¹ Kuko mundu yeshi alibuze utanga libuza kua kulya hanyanya libuza kua kulya hanyanya lya yaho utabuze gundi wilibuza wenene kubusha kwa kuya wehe ugalibuza wanga gila kuko kuko. ² Nyetu tuma nyire ko malibuze ga Mungu galigukuli hanyanya lya bake gila yibyo. ³ We mwana wu mundu wewa kwi buza bagwete baga gila yibyo nuku kola yibyo. wenene kute umanyiba ugiyeka na malibuze ga Mungu. ⁴ Wenenga bwingi bulukogo lwage nukwali kwage nukubotelela utamanyeko bwija bwa Mungu buga kuhotola uhashe kwi lega. ⁵ Tinga kubukayubwabe nu mutima gwabe guta gweti nzalilo yu kwi lega wibikila ndanda yu brete kwa yulo lusiku lu bute nukwelesa kwa malibuze gu kuli kwa Mungu. ⁶ Ugiji lyula kila mundu nga kwaka kola. ⁷ Yabo hanyanya lyuku gila mija bagwete baga loza bulangashane nitunda nukuta shelela. bagahewa kalamu kimya kula. ⁸ Nayabo bumujina abatabo te leli mukuli ti bemezile ku hililika baga hewa bute na malibu. ⁹ Mushuza na malibu hanyanya lya kila mutima gumwa na wu Mungu gwake gila mabi Muyahudi na mu yunani geke. ¹⁰ Ti bulangashane nu mutala nitunda kwa bake kola mija Myawudi na muyunani geke. ¹¹ Kulya hatali kusimilila imwa Mungu. ¹² Kulya bosi abaka gosha buzila migako bagateleka buzila migako. Nabakogosha nisheria baga libuze wa ni sheria. ¹³ Kulya atali yabo bake kuva migako bobukuli mbele za Mungu. Ti yabo bake kola magako. bagagajwa ku kuli. ¹⁴ Kulya bana bilongo batagweti migako abakegila kwi myanya yabo ibili mwindali migako ya bobata gweti migoko bakola migako mwi mitima ya bobonene. ¹⁵ Bagwete bagelesa mikolwa yi migako iko sarangwa mwi migako ikosarangwa mwi mitima yabo nzali lo zabo zigwete ziga babala ninzalilo zabo geke zigwete zigaba shongolela nuku ba detela. ¹⁶ Yulo lusiku Mungu agali bana ba bandu ngako mwazi gwani imwa Yesu Kristo. ¹⁷ Ti li wehe wangaba wabuzi wa muyahu nu kusimila migako, nikwitunda munda Mungu . ¹⁸ Nukumanya kwa lozize nukubyemela bindu bija ni be wigili ziwa mwi migako. ¹⁹ Nukumanya kuku liko wenene uli mwimangizi wibihofu lwenge lwa balimu kizizi. ²⁰ Mwingiliza wa bakiga mwingiliza wa bana banuke ugwete bwenge bwingi bukuli mukati ki migako. ²¹ We wake kwigiliza gundika utake kwigiriza we nene, we wake balilugundi mwaze mwija atazimbe wenene wa kuzimba. ²² We wa kedeta mudu atagilebushule wenene wa bugila.we wikalu gayile kizuzu wagurata mashengela. ²³ We wa kekwigana mwi migako wa vumila Mungu ilunda kuku tengu ha migako. ²⁴ Kulya izina lya Mungu mila lya da kwa imwa bana bilongo hanyanya lyenu. nga kobika sarangwa. ²⁵ Kulya kukembwa kumenene uli mundu wi migako tili wangaba musheleza wimigako kukebwa, ti liwa ngaba mwimbuzi wi migako kukembwa kwabe kutalikukebwa. ²⁶ Ili angaba yehe utakakebwa agwasile migako ka, kutakembwa kwage kutagagajwa. ²⁷ Nuye utaka kembwa kubukiga ugwasile migako ka ataga kuli buza we wuka kembwa wanasheleza migako. ²⁸ Kulya yehe atali muya huuli Munyahudi imbuga naho mukati ka magala. ²⁹ Ti yehe ali Muyahudi uli Muyahudi ugokomele nu kukembwa kuli kumayo mukati ku mutima ti ateli muzarango mu nyitundu zage zitalyosili mwa bana ba bandu i imwa Mungu.