1
Yesu anyashubi bwir'abandu, "Nyamubwir'ukuli ko mu bandu bimazire hano, baguma mwabo batagafwa batazi bona ubwani bwa Mungu ko bugwete bugija ku buhashe bwage."
2
Iri haka lenga siku ndatu, Yesu anyanga Petro, Yakoba nya Yohana anyabetaramana ku mugazi mure, iri bakaba mira baluka, Yes anya hinduk'ikikeb'imbere lyabo.
3
Mironda yage yanyaba myeru pe pe pe, yanya shushana bwenene.
4
Liryo, hanyaboneka bashosi babiri, Musa nya Elia, bagwete baza mudesa.
5-6
Petro nya birage bali boshi banyaboha bwenene, banya gosha byo bagadeta kuko. Petro anya hababa, ti, "E Rabi, kuli kwija ko tuli hano, tubak'ibitunda bishatu, kiguma kyabe, nyi kindi kya Musa, nyi kindi kya Elia."
7
Haho, kibungu kyanya hulukira unyanya lyabo kyanya babwika, mwa nya lyok'izu nyu ku deta kukuno, "Uno, ye Mwana wani mukundwa! muvirize!"
8
Liryo bigizibwa banya lola mbande zoshi, bata nayabona gundi mundu kuguma nyabo, hanyuma lya Yesu yenene.
9
Iryakaba, baligwete baganda gala mu mugazi, Yesu anya bakomereza, ti, "Yibyo mwabana, hatabe mundu muga bibwira, halinde kuhisa kw'ibishazi Mwana wu Mundu agafuka mwa bafwire."
10
Yibyo byoshi banya bwemera. Ti koke banyatondera kubu zania: Yuko kufuka mwa bafwire, kuli kudeta kute?
9
........
10
.............
11
Yabo bigizibwa ba Yesu, banyatonder'ukumubuza, ti, "Biki bitumir'a bigiza bi maja bagwete baga deta mbu ku menene Elia ate kwija?"
12
Yesu anya bushuja, "Bir'ukuli ko Elia ate kwija, ashagwe aga kumbiriz'ibindu byoshi. Kuguma nya yibyo, kyo kitumire bisarazirwe ko Mwana wu Mundu mwenene ake longez'amalibuze mingi nyu kuganywa bwenene.
13
"Nya mubwira, ko Elia mir'akija! mira bakanyamugira kazi koshi balilozize nga ko byali sarazirwe mukati ly'ulusarango lweru hanyanya lyage."
14
Yesu nya yabo bigizibwa bashatu iri bandagala nyu kushanga yabo birabo, banya bona bandu bingi bwenene babazu ngulusire, bagwete baga hambana nya bigiza bi maja.
15
Balya bandu boshi, iri babona Yesu banya somerwa bwenene! banya tibitira mund'ali, bagende mulamusa.
17
Nyu mundu muguma mukati liyo ndeko anyamushuza, "E mwigiriza, ngu deter'umwana wani kulya kalikavuma.
18
Bishazi yugo muhusi iri gwanga mugwata, gunya muhiri nye nyu mwan;atondere kulyok'ulufuko mwa kanwa nyu ku keshambya meno haguma, anyumirire nyabwisa bigizibwa babe bahire yugo muhusi (yabo bazimu) ti batahasha."
19
Yesu anyashuza, "Mwe bandu ba kino kibusi, ka mutabisiri Mungu ku bwemere! ngota nya mwe mango maki? Nganya kazi mugo yera bishazi biki? Nyedeter'uye mwana!"
20
Iri badetera Yesu uye mwana, urya muzimu irya Muzimu irya banaga Yesu, liryo anyashegaz'umwana, anyitimba hashi, anya kazi balanduka balanduka, aga nya lyo k'ifulo mwa kanwa.
21
Yesu anyabuz'ishe wu mwana, "Uno mwana akaba kukuno kulyokera bishazi biki?"
22
Hali mang'uye muzimu ake mukabula mukati lyu muliro nyu mwa meji, akeloza ku mwita. Kuko utuvirw'imbonga! Utu tabake mashi, iri wanga hasha!
23
Yesu, ti, "Biki byanga tum'ugambuz'iri nyanga hasha? Iri mundu'agabika ko Mungu ubwemere byoshi bikashikene.
24
Liryo ishe w'uye mwana anyadeta kw'izu linene, ti, "Mbisire ko Mungu bwemere, ti koke buki mihire undabale hanyanya lyu kugosha kwemera.
25
Yesu aryabona ko bandu bingi bakoligwete bagija yaho, anya ka mukir'uye muzimu (muhusi) Kukuno, "E muzimu gu ku menya, nyu guku zibi amatwiri! Nyakubwira, ulyoke mu'yu mwana! Utanya kishubi mugalukira mo!"
26
Uye muzimu anyamuriza, nyu ku shagaza shagazi'uye mwana kwi misi nyuku ryoka muriye. Mwana anyaboneka ngu fwire, bandu bingi banyatondera kudeta mbwa fwa.
27
Ti koke kudeta mugwatira ku kuboko, anya mubyusa, uye mwan'anyimuka.
28
Iri Yesu akaba mir'ingira mu nyumba, bigizi bwa bage banya mu buza mu kohwe-hwe, "Biki byatuma tutahira gulya muzimu?"
29
Anya bashuza, "Muzimu kisigo mwan'uye ake lyo ka naho mwi njira yu kuhuna Mungu.
30
Yesu nya bigizibwa bage, banya lyoka yaho nyuku lenga mbande zi Galilaya. Yesu atali lozize habe mund'ugamanya ho bali.
31
By'aligwete agigiriza bagizibwa bage anya babwira ko Mwana wu mundu agalikwa mwi maboko ga'bandu, banya mwite, ti koke, ku lusiku, lwa kashatu anyafuke.
32
Yibyo byo Yesu akababwira ti bigizibwa bage batakamanya, byalike bigiza, banyo bona.
33
Yesu nya bigizibwa bage, banya hika mwa kaya ki Kapernaumu nyu kwingira mu nyumba, Yesu anya buza bigizibwa bage, "bishazi mushuba mu njira biki virya mushu bigwete muga bambana?
34
Boshi banya hulika! Kulya bishazi bali mu njira, bali gwete bagaha mbana mbw'inde ugaba mukulu wa wirage.
35
Yesu anya budatala, anya bashambiza ko bali ikumi nya babiri, anya babwira, "U mundu wangaloza abe wimbere, umenen'yabe wi nyuma, anyabe ye mukozi wa boshi!"
36
Hunyum'anyang'umwana muto, anya mubik'imbere lyabo, anyar'imugwasire, anya babwira,
37
"U mundu wanga sheneza mwanuke uli nguno kwi zina lyani, iri nye ashegerezize. Nyi bishazi anganjegeneza, iri atali nyehe naho nya shegenezize ti ashegerezize nya dat'uka nduma."
38
Yohana anyabwira Yesu, "E mwigiza, tuka bon'umundu muguma, agwete aga hiva bazimu kw'izina lyabe. Twanya mulahira, kulya atli miretu."
39
Ti Yesu anyashuza, "Mutamulahirire kulya hatali mundu wangagir'ibisomeza kwijina lyani, atanga kishube deta kubi."
40
Mundu, iri angaba atagweti agatuhangirira, iry'ali luhande lwetu.
41
Kazi yeshi iwanga muhez'ikopo lya meji hanyanya lyani, kulya muli bandu ba Kristo, ukuli uye mundu atagoshihebwa luhembo lwage.
42
Yaba banini, bakoli nyemezire, kukuno, ho mundu angalyosa muguma wabo, kwanga bere kwija ashwekerwe iwe li nene mwigosi anya kabulwe mwi nyaja.
43
Ukubako kwabe, iri kwanga kuhubisa, ukutwe! byanga kuberere bwija wingire h'ugalam'uli kirema, ho wangaba nya maboko gombi, uzindi kabulirwa ima kwere! mundo muliro gutaga zima.
44
[Nyi mivuzi yayo itali yu kufwa.]
45
Nyu kugulu kwab'iri kwanga kuhubisa ukutwe, byanga kuberere bwija ukwingira ho ugalama uli kirema, ho wangaba nya magulu gombi, uzindi kabulwa ina kwere!
46
[Nyi mivu zi yayo itali yu kufwa! nyu muliro gwa yo gutagazima!]
47
Nyi su lyabe, nyario, iri lyanga kuhubisa, ulilyose! byanga kuberere bwija wingire mu bwami bwa Mungu uli nyi su liguma, ho wanga bere uli nya masu gombi un yalashw'ina kwere!
48
Nyi mivuzi yayo itali yu kufwa! nyu muliro gwa yo gutazima!
49
Kwa kuko, kira mundu agaba ng'alungwa ko nyu munyu, mukulezibwa mu muliro.
50
U munyu, kiri kindu kija, t'iri gwangaba gwa ganeka, ndabyo byanga shubi gunonesa! Kuko nyemu mube nga munyu ugu ki nonire, mule nyu mutula mukati lyenu.