¹ Yeshi mugazi wi mbikirizi mu mugwere, ti mutatwire lubaja migerezo yage. ² Mundu mugum'agwete mbikirizi, akulya byoshi, t'ulya mugazi akelya shogo. ³ Ugwet'ugalya atene g'utagwet'ugalya, n'utagweti igalya ateneg'ugwet'ugalya. utatiri lubaja ugwete ugalya, kulya Mungu akamwangilira. ⁴ Ulind'ugwet'ugatwa lubaja lu mukozi wa mirabe imange, shirime bilozire umwimangire. Ti agimanga, kulya nahawetu alinu buhashe buku mwimaza. ⁵ Mundu muguma agwete agagira mbere lukanwe hashambira lusiku mu lundu gand'anabone ko siku zoshi go ziguma ku mwenebino kwi mundu agokomere mu byemezire yenene. ⁶ Ugwete ugabelula siku mwi zindi, kwanakegira kuko hanyanya lya nawetu, ugwet'ugalya ali hanyanya lya nawetu kutumangwe te ugalya, kulya agwete agahana. Mukongwa imwa mungwa n'agwet'ugalya, ali hanyanya lya nahano umenene naye gege ahane mukongwa imwa Mungu. ⁷ Kwa yukyo, ndaye mundu ulamire ku lwage yenene, ndanaye ugafa ha lwage yenene. ⁸ Iri twangaba tuliho tuliho hanyanya lya nahano n'iri twangafa, tugafa hanyanya lyage. Kwa yuko tube ho, kandiri tufe tulibanaho. ⁹ Bulyo byo bikatuma Kristo akafa, anafuka lyo imira afire na bawine. ¹⁰ Hoo kituma kiki ugwete ugatwira mwene wenu ulubaja? na kituma kiki ugwet'uganwenega mwene wenu? tweshi tugatwirwa ulubaja imbere lya Mungu. ¹¹ Kulya bisaraziwe kukuno "Niribo, nahana adeta, kira mundu agafukama imbere lya malangagani, ni ndeto zoshi zigigana izina lyage Mungu. ¹² Kana kuko, kira mundu agabal'inyazi yage imbere lya Mungu. ¹³ Mutamtwirane lubaja mwenene ku mwenene, muhige naho lya hatabe kindu ikiga sitaza mwenene, kandili kumu kirinya. ¹⁴ Niji, kandi njambere hanyanya lya nahano Yesu ndakyo kindu kyoshi kyu bushasha imwage kanakuko iri yi kya kindu kinali kyubushasha. ¹⁵ Na mwene wenu ilyaga gaya hanyanya lyu bulye, kokudeta utakishomwiri mu busime ku bulye bwabe utashereze mundu yeshi ye Kristo akafira. ¹⁶ Kwa yuko kusima na kwenu, hatije bulengero bu kugayana. ¹⁷ Kulya bwami bwa Mungu kutali kulya kandiri kunwa, ti ukuri mulula busime kwa yugo muka mweru. ¹⁸ Ugwete ugakolera Kristo yibyo, asimisize Mungu kandi emezirwe na bandu boshi. ¹⁹ N'ilyaba kuko, nishimbe bindu byu mutula, ni bindu byumenene kudeta mutula. ²⁰ Utashereze mukolwa gwa Mungu hanyanya lyu bulye, ukuri lyoshi bibi bija, biri bibi kulya mundu ugwete ugalya kuku shombe kanya. ²¹ Bitali bija kulya nyama kunwa kandiri kugira kinduikigakumiza mwena wenu. ²² Iyo mbikiriza ugwete ugendelere kuba naliyo mukati ku mutima gwabe mbere lya Mungu iri nama mulya mundu yeshi utagwele ugilibuza mu mutima gwage kwa yikyo kinwa akemera. ²³ Ti yeshi wingani ngani mubyo agwete agalya agatwirwa lubaja, kulya atalyo kwi mbikirizi. na kira ngolezi italyosire mukati ki mbikirizi zali mabi.