake huna Mungu mwi nyumba yage. ⁵ Yabo Baisraeli, bo balyosire mwi kondo lya boshe kuluza betu ba mira, nga ko Kristo anyabagagiye Mungu'li hanyanya lya byoshi tuke kwitunda ye myaka nyi myakula! Bike ba kuko. ⁶ Nda desiri ko muhango gwa Mumgu gu gukafwa busha? Nanga! Kulya mwa bandu abagwete bagabutwa mwi kirongo kya Baisraeli batli boshi ko bali ba Israeli nyi zina. ⁷ Nya kiryangaba baka lyoka mwi kondo lya Ibrahimu kutali ko boshi bali bana bage. Ti Mungu aka bwira Ibrahimu kukuno, "Mwi'kondo lya Isaki, mo mugalyoka bandu bi kibusi kyabe!" ⁸ Kwa yuko, bandu batanga gajwa ko bali bandu ba Mungu, nyu kushimbana nyu kubwa kwa magala. ti bishazi bagwete baga butwa ku muhango gwa Mungu lyoke banga gajwa ko bali bana bage. ⁹ Bishazi Mungu akaheza Ibrahimu yugo muhango anya deta kukuno, "Kwi bishazi bili nga bino, ngagaluka. Nyinya shange Sara miraabut'umwana wu byatabana!" ¹⁰ Kutanyali kuko naho, Rebeka ali nya bana babiri baka buta nyumusosi muguma, shekuluza wetu Isaka. ¹¹ Kiryangaba kuko, Mungu akadeta, "Shonga yu giji ke kolera mugaja." Akadeta kuko bishazi yabo bana batali shazi butwa, batanyali shazi gira mija, kandiri mabi. Bikaba kuko lyo kulondola kwa Mungu kwimangikwe kwi shungi zage yenene. Ti hatali hanyanya li ngolezi, ti hanyanya li mbikirizi yage uwakebza ¹² Mungu qkqdetq mbu Shonga yu giji ke kolera Mugaja. ¹³ ngako byandisirwe kukuno, "Ngaasima Yakobo ti Esau nya nya mushomba!" ¹⁴ Kuko, tudete kute? Ka Mungu atagweti gagira'mija? Kutali kuko! ¹⁵ Ti akababwira MUsa, "Ngafwir'ukogoye'nzimire kulufwir'imbonga, ngwete nga mufwira zo." ¹⁶ KUko, kulondola kwa Mungu kutashimbeni nyu buloze bwa'ndu, kandiri kwi mikolwa yabo. Ti yahe akelondola kushimbana nyu lukogo lwage yenene! ¹⁷ Byandisirwe mwi nzarango nyeru ko Mungu akabwira Farao, ti, "Ibitumire nga kwimika, kudeta nyeresany'ubuhashe bwani kwi byo ngakugirira kw'izina lyani lilumbuke mwi kihugo kyoshi." ¹⁸ Kuko, Mungu akefwir'imbonga ya lozize. Nyu kugira ye'aloziz'ubuka yu mutima kwa gwet'amukayusago. ¹⁹ Nga muguma wenu angabuza, "Kituma biki Mungu agwet'agatubwira ko twahuba, ndaye mundu, wangahaga na nyu buloze bwage?" ²⁰ Nani, ti, "Uli nga nyandage we mundu ngana, hali y'ugwet'ugahaliza Mungu? ka nyumgu y'ibumba yangabuz'umubumbi, kituma biki wa mbumba kukuno? ²¹ Ti mwi bumba liguma, mubumbi anga gira mwi nyungu zibiri! Nguma, iri mu kukolesibwa mukati ku lushagwa. Nya yabo bake bikola nga ke baha shire. ²² Kuko, ko biri nya ko byo Mungu akagira. Kulya, alilozize kweres'ubuhashe bwage nyu ku bashereza ly'eres'ubu kali bwage mukati ku buhashe. Kandi kuko, alike genderera bwenene! ²³ Nya nyetu kwa kulia kundi, Mungu ali lozize kutweresa kazi ko bulangashane bwage buli bwa bakashukwa. ²⁴ Twehe, twe Mungu akaheza magala ti kutakaba kiri nya mwa Bayahudi nyaho, ti kukaba kiri nya mwa nandu bi gindi milala. ²⁵ Biri nga ko Mungu adesire mwi'bugu lya Hoseya, kukuno: "Bandu, kiri bangaba batali bi mwani, kake ngaba buza ko bali bandu bani. KIri nyi kirango ndasimiri, nga kideta ko bakola basimwa bani." ²⁶ Batakebwira, "Mutali bandu bani ti hanyuma banya buzibwa ko bakola, bana ba Mungu li mugumana." ²⁷ Isaya nyay'adesire kw'izu linene hanyanya lya Baisraeli kukuno, "Kiri Baisraeli banga luganga mushege gwi mwi nyaja, abaga kululwa bali ba nini. ²⁸ Kwa kulya, Nahano, mukahana bandu bu mwi kihugo ataga ti nda." ²⁹ Isaya nyay'ali mali shangwa deta kukuno, "Nawetu ye w'ubuhashe byoshi, ata kitusigirage bandu bagerwa mwi kibusi, twanga bere nga bandu bu mwa kaya ki Sodoma nya ba mwa ki Gomora." ³⁰ Yibyo byoshi bilozize kudeta kute? Banya birongo baka kululwa hanyanya lyu kuloza kugajir'ukuli'mbere lya Mungu, bagajir'ukuli'mbere lyage kwi njira yu bwemere bwabo. ³¹ Nya ku luhande lwa Baisraeli, kirya ngaba balike shimb'imaja mbu lyo bagajir'ukuli mbere lya Mungu, ti bitakaziga! ³² Kituma biki? Kulya balike loza ukushushan'imbere lyage kwi njira yi mikolwa yabo. Ti kuta kaba kwi njira yu kubika Mungu ko bwemere. Bikatuma baga sitala kw'iwe lyu kusitaza. ³³ Nga ko bisarazirwe mwi nzarango nyeru, "Lolage! Mwa kaya ki sayuni, mira nya bika mw'iwe lyu ku sitaza, nyu lwala lu ku gwisanya. Kandiri mundu anga mubika ko bwemere atanga bonesibw'ishoni."