¹ Banyambeza mulonge uguli nga ngonyi, nyu kudeta: Wimange ugere ishengero lya Mungu, lungetenge nye abakikwikumba mo. ² Ti ibululi bwage iyo munda imbuga muleke mutagigere! kulya ikahewa banabilongo, baganyiji libata mwa kaya kashuke imyezi makumi gane nya gabiri. ³ Ngiji heza basubura bani babiri buhashe bu kulagula, nabo bemberire nabusuzu isiku kihumbi nya magana gabiri nya galindatu ⁴ yilya mizeituni ibiri nya kilya kihatwa kyukubikira ko kamole byo biri imbere lya nawetu wa hano hifo lyi nguba. ⁵ Iri hali ugwete ugalozi bagira mabi, muliro gu na lyoke mwa kanwa nyu kumira bagoma babo, yeshi ugweti ugaloza abagire mabi kwimenene itwe kuko. ⁶ Bagwete buhashe buku shweka kunguba mvula itanye isiku zu bulagu bwabo; bagwete buhashe bukuhindula meji gabe muko nyu ku shulika kihugo nyi bihano byoshi bikala. ⁷ Bishazi bagusa busubura bwabo, inyama igweti igaterama kulyoka mu bushereza igijibalwisa, nyu ku bahima, nyu kubita. ⁸ Nyi birunda byabo bigijiba muluhya lwa kaya kanenem akabuziwe mu shusho yu mutima, Sodoma nyi Misri, halya ho nawetu akahagikwa. ⁹ Hashimbira bandu bi birongo, milala, ndeto, bihugo, bagiji bona birunda byabo isiku zishatu nyi bihande, batanganyiji kwemera birunda byabo isiku zishatu nyi bihande, bataganyiji kwemera birunda byabo bibishwe. ¹⁰ Hanyanya lyabo abalamire mu kihugo bagiji shambala nyu kuba mu busime, kandi bagiji ketumirana mbembo baguma ku bandi, kulya bano balagu balibuza kihugo. ¹¹ Hanyuma li siku zishatu nyi bihande, mutima gu bugumana, kulyoka imwa Mungu gwa nabingira mo banyimangira kwa magulu gabo, kyoba kingi kyanagwata abali abali ke balolekeza. ¹² Ko kuko banyuvwa ikunguba izu lyo lyali ke bawira: muteramire ino munda! banyateramira ikunguba mwi kibungu; nya bagoma babo banyababona. ¹³ Kikyo kishazi hanyija musisi, nyi kihande ki kumi kya kayam kyanahirima; bandu bihumbi birinda banyafwa mwa yugo musisi nya bandi banyoboha nyu kwigana Mungu wi kunguba. ¹⁴ Bushereza bwa kabiri bwa nyalenga.Lolekezagye bushereza bwa kashatu bwijire hahano hahano. ¹⁵ Mulemberezi wa kalinda anyabanda mushekera. Hanyaba mazu ikunguba agaliedeta: Bwami bwi kihugo bwahewa nawetu nya Kristo wage; aganyima myaka nyi myakula. ¹⁶ Nya balya bashaja makumi gabiri nya bane, abali budetere imbere lya Mungu kwi bifumbi bu bwime bwabo, banyinamira malanga gabo nyi kwikumba Mungu, ¹⁷ Nyu kudeta: twahana mukongwa, Nawetu Mungu wu buhashe boshi, uli, uwali, kulya wagwata bulya buhashe bwabe bwingi, nyu kwanga bwami bwabe, ¹⁸ Bihugo byafa bute; nyu bute bwabe bwijaa, nyi bishazi bijire byukutwa majaa za bafire, zu kulyula bakozi babe balagu, bashuke nya balya bakekoboa izina lyabe, bato nya bakulu, nyu kushereza balya bakeshereza kihugo. ¹⁹ Nyi shengero lya Mungu ikunguba lya nyiguka, nyi kingumbi ki kihango kya nya shoshoka mwi shengero lyage. Hanabaga i milazo, mazuu, mikungulo, misisi,nyi lugungu lwingi.