¹ Ngako, hatari kutwirwa lubaja hanyanya lya bali mukati lia Kristo Yesu. ² Kulia mugako gu muka mweru guli mu buguma mukati lya kristo Yesu guka njwekula, hole nyi mikogo ya mahubi gu lufu. ³ Kulia abitahashikeni kwi migako kwa kulya kutaba nyi misi hanyanya lia magala, Mungu, kukutuma mwana wage mukati lyu mugani kwa mugani kwa magala gali mwi byaha, nya kulya mugako guka twirwa lubaja mukati lya magala. ⁴ Kuly'iragi ly'imigako munda lyetu twehe mwi kilagane kyu kutashinaba kushwekulwa mu kati lya magala. Ti bindu byu mutima. ⁵ Kulya bashimbire magala bali mwi bandu bya magala, ti koke abashimbire magala bali mwinge za magala, ti abashimbire bindu byu mutima, bali mwi migererezo yi migani yu mutima. ⁶ Kulia musariro gwa magala kwi lufu, ti musariro gu mutima kali kalamu nyu mutula. ⁷ Kulya musariro gwa magala buli bugoma hanyanya, lya Mungu, kulya atemeri mugako nyu kuli. ⁸ Balya bashimbire magala batanga simisa Mungu. ⁹ Iri muka gwa Mungu, ngwa ngata mu mwe, nyenu mutashimbir'umutima. ti mundu ataberi nyu mutima gwa Kristo, uye atari wage. ¹⁰ Iri Kristo angota mu mwehe magala genu gafwire hanyanya lya mabi, ti mutima gwenu guli mugumana hanyanya ly'ukuli. ¹¹ Ti, iri mutima gwag'uye ukafula Yesu mukati lya bafire angota mu mwehe, uye walifula Kristo Yesu mukati lya bafire, agiji fula magala genu gali mukati lyu kujegerera ku mutima gwage, osire mwinda lyenu. ¹² Kuko, iri atali kuko, mwene wetu, tugwet'umwenda, gutali gwa magala, tutashimbe bindu bya magala. ¹³ Kulya, itimwanga lama kukushimba bindu bya magala, musimire kujegerera, iri mwangashulia ngorezi ya magala ku mutima, muga lama. ¹⁴ Kulia boshi balangwilwe nyu mutima gwa Mungu, yabo bo bana ba Mungu. ¹⁵ Kulya mutangirira mutima gu buj'ugudite kyoba, ti mukanginira mutima guku bagira bana, kwa yuko twalira Aba, kudeta data. ¹⁶ Mutima gwo nene gu desire haguma nyi mitima yetu kulya twehe tuli bana ba Mungu. ¹⁷ Nya kukuno tuli bana ba Mungu, kuko tuli bime, bime ba Mungu, bimire kuguma nya Kristo, nya kuko tukali bula kuguma nyaye, lyo twiganwa kuguma nyaye. ¹⁸ Kwa kulya ngajire malibuze ga bino bshazi kuba ndakyo ku bulangashane bukiji wikulwa i mwetu. ¹⁹ Bibumbwa byoshi bilozirwe kwi nyota yu kwigulilwa nya bana ba Mungu. ²⁰ Kulya bibumbwa byoshi bikabikwa mwi kyoba kyu busha, ti atali ku kusima kwage. Ti hanyanya lyag'ukababuza mukati lya kalangalizi. ²¹ Kulya bibumbwa byonone nya byo nyu luhuma lukahanwa mukati lyu buja bukugoneka. ²² Kulya tumanyire ko bibumbwa byoshi bilwazire kuguma nyaye. ²³ Iri yatali kuko nyetu twenene tu han'indulo yu mutima, nyetu tulwazire mukati lyu bagumana bwetu, nyu kulolekeza ku kugirwa bana, bukuluzi wa magala gwetu. ²⁴ Kulya tuka kululwa, ti kindu kya lilozizwa kita kaboneka, kokuko, indaye wangoloza byataga bona, mundu yeshi akeloza. ²⁵ Bilya byuku boneka, iri twanga langalira kindu tutanyakibona tukirindire. ²⁶ Konya kuko mutima nyago gutugwasize ku bugazi bwetu kulya tutii kuhuna ngako kuli, nyu mutima nyago gwa ko tuhumira kwa malibu. ²⁷ Nyay'uke ringiriz'u mutima anyamanyire musariro gu mutima guku bahinira bakyesiwa, nga kw'asimire Mungu. ²⁸ Nyetu tumanyire ko mukati li bindu byoshi bya Mungu bakegira mukolwa kuguma nyaba musimire mukati lyuku boha byoba simire, balya babuziwe kukusima kwage. ²⁹ Kulya balya akamanya mira akabalondola, bashushane nyu mugani gu mwana wage, abefula mu bene wabo bingi. ³⁰ Nya yabo akalondola mira aka babuza, nya yabo akabuza anya bagajir'ukuli, yabo bakigana. ³¹ Kuko, tudete kute hanyanya lya yuko? iri Mungu akaba luhande lwetu, inde wangaba inyanya lyetu?. ³² Uta kasigirira mwana wage iri akamutanga hanya lyetu tweshi, atanga gosha kutongerera bindu bya haguma nyaye. ³³ Alinde uga bashongerera ba londalwa ba Mungu? Mungu yenen'ugabagajir'ukuli. ³⁴ Yend'uga mulibuza nyuku muhana? Kristo yu kafa nya hanyuma lya yaho anyafuka mwa bafire, nyaye yuga tukulula. ³⁵ Yend'ugatuberula nyu busime bwa nahamwetu? ka mulibuze? ka malibu? ka bugoma? ka mwena? ka bwashi? ka mugushu?. ³⁶ Ngako bisarazirwe hatugwete tugitwa musi hanyanya hanyanya lyabo, tugajirwe nga bibuzi byuku shijiwa. ³⁷ Ti koke mukati lya yibyo tuhimire nyi nyuma lyu kuhima kuye ukatusima. ³⁸ Kulya mira nga many'ukuri kandiri lufu, kandiri bugumana, kandiri baganda, kandiri buhasha, kandiri birimo,kandiri bigijamo, kandiri buhashe, ³⁹ Ibiri nyanya, kandiri birifo kandiri kibumbwa, nyi kindi kyoshi kitanga tuberuba nyu busime wa nahamwet'ubuli mukati lya Yesu Kristo.