¹ Kuko byumenene twetugwete misi twange bugazi bwa batagweti nusi, kandi bitumeneni kusimisa twenene. ² Kira muguma mukati keti amusimise mutulani wage, ly'abona mija, ubakwe. ³ Kulya Kristo yenene atakisimisa ngako bisaraziwe nga bidukani by bakanduka byoshi bikaba hanyanya lyani . ⁴ Mukuba byoshi bikasarangwa yaho hatazi, netu bikarangwa hanyanya lyuku twigiriza gira lyo kukubotelera, nu kutuholeza kwi nzarango lyotuba na kalangalizi. ⁵ Ko Mungu wa kalangalizi nu wu kuholeza atuheza kuba kuguma twenene ku twenene ku mugani gwa Kristo Yesu. ⁶ Lyo kumutima nguma, nakwa kanwa kaguma mwa ngahasha kwigana Mungu Data, na nahano wetu Yesu Kristo. ⁷ Kwayuko mwegerezanya mwenene ku mwenene, ngako Kristo akatwegereza, lyo Mungu iganwa. ⁸ Kwa kulya nadeta ko Kristo akaba mwigiriza wi kiragane kyu kukembwa hanyanya lyu kuli kwa Mungu, lyo kiragane bakahewa ba Data wetu bigokomere. ⁹ Kandi lyo banabiro ugo bigane Mungu hanyanya lyi mbonga zage, ngako bi kasarangwa, kyokituma ngakwigana mukati ka banyabirongo, nani ngimb'izina yabe. ¹⁰ Nakandi Musa adeta, "Mushambale, birongo, haguma na bandu bage." ¹¹ Nakandi Daudi adeta, "Emwe birongo byoshi, mwigane nahano, Emwe bandu boshi mwigane yehe. ¹² Nakandi Isaka adeta, hagaba isina lya Yesu, naye agiji kwimira birongo, naye ye kirongo kyo bagala ngalira. ¹³ Kuko Mungu wa kalangalizi abijuze busime boshi mu mutula mukati ku bwemere, lyo mugenelere kuba na kalangalizi, mukatiki misiyu muka mwenu. ¹⁴ Bene wetu, mirabango komeza kwi miazi yenu ko nenu mira mwijula mija, miri mwijuziwi mwijula mija, mwi mwijuziw'ubwenge boshi, kandi mbu mwanga kol'ishungula. ¹⁵ Ti naba sarangira, ku bundwali wenene ku luhande lwa zino nzarango, kwinaluo kubakengeza, kwa yulo lukoko ngahewa na Mungu. ¹⁶ Lyo niba mukozi wa Kristo Yesu mukati ka bandu bi birongo, nigire migirizo ga Mungu mukolwa gu bwimangizi, gira birongo byoshi ibe myengo iyemezirwe, imahishukwa mu mutima mweru. ¹⁷ Kyo kikyo, ngwet'igiza na mukati ka kristo Yesu mberelya Mungu. ¹⁸ Kulya ndaga kolwa ku kwira kinwa kyatakozili Kristo ku mukolo gwani, birongo bikenge, kwi kinwa kandiri kwi ngolezi. ¹⁹ Kwi misi yi batangaza ni bisomeza, kwi misi zu mutima mweru, ibikaba kulyokera Yerusalemu, nu twaya twimatambi lyage, kuhika iliriko nira nugiriza mwazigwa Kristo misi. ²⁰ Nakand'ugwete ngi hangana kwigiriza, hakigirize yaho izina lya Kristo li kolibake detwa, ndiji kubaka hitwe li nguliro yu gundi mundu. ²¹ Ti ngako bikasarangwa, balya batashuba ba kigiriziwa myazi yage bagabona, na balya batashuba ba kuva bagamanye. ²² Kyo kituma ngahangalikwa kira kishazi ndanguk'imwetu. ²³ Ti kukuno, ndakilyo binjwesire zino mbande, kandi siku nyingi ugwete ugifija kwij'imwenu. ²⁴ Kazi kishazi kyoshi ngalyoka kubalamira Ispania(ngij'imwenu) kulya mulugezi lwani nzimire tubonane kutwalwa na mwehe, mutima gwani gui gutire imwenu hinini. ²⁵ Kukuno nagend'i Yerusalemu, kwigiriza bemezi bashukwa. ²⁶ Kulya isimisize bandu bi Makedonia ni akaya kugira hya kitoro hanyanya lua bashu kwa iyo mund'i Yerusalemu balya batihashiri. ²⁷ Ega, bibasimisize, bonene, kandi ba ki lyulir'umwenda. Kwa kulya ilyangaba banyabirongo bagwete baka kolesa bindu byabo bi mutima byu menene kubashomolera (kubakolera) byabo bya magala. ²⁸ Hano mira nusa yugo mukolwa, nukubalikira kalungu yilyo ihu, ngalenger'imwenu, kugend'Ispania. ²⁹ Nami nijiko, irinangi j'imwenu ngija ku bugokome bwi migashaniro ya Kristo. ³⁰ Bene wetu, nabahoha imwa Yesu Kristo, nu kwa yubo busime mu mutima mwihagane kuguma na nyehe mukati ka mahuno genu hanyanya lyani imbere lya Mungu. ³¹ Kudeta nikululwe ki Uyahudi, na kandi nukolwa gwani gu kwigiriza g'ugwete i Yerusalemu gwemere imwa bashukwa. ³² Nihashe hika(mwenu ku bushambare, ngako asimire Mungu, lyo niluhuka tweshi kuguma. ³³ Mungu mutula abe ku kuguma na mwehe mweshi kube yuko.