¹ Kandi anyabudatala ku mushege gwi kinyaja. Hanyuma nyanabona nyama igwete mahembe ikumi nyi bitwe birinda yashoshoka mu kinyaja, nya kwa mahembe gage ikumi kwali bihatwa, nyi kwa yibo bitwe kwali mazina ga madaki. ² Ulya nyama ngabona alishushire ingwi; nya magulu nga gi kabwa ki mushuka, nyi nyunyu nga zi kanunga. Njoka yanyamuha misi,nyi kilya kifumbi kyage kyu bwami, nyi buhashe bunene. ³ Kandi nyanabona kitwe kiguma mu bindi kigwete bulabe u bushushire bwa ngajegereza mundu; ti kihando kyongo kyanakira. Nyi kihugo kyoshi kyali mu ku somerwa iyo nyama. ⁴ Banyikumba njoka, kulya akaheza ilya nyama buhashe; banyikumba ilya nyama, nyu kudeta: nyandea uli ngino nyama, nya nyande wanga mu lwisa? ⁵ Banyamuha kanwa ku ktwisa binwa bu butundule nyi bidusi; anyahewa misi yu ku kola i myzi makumi gane nyibiri. ⁶ Kandi anyashwekula kanwa kage ku twisa bidusi hanyanya lya Mungu, lya duka izina lyage, nyi lungetenge lwage, nya balya balamire mukihugo. ⁷ Akahewa mugako agire ndambala nya bashuke, nya balya bakahima. Akahewa buhashe hanyanya milala yoshi, birongo byoshi, ndeto zoshi. ⁸ Nya bandu boshi balilamire mu kihugo biji kwikumba ye, balya bo mazina gabo gatakasarangwa mu kitabu kutangirira ho kihugo kikabumbwa mu kitabu kya kalamu kya mwana buzi ukashijwa. ⁹ Iri hali mundu ugwete masikio, uvwe! ¹⁰ Iri hali ulozize kugendi shwekwa agagigenda, iri mundu akita ku mugushu, kumenene itwe nyaye mugushu. Ho hahano kuboterere nyi bwemere bwa bashuke. ¹¹ Hanyuma nyanabona gindi nyama yaterama kulyoka mukihugo, iyali gwete mahembe gabili agashushire gu mwana buzi, yanyali ke deta ngilya njoka. ¹² Yalikioesa buhashe bwilya nyama ndazi mwa masu gage, nyu kugira ko kihugo nya bandu bikumbe iyo nyama ndazi, ye bihando byage byu kuloza afwe bikakira. ¹³ Ali ke gira bisomeza binene, kuhikirira kushonosa muliro mu kihugo, mwa masu ga bandu. ¹⁴ Anyali kehangusa bandu mukihugo kwa yibyo bisomeza akahewa akolese mwa masu giyo nyama, mu kuwira abali mu kihigo bagire ishusho yiyo nyama yali nyi bihando byu mugushu anyalamire. ¹⁵ Anyawirwa afuhire muka mwiho shusho yi nyama, lyi deta, nya kazi yeshi utagikumba iyo shusho yi nyama itwe. ¹⁶ Anyagira koshi kuhashikene, bato nya bakulu, bagale nya bakene, baja nya batali baja, babikwe kamanyiso ku kuboko kwabo ku lulyo nya malanga gabo, ¹⁷ lyo ndaye ugagendi gula nyu ku guza buzira kamanyiso, izina li nyama iri kandi mugajo gwi zina lyage. ¹⁸ Ho hahano bwenge. Ulya ugwete bwenge agaje yizo nyama. Kulya guli mugajo gwa basosi, nyi mugajo gwage magana galindatu nya makumi galindatu nya ndatu.