¹ Ega tumanyiri gajir'ukuli kwinjira yu bwemere tugwete bwemere imwa Mungu kwinjira ya nawetu Yesu Kristo. ² Imwage tuka hawa njira yu bwemere tuhike kulukogo luno twi mazire mwahilo tunalima na magine mukalanga lizi kubulangashane bwa Mungu. ³ Atali kuko naho tihuli namageni mwa malibu geke tumanyire ko malibu gake gira kubaterera. ⁴ Nukuhoherera kwake gira kuboterera, nuku boterera kwake deta kalangalizi. ⁵ Na kulangalizi katanga deta shoni kulya kusima kwa Mungu ku kabula girw'imwetu kunjira ya mutima mweru ye tuka hawa. ⁶ Kulya lyatutali nimisi lyo bishazi bika kwira Kristo anyafa hanyanya lya balya bato bohiri Mungu. ⁷ Kuli bikayire mundu kufira mundu ut'ukuli ti buhashikena kugereka kufa hanyanya lulya mundu mwija. ⁸ Ti Mungu ireziwe busime bwag'imwetu lyo twalikiri bandu ba mabi Kristo anyafa hanyanya lyetu. ⁹ Lyohehe tumanyi gajir;ukuli ku muko gwage twakulwa mu bute nalie. ¹⁰ Kulya lya twali bagoma tukiji banwa na Mungu kuku ku mwana wage lyohehe munyuma lyukwiji baniwa nalye. Twaku hulwa ku bugumana bwage. ¹¹ Ti atali kuko naho tituli na mageni imwa Mungu imwana wetu Yesu Kristo, imwage tuk'angirira kwiji bana. ¹² Iriangaba bibi bukingira ku mundu muguma mwikihugo, nukufa kwi njira ya mabi nuku kukifa kwanija kubandu boshi kulya boshi bakagira mahubi. ¹³ Kulya imbeli magako mabigali hakihugo tibubi batali gajirwe lyo migako ita lishazi ba. ¹⁴ Ti kufa kukima kulyoka Adamu kuhika Musa kir'imwaba bataka kola mabi. ngogo aligira Adamu wali mugani kulya ngija. ¹⁵ Ti luhembo lulukogo lutali kumene na yubo buhubi lyo hehe lukogo lwa Mungu nuluhembo hanyanya lyu lukogo lu mundu muguma, ye Yesu Kristo buluzire ku bandu bingi. ¹⁶ Ngako mundu muguma ukagira mabi atali lugero lwa lulya luhembo kutwiru lubaja kukuja ya mundu muguma yanade bute tiluhembo lulukogo lwali hanyanya lya mahubi, mingi yanadeta kugajir'ukuli. ¹⁷ Kulya hanyanya lya biibu bya mandu muguma bubi bukima nuku mundu mugu balya bangire kukogo mu luhembo lukuli bagima mwakalama kuye muguma Yesu Kristo. ¹⁸ Kuko kubuhubi buguma bandu boshi bakatwiru lubaja lubute kuko kukola kwijo kigima ky'ukuli bandu boshi bakahaw'ukuli kwa kalamo. ¹⁹ Kulya hanyanya lyu bwabi bwa mundu muguma hubi gakiringi mu bandu. Kona kuko mundu kuku kenge ku mundu muguma bandi banangira mu bandu kukuli. ²⁰ Ti migako ikingira lyo buhubi bulunga benene ti mugako gukija lyo mabi galuga bwenene ti lyo gakaluga lukogo lwa nilikira lwingi bwenene. ²¹ Nga nakuko bubi bwali kwimira mukufa kona kukoku njira yu kuli lukogo lwime kiri kwakalamo ki miak'imwa Yesu Kristo nawetu.