¹ Natuma imwenu Fibi, munyere wetu mukozi wi shengero liri iyomunda Kenkrea. ² Kudeta mumwangilire mukati ka nahano, ngako byumene balya bakakululwa, numutabale mu kinwa kyoshi agamuhuna imwenu, kulya naye alimutabazi wa bandu bingi, akandabala nani geke. ³ Munda mukize Priska na Akila, bakozi kuguma na nyehe mukati ka Kristo Yesu. ⁴ Abali kwiyengerekeze kisi kutwiwa itwe hanyanya lya kalamu kani, nadeta mu kongwa imwabo, atahali nyenene naho, ti na mashengero gi bilongo byoshi geke musingo mund'ishengero iliri mwi nyumba yabo. ⁶ Munda mukize Mariamu, alike kwiribuza wenene hanyanya lyani. ⁷ Mundamu kize Androniko na yunja, musimwa wani, abakashwe kwa kuguma na nyehe, bandu shoni mangaliri mukati ki ndumwa, nabo baali bemezi mukati ka Kristo hambere lyani. ⁸ Mundamu kize Amipliato musinwa wani mukati lya nahano. ⁹ Mundamu kize Urbano, mukozi kuguma na nyehe mukati ka Kristo, na sitakisi musimanwa wani. ¹⁰ Mundamu kize Apele, uwemezire mukati ka nahano mundamu kize bandu bi nyumba ya Aristobulo. ¹¹ Mundamu kize Herodioni, ikondo lyani, mudamukize bandu li nyumba ya Narkiso abemezire nahano. ¹² Mundamukize Trifaina na Trifosa, bandu bu mwete mukati ka nahawetu, mundamu kize Persisi musimwa uwali kwi hanganire wenene mukati ka nawetu. ¹³ Mundamukize Rufo, mulondo lwa mukati ka nahano, na ninaye maye geke. ¹⁴ Mundamukize Asinkrito, flegoni, Herme, Herma na bandi betu bali kuguma. ¹⁵ Munda mukize Filologo na Yulia, Nerea, na mwali wabo, na Olimpa na bandi bashukwa abali boshi kuguma. ¹⁶ Mulamusanie kwiranga likyere shengero zoshi za Kristo zabalamusa. ¹⁷ Bene wetu, nahuno ha mulolekeze balya ba kasho mbekanya na bagwete bagagira bindu byuku kuniza, mbelulukana migirizo go mukigiziwa mwikenge naligo. ¹⁸ Kulya abalikuko batamu nawetu Kristo, ti bagwete bagakolera mabinda gabo bonene, nuku binwa bilembu nu byu kusimisa bagwete bagateba bandu bi mitima itakaniri. ¹⁹ Kulya kuboterera kwenu, bandu boshi lira bakubona kuko nasima hanyanya lyenu, ti koke nzimire mwehe mube bana bwenge mukati ki bindu bija, ni byoto mukati ki bind'ibitumeneni. ²⁰ Na Mungu wu mutula agalibata muzimu ifo lya magulu genu duba lukogo lwa nahano wetu Yesu Kristo lube kuguma mweshi(kubeyuko) ²¹ Timoteo, mukozi kuguma na nyehe, amalamusa, na Lukio na Yasoni, na Sosipatro, i kandi lyani. ²² Nyehe Tertrio, nyuka saranga lino ibugu, nabalamusa mukati ka nahano. ²³ Gayo, wa hasi lya ni, ishengero lyoshi abalamusa naye geke. Erasto mubisi wa kaya, abalamusa, na Kwarto mwene wenu. ²⁴ Lukogo lwa nahano wetu Yesu Kristo lube kuguma mweshi kube yuko. ²⁵ Kuko itundwe yehe ukahasha kubagira mube bundwali, kushimbana na migirizo gani nukwigiriziwa kwa Yesu Kristo kushimbana n'ukweresiwa ilya mbisho ikalikwa kutondera butazi bwi myakula. ²⁶ Kyana gogomeziwa kwa bino bushazi kwi nzarango za balagu, kyanamanywa nabana bilongo boshi ngoko akahangu kira Mungu wi myakula, lyo bakenga mbikirizi. ²⁷ Ye Mungu wu bwenge yenene bulangashane buli mwage kulengera Yesu Kristo, miakula ni miakula kube yuko