¹ Bene wetu byo ndozize bwenene mu mutima gwani, mahuno gani ngazi huna Mungu, hanyanya lyeni mukululwe. ² Kulya nyamubwira, mwihangane hanya lya Mungu tikoke kutali mu bwenge bwenu. ³ Kulya kwangila wata manyir'ukuli kwa Mungu iri bang'irikira ukuli kwabo bonone batakibika ifo lyu kuli kwa Mungu. ⁴ Kuko Kristo bo buzinda b'ukuli kulya kugira kir'ugamwemera abe nya kalamu ki miakula. ⁵ Musa akandika hanyanya lyu kuli migako ya Mungu, mundu wangagira kuko agalama kwa njibyo. ⁶ Kuly'ukuli kulyosire mukati lyu bwemere kudesire kukuno utadete mu mutima gwabe, kund'ugiji shona kugend'imbingu. ⁷ Vind'ugandagala kikend'ikuzimu, kudeta Kristo inyanya, kulioka mu kati lya bafire. ⁸ Ti koke, kidesire kute, yikyo kinwa kiri hasi nyabe, mukati lya magala gabe, kyo kikyo kinwa ky'u bwemere tukekwigiriza. ⁹ Kulya kwishobeka kwa Yesu mwa kanwa kabe kubaye nawetu nyu kwemera mu mutima gwabe ko Mungu akamufula mukati lya bafire uga kululwa. ¹⁰ Kwa kulya ku mutima gu mundu ake kwemer'ukuli kwa kanwamundu ake bala miazi yu bulize. ¹¹ Kulya lusarango ludesire, kaz'u mwenezire atabona shoni. ¹² Kulya hatali mbelukana yu Myahudi nyu myu nani, kulya ye nawetu tweshi, mugole kwa boshi bake mubuza. ¹³ Kulya, hazi uga buz'izi na lya nawetu agakululwa. ¹⁴ Kuko mumu buzize kute mutanya mwemera?kandi mu mwemezire kute mutanya muva? kandi mumuvite kute mutanyuva mwazi mwija. ¹⁵ Kandi kute migigiriza muta twazirwi kabisarazirwe kuli kwija nga biki magulu gaga bola mwazi mwija. ¹⁶ Tikoke, batal boshi bemezire yungo mwazi mwija, kulia Isaya adesire, nawetu, inde wemezire myazi yetu. ¹⁷ Kuko bwemere iri shosho ya kuva, nyu kuva kulyosire kwikinwa kya Kristo. ¹⁸ Ti ndesire, ko bohe bata kuva? lzu lyabo lyikwizire mu kihungo kyoshi, nyi binwa byabo mwi mizindi kiriza. ¹⁹ Ti ndesire, ka Baisraeli bataka manya? ko Musa akadeta ko ngabik'ubongwa kwa bana birongo nyuku bakuniza. ²⁰ Nya Isaya agwet'ubundwali bwingi, adesire,nga boneka mwa batalike ndoza nga boneka kwa yabo bataloke mbuza. ²¹ Tikoke Israeli adesire, mushi nga golola maboko mwa batemeziri, bakaju.