¹ Kuko, benewetu, nya muhoha, mwi mboga zage Mungu, mwitange myoyo yenu ibe itulo ligumana, lishukwe, ilisimisize Mungu, go migirizo genu mija. ² Ili kandi mutashushe nga byumu kihugo kya zene, ti muhindulwe kugirwa buhyahya misalilo yenu, lyo mumanya ukuli bu buloze bwa Mungu kute buli bwija, yu kumusimiza, nyu ku kwira. ³ Kulya kwu lukogo ngahewa na wira mundu yeshi uliyaho hamwenu atagerereze kutaluka ngako anga salile, ti abe nyi migererezo yu lugero, ngako Mungu aka mugabina kila mundu lugero lwi mbikirizi. ⁴ Ngako mukati ka magala maguma tugwete bilimbago bingi, ti bilimbago byoshi bitakoziri mukolwa mugma. ⁵ Kili na netu twe tulibingi tuli magala maguma mukati ka Kristo, nya bilimbago, muguma ku gundi. ⁶ Kuko, kulya tugwete bigali ibili mbelulukanwe, ngabo mukahewa lukogo, bukaba bulagu, tulyose bulagu mga mbikirizi. ⁷ Ili bwangala bukozi, tube mukati kubukozi bwetu, wu kwigiriza, mukati ku kwigiriza kwage. ⁸ Wu kushungula, mukati ku kushungula kwage, nyuga hana nyu mutima guli gerere, wu kwimangira ku kwihangana, wukukoga, nyu busima. ⁹ Busimane butabe bwi nolyalya mushombe ilili libi, mwigwatizire ku bili bija. ¹⁰ Ku busimane bwa bene wenu, musimane mwehe ku mwehe, mu bukenge nunoshangwe i mbele lya bilenu. ¹¹ Ku kwihangana, batali bagazi, munabe nyu nuhamgana mukati ki mitima yenu, nyuku kolela nawetu. ¹² Mwa kalangalizi, munagwete busime, mukati ka malibuze, nyukulinda, nyuku lama mwa mahuno. ¹³ Mwi nyifijo ya bakyesiwe, nyuku shimba bute mwange ke kwegereza bandi, nyukwegereza bageni nyukwikanya. ¹⁴ Mugashanire bagwete bamu talangiza, mubagashanire ili kandi mutabadake. ¹⁵ Musime kuguma nya bali mu busime, mulile kuguma nya bali mu busime, mulile kuguma nya bagwete bagalila. ¹⁶ Muvikanwe migererezo yenu mwehe ku mwehe. Mutagererezi ibili bihamu, ti mwemere kubikwa mwi bindu bigazi. Mutitundirago ubwenge. ¹⁷ Mutahembaga mundu mabiku mabi. mulolekeze i bija mwa masu ga bandu boshi. ¹⁸ Nga byanga hashikana mwu luhande lwenu, mubere mumutula nya bandu boshi. ¹⁹ Basimwa, mutakolagwa mwiholele, ti muleke butee bwa Mungu, kulya bikasarangwa kwiholela kuli imwani nyehe, nyehe nga lyula, nawetu adeta. ²⁰ Ti koko, mugoma wake nga angaba nyu mwene, muheze alye, akaba ni nyota, muheze anywe, kulya ukagira yuko, wabika makala gu mulilo hanyanya lyitwe lyage yenene. ²¹ Utahimwe nyu bubi, ti uhime bubi mu bwija.