¹ Yes akatondera kandi agigiriz'ibutanbi li kinyaja ki Galilaya. Ndeko ngulu ya band'ika shambira kuguma nya ye. Liryo anyigira mwi kihatwa anya budatala mwo. Kihatwa kyali mukati hi nyaja nya bandu bali kwimaz'i mutazi, ibutambi hi nyaja. ² Yesu anya bigiriza bandu bingi kwi migani. Yehe anya babwira kukuno mukati ka migirizo gage. ³ Muvirize! Mundu muguma akagend'ibyal'imbuto. ⁴ Iryakaba agwet'aga byala mukati ki ndalo, nguma zanya hirima ibutambi ri njira, tu nyanyi twanya zirya. ⁵ Zindi mbuto zanya lurima mwa mawe mutali idaho lingi. Mbuto ziyo zanya mera duba kulia yaho hatal'idaho lingi. ⁶ Bashazi izuba lika kaya lya nya, zi galumiza, nya kuko zitaligwet'imi ikanire za nyuma. ⁷ Zini mbuto zanya hirima mukati ti mishomwa iyo mishomwa yanya mera nyu ku zi namiriza zitanyakimera. ⁸ Ti zindi mbuto zanya hirima mukati ki daho rija, mbuto zanya kula nyu ku buta mahu. Ziguma zika buta mbuto makumi ga shatu, zindi makumi gari ndatu, nyi zindi mbuto igana. ⁹ Hanyuma anya babwira, "Ugwete matwiri ku kuva uve." ¹⁰ Bigizibwa ikumi nya babiri ba Yesu kuguma nya bandu bali, ibutambi lyage, bishazi bakaba bakola bwo none. Banya mubuza ababwire kut'iyo mizan'idesire. ¹¹ Yesu anya babwira, "Mwehe mukabwikulwa ku manya mbisho yu bwami wa Mungu, ti bandi bandu basire imbuga ri ndeko bake kuva bindu byoshi kwi njira yi migani. ¹² Lyo bamu sayi lola ti batabone, "Nyabo buve, ti bata manye, lyo batabe nyi bishazi byuku hindu kile Mungu nyu kukogwa." ¹³ Yesu anyirikira aga babwira, "Iri mutanga manya guno mugani, kute mugamanyi, no gindi migani? ¹⁴ Muhizi ake biala kinwa kya Mungu. ¹⁵ Zirya mbuto zikaterekera mu butambi bwi njira yugo mugani gweresiz'abandu bagwete baguva binwa mugani bya Mungu ti muzimu anyiji bilyosa mwi mitima yabo. ¹⁶ Idaho lya mawe lyeresize mugani gwa bagwete baguva kinwa kya Mungu, bana kyangirire ku busime. ¹⁷ Ti litameziri mukati lyabo nga mizi. ¹⁸ Zirya zindi zikaterekara mwi mishomwa, lyere size mugani gwa bagwete baguva kinwa kya Mungu. ¹⁹ Bishazi bagwete baga hahala hanyanya lya malibuze gi mwi kihugo, banyabe bali muku tebwa nyu bugale nyu kwifija, kinya tume kirya kinwa kigahanga kuta mera. ²⁰ Zirya mbuto zikabyalwa lija, byeresize mugani gwa bandu bagwete baguva kinwa kya Mungu nyu ku kyemera, nyabo banya but'amatunda. Baguma makumi gashatu,bandi makumi gari ndatu, nya bandu'igana. ²¹ Yesu anya babwira kukuno: "Ka mundu angas'itara anya li tumbikire, iri kand'alifunde mu ngologoshi? Nanga! ume nen'alibike kwi kiterekero! ²² Kanya kuko, kazi bibishanire bigabikwa habwerula. ²³ Iri mundu agab'agwete matwiri gu kuva uve!" ²⁴ Yesu anyashubi babwira, "Ibyo mugwete muguva nu byuve bwija! kulya lugera mugwete mugagerera bandi lona nenyu mugiji gererwa kuko. ²⁵ Kuya ugwet'i kindu, ago ngererwa kindi, ti ulya utagweti aga nyagwa kiry'agwete nyu kuha ulia ugwete kindi kindu." ²⁶ Yesu anya shubi deta, "Ubwani bwa Mungu; twangabweresanya ku mugani gu muhizi ukagendi bial'imbuto. ²⁷ Zirya mbuto, zanya mera, zanya kekula ubwakya bwira, nga kwi bishazi ahunire, iri kand'abyusire. Nyizo mbuto zalike mera nyu kukula. Ti atakamanya kute mbuto zalike mera. ²⁸ Idaho lyonone lyalile zimeza zinyalinde za kula nyi bishazi zakula zinya de 'amashala nyi mihula hanyuma zinyere. ²⁹ Bishazi zakeba mira zera, anyagendi zigesha, kulia bikola bishazi byu kuimbika." ³⁰ Yesu anya babuza kukuno, "Ubwani bwa Mungu buli kute? tanga bushushanya nyi biki? ³¹ Yubo bwami, buli nga hya mbuto hi, haradali, kulia yilyo hya mbuto yo hinini kuhim'izindi zoshi zigwete ziga byalwa. ³² Ti riangaba ya byalwa nyu ku mera, nyu kukula, hinyijiba mbuto nene kuhima zindi zoahi zu mu ndalo. Nyu kudeta matabi minene agajabusire, hanyakelind'utunyonyi mwi kimbehwa kyi yo mitabi. ³³ Yesu akigiriza bandu kwi migani mingi mwene nyiyo; kuko kwa gigiriza bandu kinwa kya Mungu ngako bahashire kukyuva. ³⁴ Akadeta nyabo, ataba bwiziri kwi migani yi bishazi alikeba, ali kuguma nyabo, alike babwira bindu byoshi. ³⁵ Lulo lusiku, iri kakaba kakola kabigingwe, Yesu anyabwira bigizibwa bage ko. "Tujalukage inyaja. ³⁶ Kuko bigizibwa banya sengeruk'indeko ya bandu, banyingira mu bwato Yesu alimo, banya genda kuguma nyaye, banyagenda balusirwe nya gandi mato. ³⁷ Mwiyo nyaja mwanyab'umuhusi (zoruba) mwingi yubo bwato bwanyake sokwa nyi mi dunda bwato bwanyalozi kwijula meji. ³⁸ Kwiji kuko, Yesu ali kunire mwitwe ri nyume abisire nyi twe lyage ku mushego. Balya bigizibwa bage, banyiji musisi mula, banya mubwira, "E mashi mwigiriza, utabwini, kiri kandu kukuno twali fira muno!" ³⁹ Yesu anya byuka. Iri bona yugo muhusi mwi nyaja nyayo, anya bibwira kukuno, "Hulika!" liryo yokyo kimbunga kyanya toroka. ⁴⁰ Munyuma Yesu anyabwira bigizibwa bage, "Hanyanya libiki mwobohire? kiri kukuno mutagweti ubwemere?" ⁴¹ Banya boha bwenene, banyatondera kubuza nya, "Uno ali mundu mu ki? kulia zoruba nyi nyaja bimukezire?"