¹ Tu dete biki ye Ibrahimu ishe wetu biki akabona mwinjira ya magala. ² Kulya iri Ibrahimu akajir'ukuli. Kwingolezi agwete binwa lwi kwitunda ti atali imwa Mungu. ³ Kulya mzarango kute zidesire Ibrahimu akeme Mungu anaga jwa kubukuli mwige. ⁴ Ti kumunda ukozire mukolwa luhembo lwage lutali lukogo ti mwenda. ⁵ Ti kulya utake kola. ti emezire ulya wake gajira n'ukuli abato bohiri Mungu bwemere bwabo bugajirwe kub'ukuli. ⁶ Ngako Daudi eresize mbunama kulya mundu Mungu bajir'ukuli buzira ngolezi. ⁷ Nama ku baka kogwa mahubi gabo. ni byaha byabo bika tu mbikwa. ⁸ Nama kulya mundu nawe tu ata mugajiri mabi. ⁹ Ega zino nama ziri mwabaka kye mbulwa na batakye mbwirwi? tudesire Ibrahimu akagir'ukuli mubwemere bwage. ¹⁰ Aka gajirwa kute? lyp alimali kyembulwa atali nyuma ti imbere lyuku kye mbulwa. ¹¹ Naye akangirira kyereso kukukye mbulwa kalungu ka kuli ku bwemere kali gwete butaz'atiji kyembulwa lya abaishe wa bemerezi kirangaba batakye mbwirwi, bagajirwi i kule geke. ¹² N'ishe wukukye mbulw'atali kubaka kye mbulwa nahoni mwabalya abegwete bashimba luwezo lu bwemere bw'ishe wetu Ibrahimu uwali bigwete atana kyembulwa. ¹³ Kulya lya liragi mbuagimigira kihung'akahewa Ibrahimu ni butwa lyage. atali kwinji yi migako ti ku bwemere nu kukuli. ¹⁴ Ir'angaba balya bimigako bo bagima bwemere buli busha miragi lagirwa busha. ¹⁵ KUlya mukago gwake gira bute kulya buzira mukage ndago mahubi. ¹⁶ Kulya bino muli munjira ya bwemere. Kube mwinjira za lukogo lyo bwemere bwimanga kwibutwa lyoshi atali bi migako ti nabalya abagwete bwemere bwa ishe wetu Ibrahimu. ¹⁷ Ngako bika sarangwa naku bika ube ishe we birongo bing'imbere lya bimezire Mungu uwake h'abafire buguman'uwake buza bindu ibitali nga biahali. ¹⁸ Yehe lyo kalangalizi katili. Yehe analangalira lyo abaishe wi birongo bingi, ngoko bikadetwa mbu kuko kugaba. ¹⁹ Uy'utangazihiri mubwemere akasarira shusho yimoyo ageng'ufire lialikola nimiak'igana nishusho yukufa yibunda lyage ye sara. ²⁰ Hatali ngani ngani kwi kiragane kya Mungu kukutemera, ti akabona misi kukukwe mer'anaha Mungu itunda. ²¹ Anamanya kukuli ko Mungu agagira bilya alimulaganya. ²² Kuko anagarw'imwage kub'ukuli. ²³ Ti bitaka sarangwa hanyanya kwaka gajirwa ukuli imwage. ²⁴ Ti hanyanya lyetu geke tugajirwe iritwanga imera uku fula Yesu mwabafire. ²⁵ Ukataknga kwa mabi getu lyo tugajirwa ukuli.