¹ A Bafarisayo, nya bigiza baguma bi maja, banya lyoka i Yerusalemu, banyiji shanganana hali Yesu. ² Banyabona ko baguma bali ba mu bigizibwa bage baka lungulira bagalya, buzira kute kkwishuka maboko. ³ Yabo Bafarisayo, kuguma nya bandi Bayahudi boshi, batakelya, batanyii kwishuka mabiko. Yibyo bishimbene nyi mugeza yu kkwi yerusako bakasigirwa nya ba she kuluza babo. ⁴ Kiri bishazi bakeryoka mu tugukiro, batakelya batazi. Kwishuka, bikala bashimbire nyi gindi mya nya mingi nga kushuka bikombe, tulindi nyi nyungu zika kolwa nyi miringa. V 5Balya Bafarisayo, kuguma nya bigiza b'imaja, ba nyiji buza Yesu, "Kituma bigizibwa babe batashimbir;imyanya ya bashekuluza betu, ti bagwete baga lya ibiribwa nya maboko gijwir'ininga." ⁶ Yesu anyabashuza, "Ti muli bahyahya! Isaya aka det'ukuli mukutang'ubulezi hanyanya lyenu kukuno: Bano bandu bagwete bagamb'itunda ku tunwa twabo, ti mitima yabo, itali hasi nya nyehe. ⁷ Kunyi kumba kwabo, kuli kubusha! nyi mihango bagwete bagigiriza ikabikwa nya bandu. ⁸ Yesu anyagenderera kubabwira, Mugwete mugasi g'imikago ya Mungu. Ibutambi nyuku shimb'imkago yenu." ⁹ Muli bashumi bwenene, bu kusig'imikago ya Mungu nyuku shimbulir'iyenu. ¹⁰ Kulya, Musa akadeta, "Uhez'isho nya nyako itu nya nissa umenene kumigwa. ¹¹ Ti kuko mwehe mugwete mugadeta, ko mundu umenene abwir'ishe kund'iri nian, ko bindu nya nga kutabere mo, nya bitul'imwa Mungu (kuhana ndulo). ¹² Kuko ko mugwete muga lahiz'umundu ko ata kazi tabal'ishe, kandir'iri naima. ¹³ Yo migako mukasigirwa nya bandu, bishazi mugwete mugashimbir'iyo migako go mango mugwete muga gani gon'ikinwa kya Mungu hali nyagandi mabi mingi mwene yago go mugwere muga gira." ¹⁴ Hanyuma Yesu anyashubi buza yabo bandu anyababwira, "Mweshi munyuvirize bwija lyo mumanya! ¹⁵ Ndakyo kindu kya ngingira mu mundu, mu kulyok'imbuga kimugone ti kyukurioka mu mundu kyo kyanga nuyona." ¹⁶ [Ugwete matwiri gu kuva uve] ¹⁷ Bishazi Yesu akingira nyi ndeko mu nyumba bigizibwa bage banya mubuza kute yugo mugani gu desire. ¹⁸ Nyaye anya babwira, Kanyenu mutagwet'ubwemundu iri kyanga ko kira kindu kil'imbuga lyu mundu iri kyanga mwingira kitanga mugona (unajisi). ¹⁹ Kindu yikyo, iri kitangingira mu mutima gwabe ti, iri kyangingira mwi bunda lyabe nya hanyuma kinya lyoke nyu kugenda mukati lyu musarani. Ko kudeta kukuno, Yesu eresiza kwo biriwa byoshi biribyukuliwa. ²⁰ Yesu anyadeta kandi kukuno, "Ibyake huluka mu mundu byo byake mwirubaza. ²¹ Mu mutima gu mundu, mo mwake huluka imitono mibi, nyu bweruzi, nyu buzimba nyu bwita tani. ²² Nyu bushule, nyu kugig'ibindu, nyi nzingo, nyu bulyalya, nyi bi kihugo nyu lugi, nyu ungamba, nyu bwikangate, nyi bimbala mbala. ²³ Yibyo byo byake luluka mu mutima gu mundu. Byo binya mwiribazize." ²⁴ Yesu anyalyoka yaho, anyagenda mbandezi Tiro. Iryakahika yo, anyingira mu nyumba, nyaye atali lozize mundu amanye kwali. Mwi yo nyuma, ti bitanyahashikana. ²⁵ Mukazi muguma, munyere wage aligwasirwe nyi mihusi (pepo) anyuv'umwazi hanyanya lyage. Anyiji fukani imbere lyage. ²⁶ Anya mwinginga, ti, "E waliha, umbivir'ino mihusi muno munyere wani." Nyuye mulazi ali muguku-kazi ukabutirwa mwi kihugo ki Siriyafoyi miki. ²⁷ Yesu anyamushuza, "Utelek'abana bigute! Bitumenene kwang'ibiribwa by bana, nyu ku bihez'utubwa!" ²⁸ Ulya mukaz'anyamubwira, ti, "E nahano, biriku ko, ti koke, hali mango tubwa twakazilya, kwi byo bana batera kwa meza!" ²⁹ Yesu anyamushuza, "Kukuno washuza kuko, ugendag'imwabe, i mihusi ishu bigwete munyere wabe mira yalyoka." ³⁰ Uye mukaz'anya fuluka, anyashanga munyere wag'agwejere ku ngingo, nya bazimu bashubi mugwete mira bigendera. ³¹ Yesu analyoka luhande lui Tiro, anyalenga mwa kaya ki Sidoni, mu kugenda yi nyaja yi Glilaya mwi poroveresi yi Dekapoli. ³² Iyo munda, bandu banya mudeter'umund'ufwir'amatwiri, anyali wi kigugu mizi. Yabo bandu banyi nginga Yesu amubike ko maboko. ³³ Kuko, Yesu anyalyos'uye mundu mukati li ndeko hanyuma, anya mubik'imimwe mwa matwiri, nya kandi, anyatwira mate, anya muhuma ku lulimi. ³⁴ Haho Yesu anya lolekez'imbingu anyadeta kwizu linene, anyabwir'ulya mundu, "Hefalta!" (kuli kudeta: iguka!) ³⁵ Liyo, uye mundu, matwiri gage ganya zibuka nyu lulimi lwage lwanya goboka, anyatondera kudeta bwija. ³⁶ Anya babwira mbu batabwr'u mundu hanyanya lyu bubize buyu mundu. Kuko, balya bandu banya genderera kudeta iyo mikolwa yage mwa bandu. ³⁷ Balya bandu banya somerwa ngana, banyake zi deta, "Nyu mundu, kazi byagwet'agagira agwet'abigira bwija! kiri nya bafwir'ama tugwete tuga deta."