¹ Kuko Muyahudi agendele kuteni kukebwa bilibuki. ² Kumenene mu kila nji kulya bakahewa mbisho ya Mungu. ³ Bilibik'ilyangaba mu gajo guaba batakemela ka, kutemela kwabo kugahindula bwemere bwa Mungu. ⁴ Nanga Mungu atabonesilikwa kila mushumi kobika sarangwa lyumianya kuli kuru kuli mubinwa byabe ukalu gingila mwa malibuze. ⁵ Ti iliangaba mahubigetu wagenda leza ukuli kwa Mungu tugile kute, ka Mungu ali mushum'ukadeta kulibula na deta ga mwana wa bandu. ⁶ Na yaho Mungu agahasha ku ti kulibuza kibaja. ⁷ Atili kuli kwa Mungu kuge ndelele kwelesa bulangashane gwe hanyanya libushumi bwani. Ti nyehe nga kili buziwa kuba mundu wa mabi. ⁸ Biki byangatuma tu ta deta ngako shongelelua, ngana ko bandi baka nyize kudeta ko tusike yibyo tugile no mabi lyo mija gija. bokuli bula kwa bo kuli kukuli. ⁹ Bilibikibasi, tu li bija kuhi ma bandi , nanga kili hinini kulya mila tua sitaka Banyahudi na Bayunani ko bali ifo lya mabi. ¹⁰ Ngako bika sarangwako ndaye mundu uru kuli kili muguma. ¹¹ Ndaye umanyile ndaye wa keloza Mungu. ¹² Boshimila bahaguka mila babola bashigeke ndaye wa kegila mija kili muguma. ¹³ Kalamu kabo ilishinda ishwi kwili mutunwa tuabo bali bashunu nuboge mutunwa twabo. ¹⁴ Tunwa twabo twijuile idaki nubululu. ¹⁵ Magulugabo gali dubaku bulagamuko. ¹⁶ Bushe leza ni naningani bili mu mutima yabo. ¹⁷ Ni njila yu mutula bata kagimanya. ¹⁸ Kusima Mungu kuta balimo mwa masugabo ¹⁹ Ti tuma nyile bindu byoshi bidesilwe ni migako bidesilwe kwa ya bobalifoli migako kugila kila kanwa kazibe ni kibaja kyoshi kibe ifolya mwalibuze ga Mungu. ²⁰ Kulya ndaye mwenema gala ugagajwa ukuli imbele lyage kwi ngolezi zimi gaka kulya kuma nya mabi kukija mwi njilayi migako. ²¹ Ti kuli kwa Mungu kwi mazile buzila migako kugwete kuga balwa nimi gako na balagu. ²² Ukuli kwa Mungu kuli mwinjiliyi mbikilizi mukatika Yesu Kristo. Ku boshi bemezile ndayo mbelulu kanwe. ²³ Kulya boshi bagizile mahubi nukugoja bulangashane bwa Mungu. ²⁴ Bagajirwe ukulibusha kulukogo luage mwinjila yubukalule buli mu kati naye. ²⁵ Ye Mungu akabika atukike kuguma mwinjila yi mbikilizi mukati ku muko gwage ili elese ukuli kwage hanyanya lyuku zilekelele kukubela kwa Mungu mabigoshi agaka kolua. ²⁶ Lyo ashasha kwilesa ukuli kwage hanyanya lya yuko abe wukuli nugajile ulya imwemezile Yesu kuba uru kuli. ²⁷ Hahage kwi tunda? kushwesirwe imbuga kwimigako miki? kwimigako yi ngolezi ti kwi migako yi kalangane. ²⁸ Twabonako mwana wu mundu agajilwe ukuli kwimbikilizi buzila ngolezi zimiako. ²⁹ Aukute, Mungu ali Mungu wa Wayahudi naho, ti atali Mungu wa bana bi longo geke. ³⁰ Ilibili ukuli Mungu ali muguma ugyi muga jil ukuli balya baka kebwa mukati ki mbikilizi. ³¹ Ti tuahinduli migako mwi mbikilizi iyo, nanga nanyuma lya yibyo tuangendele za migako.