¹ Kamanyiso kanene kanyashoshoka ikunguba: mukazi ubohirwe nyi zuba, mwezi mwa magulu gage, nyi kimanyi ki ndonde ikumi nya zibili kwitwe lyage. ² Ali'zimi, anyali ke mama nyu bulyanize bu kubuta. ³ Kandi kamanyiso kanyashoshoka ikunguba; kwiji ilya njoka yu mugushe, igwete bitwe birinda nya mahembe garinda, nyi kwi bitwe byage bihatwa birinda. ⁴ Mukira gwagegwali ke kulula bihande bishatu bi ndonde zi kunguba, nyu ku zikabulila mu kihugo. Njoka yongo yanimanga imbere lulya mukazi uwali kebuta, lya mira mwana wage, bishazi agusa ku buta. ⁵ Anyabuta mugala, ugalagira birongo bioshi nyi ngonyi yi kyuma. Kandi uye mwana wage anyalengezibwa kuhika hwa kilya kifumbi kyu bwami. ⁶ Nyuye mukazi anyashagira mu mbinga, ho hali buziki ubwali kwengerekezibwe nya Mungu, lya gilisibwa siku magana gabili nya makumi galindatu. ⁷ Hanyaba ndambala ikunguba. Mikaeli nya balemberezi banyalwisa ilya njoka. Nyi njoka nya balemberezi bage banyabalwisa nyabo, ⁸ ti batanyaba nyi misi yu kuhima, buziki bwabo bwanyabaga ikunguba. Yanyakabulirwa ilya njoka, nyilya ngindi nene ya mira ibuziwe muzimu iri kandi nyamugomora, ulya wakihangusa kihugo kyoshi, anyakabuliwa mu kihigo, nya balemberezi bage banyakabulilwa kuguma nyaliye. ¹⁰ Kandi nyanyuvwa ikunguba izu linene ilyali ke deta: Ukuno bukulule bwija, nyu buhashe, mwimo gwa Mungu wetu, nyu buhashe bwa Kristo wage; kulya akabulilwa, mushongerezi wa bene wetu, ye wali ki bashongerera imbere lya Mungu wetu bushigi nyu mushi. ¹¹ Bamuhima hanyanya li muko gwa gwi mwana buzi nyi binwa byu busubura bwabo, kandi batakanyasima kalamu kuhikirira kukenga lufu. ¹² Kyatuma mushambale,ikunguba, nya mweshi bo mulamire yo. Nama mbi mu kihugo nyi kinyaja! kulya muzimu andagalila imwenu, nyu bute bwingi, amanyire kwa gwete bishazi binini. ¹³ Bishaziiyo njoka ikabona ko yakabulirwa hakihugo, anyagulira ulya mukazi ukabuta mwana wu mutabana. ¹⁴ nyi bihwahwa bibili bilya nunda nene byanyahewa ulya mukazi, lya balala mu mbinga, kuhika imwage, munda akalisibwa kishazi kiguma, mu bishazi, nyi mu kihande ki kishazi, hale nyilya njoka. ¹⁵ Kandi, mwa kanwa kage, anyavubula meji agali nga lwiji munyuma lyulya mukazi, lya mu kundumula nyalilo. ¹⁶ Nyi daho lyanya tabala ulya mukazi, idaho lyanyashwekula kanwa nyu ku mira lulya lwiji ulukavubulwa nyi njoka mwa kanwa kage. ¹⁷ Kandi ilya njoka yanyafwa bute hanyanya lulya mukazi, yanyagenda gira bita ku bandi bu mubuto gwage, balya bagwatirize migako ya Mungu bo banagwete busubura bwa Yesu.