¹ Yesu anyalyoka yaho, anya kulukir'imwabo kuguma nya bigizibwa bage. ² Nyu ku lusiku lwa kasiku, anyatondera kwigiriza bandu mwi nyumba yi mishangano ya Bayahudi, iri baka muva bingi babo banya somerwa yabo bandu banya buzanya, ti, "E balya uno, alyosire bino binwa byoshi hahe!" Nya buno butegereze aherwe buli bukage? Kiri nya bino bitangaz'agwete agagira, agwete agavigira kwi njira nyiki? ³ "Ishe atali ulia mubaji wi biti? Nya nina atali ye Mariamu? Nya bene wabo, k'atali Yakobo nya Yose, nya Yuda, nya Simoni? ka tweshi tutali botani hano?" ⁴ Kuko Yesu anyabwira, "Umulevi atanga kosha lushaga, mutali mwa kaya kabo, nya mubene wabo nyi mwage." ⁵ Yesu atanya kihasha kugira ukukazi gira ibitangaza yaho hamwabo, hanyuma byuku hiza balwazi balezire kwi njira yuku bikirwa maboko. ⁶ Anya somerwa ko bo bakalahira ku mubika ko bwemere. ⁷ Akabuza bigizibwa bage ikumi nya babiri, anyatondera kuba tuma babiri, babiri nyuku baheza ubuhashe bw'uku hiv'imihusi. ⁸ Anyaba lahira kukuno, "Hatagire kindu kyo mugatwala ku hugezi kwenu, nga mukati, kandir'iri shaho, mutakazi shwekera ifaranga mu kibuno, mugende mufumbasir'ingonyi naho. ⁹ Mugende mwambala nyi birato, mutanya twale milond'ibire. ¹⁰ Anya babwira, "kazi hoshi mugingira mwi nyumba, mote yuno halinde lusiku lo mugalyoka yaho. ¹¹ Bandu ba handu haleb'iri banga lahiria ku mwegereza, kand'iri kumuviriza, mukulyoka yaho, mu nya bugumule kiri lutumutumu ululi kwa magulu genu, bube bu shuhuda ko mushula yaho hamwabo!" ¹² Kuko yabo bigizibwa ba Yesu banyalyoka yaho yabo bigizibwa banyagenda bagigiriza bandu kulk'ibyaha byabo. ¹³ Banya shanga bandu bingi bagwete nyi mihusi (bazimu) banyake bahiva mu kuba shiga ma vuta ¹⁴ Mwazi gwa Yesu, gwanyalumbuka bwenene mu bandu. Kiri nya mwami Herode nyaye anyaguva bandu baguma nayakedeta, "Uno ali Yohana muvubis'uafula mubafire! kyo kitumir'ali yu buhashe bukugir'ibitangaza." ¹⁵ Abandi nyabo, "Mbu nanga! ye Eliya, nya bandi ti ali muguma wa ba mabii ba futazi." ¹⁶ Iri mwani Herode akuva kuko, nyaye anyadeta, "Kulya Yohana muvubisi nga singul'itwe ye wa fuka!" ¹⁷ Kuly'uye Herode yenene ali mali shang'agwatisa Yohana nyu kumu bika mwi nyumba yi mbohe akagira kuko hanyanya lya Herodia, kulia ali muka mwene wabo Filipo, uye mwami Herode anjiji mwanga. ¹⁸ Kulia Yohana akamu lahirira kwatanga gonda Herodia kulia ali muka mulumana wage. ¹⁹ Yikyo kinwa kyanyatuma Herodia gajinikira Yohana, anyaloza ku mwita, atanya hasha. ²⁰ Kulia Herode alikobohire Yohana anyakazi mulanga, kulia alima nyire ko Yohana ali mundu mwija, anyume menen'imbere ya Mungu uye Herode alike kuviriza magambo ga Yohana, mbu galike muter'ulushungezi. ²¹ Lusiku huguma Herodia anyabon'ibishazi byu kwita Yohana. Lwali lusiku lu kubutwa kwa mwami Herode,iri Kanika Herode anyagira lusiku lukulu, Anya larik'abatwari kuguma nya bakulu, Anya larik'abatwirj kuguma nya bakulu hi Galilaya. ²² Uye munyere wa Herodia anyigira, anyatonder'ukubina, yukokubina kwage kwa nya simisa mwani Herode ukuli, kiri nya yabo birage. Mwani, "Umbuire kazi byu lozize ngakuheza byo!" ²³ Herode anyashubiza, mu kushikiza, ti, "Nakitwa! kazi byoshi byo uga mbuna ngakuheza byo, kandi lubaka buhande lu bwami bwami. ²⁴ Ulya munyer'anyetehuluka, unyagendi buza nina, ti, "E maye, mbunage biki!" liryo nina, ti, "Uhune itwe lya Yohana wu kuvubika!" ²⁵ Ulya munyere, anyij'agalusire, anyabwira mwami bisi kwi sahani. ²⁶ Mwami lyakuva kuko anyajenguluka bwenene! tikoke atanya ki mulahirira kulya ali mali rapa imbere lia bala like. ²⁷ Kuko, anyatum'umusirikani, anyamubwira kw'agend'amudetere itwe lya Yohana. Uye musiri kani, anyagenda mu nyumba yi mbohe, iri akalasingula Yohana itwe, ²⁸ Anyalideta kwi sahani, anyalifuma badika ulya munyere, nya ye anya lihereza nina. ²⁹ Bigizibwa ba Yohana, iri bakuva kuko, banyiji kwang'ikimbiri mbiri, nyu kugend'ikibisha mwi shinda. ³⁰ Ndumwa za Yesu, iri zikagalukira imund'ali zanya mugamulira kazi byo baligwete bagakola, nya kazi ko baligwete bagigiriza bandu. ³¹ Bandu bakijira Yesu nyukugenda bali bingi bwenene, kiri bigizibwa bage nya yenene bataka bona bishazi by'ukulia. ³² Kuko banyagenda nyu bwato, lundi luhand'uutali bandu. ³³ Ti koke bandu bingi banya babona, banya bamanya, kuko bandu ba mutwaya toshi banyaba shimba ho balikengenda, banya bashnga yo. ³⁴ Iri Yesu akashomola mu bwato, anyashubi shanga bandu bingi bwenene! yabo boshi anyabuvirirwa indegerwa nyu ku bigiriza. ³⁵ Iri bukaba mira bwira, bigizibwa bage banyiji mubwira, "Hano tuli, mulimu kishuka (muzimu) mira twanyirirwa. ³⁶ Uhangulage yaba bandu bagende ya mandalo, kiri nya mu tundi twaya twino munda, gira bagendi gula byo bagalya." ³⁷ Yesu anyabashuza, "Nanga! mwehe, muba hereze byo bagalya!" Nabo, ti, "Indayo biribwa byu kwigusa yaba boshi. Byanganga ifwaranga iziri nga magana gabiri ge dinari, ulozize twa nge ifwaranga nyingi mwene yizo, lyo tugendi balo zega byo bagalya." ³⁸ Yesu nyaye, ti, "Mugwete mikati inga? Mutagendi lola" iryaba mira bamanya banyiji mubwira, "Tugwete mukat'itano nyi samika zibiri." ³⁹ Yesu anyadeta ko babutadaze yabo bandu ndeko ndeko, ku bweyo bubishi. ⁴⁰ Kulya banya budatala, baguma ndeko ya bandu igana-igana, nya bandi ndeko ya bandu maku migatano-gatano. ⁴¹ Yesu anyagirya mikat'itano, nya zirya ifi (samaki) zambi anyalegamira mwigulu, anyadeta mukong'imwa Mungu, iryaka kojola-kojola irya mikati anya giheza indu mwa zage, gira ziheze yabo bandu. Nya yizo ifi(samaki) banyazigabira yabo bandu. ⁴² Balya boshi banyalya bwenene, banyiguta. ⁴³ Ibishazi bigizibwa bakatalimisigala yi makati siyi ifi, yanyijuza ngeza ikumi nya zibiri zijwire! ⁴⁴ Nya bashosi abakaly'iyo mikati, bali hisire bihu mbitano. ⁴⁵ Haho Yesu anyabwira bigizibwa, bage ko bashonere, mu bwato, gira bashangw'ikaja bo ki ki nyaja, mu kaya ki Betsaida, yehe anya sigal'agwet'agasenderuk'u mushambiro. ⁴⁶ Nyiri akusa kusengeruk'umushambiro anya tera mira bakol'ibuza, nyaye anyakir'ibulambo yenene. ⁴⁷ Ubushigi bwany'ira, yabo bigizibwa bage banyaba bakol'ibuziba, nyaye anya kir'ibulambo yenene. ⁴⁸ Yabo bigizibwa, anya bona kazi ko bagwete bagahimbuka mu kushoja. Mukub'imbusi ya ligwet'igabahangirira, bwenene, iri hakaba ku mbazi, Yesu anyij'aga munda bali, agwete agatondagira hanyanya li nyaja, anya lojiba hijuka. ⁴⁹ Balya bigizibw'iri ba mubona kwa gwet'agatonda gira kwi nyaja, banya somerwa, banyi yotera kw'indulu, ti, ⁵⁰ "Yee! Kishu kirira!" nyay'anya babwira, "Mukany'umutima. Ndi nyehe! Mutabohe. ⁵¹ Iri akashonera mu bwato, irya mbusi yanya hoha! Balya bigizibwa banya somerwa bwenene. ⁵² KUlya, mitima yabo yali kubisirwe, batanyariso banukwire nyi kisomeza iki kakoleka kwiyo mikayi. ⁵³ Yesu nya bigizibwa bag'iryakaba mira bajab'inyaja, banyahika mu kihugo ki Genezarati, banya kululir'ubwato lwabo ku ngombe, banya bushweka. ⁵⁴ Iri bashonoka yumo mu bwato, bandu banyama nya ko Yesu. ⁵⁵ Kyanya tuma bagatibitira mwi mbande zoshi, gira bagendi mudeter'abalwazi. Nua mu kazi twaya to balike kuva kwa kola mo, balike mudetera balwazi abali kwi byajo byabo. ⁵⁶ Nya kazi hwali ke lenga, mukala mu twaya tuhamu, kand'iri mu tunini, kiri nya mu bisho la, balike bika, balwazi banya mwinginge ko abahangule, bakazi huma naho kw'ikano lyu mulondo gwage. Nya kazi abakalihuma ko banya kizibwa.