¹ Kuko tudete kute katulame mwu byaha lyo lukogo lyili kire. ² Nanga kiri hisu twetu kafira mabi kutage twalama kandi mwaligo. ³ Kamuta manyiri ka twesi abatwali vubikwa munda lya Yesu Kristo tukashukwa mukufa kwage. ⁴ Kuko tukazikwa haguma nyae kunjira yuku bikwa mukufa kiri ko Kristo alikufa mwa bafire kwinjira yu bulangashane bwa data kona kuko tushomole kubuhyahya bubu gumana bwage. ⁵ Nga kukulya mukijibana nalie kumagani lyu lufu lwage kona kuko tugiji bana kumu gani gukufuka kwage. ⁶ Mukamanya kino kinwa koshusho yetu ndazi ikalibuziwa haguma nalie lyo magalagama bi guboneka busha tutaki kolere mabi kandi. ⁸ Tiiri tukafa nya Kristo twa mezire ko twalama kugumana na liki. ⁹ Iri twanga manya ko Kristo amanyi fuka mwa bafire kandi atagaki fa kandi. ¹⁰ Kulya kukufa kwage akafi mabi liguma maho ti kukulama kwage akalamira Mungu. ¹¹ Kona kuko nenu mwigaje nga bafire kwa mabi na babwene imwa Mungu mukati ka Kristo Yesu. ¹² Kuko mabi gatakimire magala genu agake gwatwa mulufu kuhika mukenge nyifijo zage. ¹³ Mutangenderere kutanga birumbi byenu kuba siribo zu kuhiririka kwa mabi, ti mwitange imwa Mungu ng'abali fire ti mwanafuka ni birumbu byenu imwa Mungu kuba siribo zukuli. ¹⁴ Kulya mabi gatagaki mwimira kandi kulya mutal'ifo li migako ti ifo lyulukogo. ¹⁵ Kute tukolemabi wengete tutaifo li migako tifo lyu lukogo nanga kiri hisu. ¹⁶ Ka mutamanyiri koye mwali kwitanga bugumana bwenu mwage mukola baja bage muku mukenga iri bukozi bwa mabi ubwake deta lufu iri bakozi bukukenga ubwake det'ukuli. ¹⁷ Ti Mungu iganwe kulya mwali baja bamabi timuka kenga kumitima yenu galya migirizo mwali hawa. ¹⁸ Kuko mukashwekulwa mukoli ndumwa yukuli. ¹⁹ Ndesire ngako bandu bake deta kubugazi bwa magala genu ngako mwalita nga magala genu kukola bushasha nu bubi bwingi kona kuko mutange magala genu kuba baja bukuli muhashe kushukwa. ²⁰ Kulya lyo mwali baja ba mabi mwalishwe kwirwe hale nukuli. ²¹ Ala bunguke buki mukabona kwa yiby'ibikolike mubonya shoni mwayibi bishozi, kulya buzinda bwa bino kuli kufa. ²² Ti mira mukashwe kulwa kulyoka mwa mabi, mukugirwa baja ba Mungu bunguke mugwete kuli kukyesiwa nubuzinda kalamo kumyakula. ²³ Kulya luhembo lya mabi kuli kufa, ti luhembo lwa Mungu kali kalamo kimiakula.