¹ Munda yeshi akenge buhashe bukulu, kulya hatali buhashe ubutakalyoka i mwa Mungu, nya bakulu abali bakabikwa nya Mungu. ² Kuko, nga wangatenguha uwimire alahira bagiheza malibu. ³ Kulya a bimire batake kobohya bandu kulya bagwete ngolezi nyija, ti hanyanya lyi ngolezi nyibi. Kuko wasima utamwobole ugwete mwimo? gira bija, nabe uhewe itunda mwage. ⁴ Kulya yehe ali mukozi wa Mungu imwabe hanyanya lyu bwija nga wangagira mabi wobohe, kulya atagwasiri(mugushu) mupanga busha, kulya ali mukozi wa Mungu, wukwiholela mwi bute hanyanya lyuye ukagira mabi. ⁵ Kushimbana nya yuko, bili bija kukenga, atali hanyanya lya yubo bute naho, ti geke hanyanya lya migerezo. ⁶ Hanyanya lya yuko kandi, mugwete mugalyula ikodi, kulya bohe a bimire bali bakoziba Mungu nanya lamire mukati ka yugo mukolwa. ⁷ Mubaheze boshi ukuli kwabo, mundu wukulyuza ikodi ahewe ikodi, mundu wukulyuza i ndulo ahewe yubo bushuru, nyu wumenene kwobohwa abohwe, nyu wumenene kuhewe i tunda aliwehe ilyo itunda. ⁸ Mutabe nyu lube nyu mundu yeshi, nga butali busimane, kulya usimire mirage akwizire migako ya Mungu. ⁹ Kulya, yuko kudeta utashulehe utite, utazimbe, utifije(muka milabe). ¹⁰ Busimana litake gira kinwa kib'imwa mwikalanwa wabe, kuko busimane bo bukwizize migako. ¹¹ Ego, tumanye bishazi, ko bishazi byuku byuka mwiro bikola wasi, kulya bukulule bwetu bukola hasi netu kutaluka lilyo tukatondera kwemera. ¹² Bushigi bwagenderera bwenene, mushi gwegerera, kuko tuhogole ngolezi zikizizi, nyu kwambala i mbunda zi bweru. ¹³ Ngako bihunire nyu mushi tushomole nyitunda, kutabe kukwigutilila, nyu bulalwe, kutali kwisimisa nyu bushule, kutali mwa malongwe nyu bongwa. ¹⁴ Ti, mwambale nahamweli Yesu Kristo, mutalolaga magala, lyo mukole ngako gusimire nyuku gira nyifijo zage.