¹ Yesu anyingira buhyahya mwi shengero linini ilibuziwi sinagogi. Mwali mundu uwali gwete malebera. ² Banyali kelolekeza Yesu iri angamukiza lusiku lwa ka siku lubuziwe sabato, mwi mbikirizi zu ku mu behera ³ Yesu anyabmwira uye mushosi(mundu) wu kuboko kwa malebera: Imanga yaho, ho tushambira. ⁴ Munyuma anyababwira kumenene lusiku lwa kasiku(sabato) ku gira mija iri kandi mabii, ku kulula mundu kandi iri ku muniga? Ti, ⁵ Lilyo lilyo anyaligalala mbande zoshi nyu bute, nyi gongo hanyanya lyabo kwa kagungutima kabo, anyabwira ulya mundu: golola kuboko kwabe. Anyakugolola, lilyo lilyo anyakira. ⁶ Bafarisayo banyahuluka, lilyo lilyo banyagira luhango nya bandu ba Herode hanyanya lyu kumwagaza(kumuniga). ⁷ Yesu anyalyoka yaho nya bigirizibwa bage anyagenda yi nyaja. Bandu bingi bi Galilaya nyi buyahudi ⁸ geke bi Yerusalemu, nyi Idumaya, nyi kajabu ki Yordani ni mbande zi Tiro nyi Sidoni, ndeko nene lyo bakuvwa bali ke kola banyagenda mund'ali. ⁹ Anyawira bigirizibwa bage baloze hya bwato,lyo batasindikwe sindikwe nyiyo ndeko ya bandu. ¹⁰ Kulya ali ke kiza malwazi, ga bandu bingi, boshi abali balwazi bali ke kwi kabula kwa liye lyo bamuhuma ko. ¹¹ Bazimu lyo bali ke mu bona, banyakekwikumba nyu kumama: Uli mugala Mungu. ¹² Tya naba kanukira bwenene batamushobeke. ¹³ Anyaterama yu mumana; anyabuza balya alisimire, banyija hasi lyage. ¹⁴ Anyalondola ikumi nya babili, lya bera nyalibo, lya batuma bagendi bala mwazi mwija ¹⁵ nyu buhashe bukuhivwa bazimu. ¹⁶ Balya ikumi nya babili akalondola bo babano: Simoni, yakaheza izina mbu Petro; ¹⁷ Yakobo mugala Zebedayo, nya Yohana, mwene wabo nya Yakobo bakaheza izina lya Boanege ko kudeta bana bi mulazo; ¹⁸ Andrea; Filipo; Bartolomayo; Matayo; Tomaso; Ykobo mugala Alfayo; Tadayo, Simoni wi Kanani; ¹⁹ nya Yuda Iskariote, ulya ukaguza Yesu. Banyagend'ikaya, ²⁰ ilya ndeko yanyashambira buhyahya, nyu kwabirwa kiri kulya biliwa. ²¹ Babusi ba Yesu, lyo bakuvwa ibikakoleka, banyiji gira mbu bamufuluse, kulya balike deta ti gaba asireha. ²² Kandi basarazi, abakalyoka i Yerusalemu, banyakedeta: agwete Belzebule; kwi misi yu mwami wa bazimu agwet'agahivwa bazimu. ²³ Yesu anyababuza, nyu kubawira nga mu migani: Kute muzimu angahivwa muzimu? ²⁴ Iri bwami bwangigaba bonene, yubo bwami butangalama; ²⁵ nyiri inyumba ya ngigaba yonene, iyo nyumba itangakilama. ²⁶ Iri muzim'uangilwisa yenene, igaba, anganyasimika, tya gwete buzinda. ²⁷ Ndaye mundu uwangingira imwa mundu ugwete misi nyu ku nyaga bindu byage, buzira kutangi shweka uye mundu ugwete misi; lya nga nyagaga ibindu byage mu nyumba. ²⁸ Nyabawira ukuli, byaha byoshi bigiji kogwa mwa bana ba bandu, ti kulahira(kuduka) ko bagiji twisa; ²⁹ ti yeshi ugalahira(ugaduka) Mutima mweru atagiji kogwa: iji kwa gira mabii gi myakula. ³⁰ Yesu anyadeta kuko kulya bandu bali ke deta mbuali nya bazimu. ³¹ Nina nya bene wabo, abali imbuga,banyatuma idumwa zu ku mubuza. ³² Ndeko ya bandu yali budetere hasi lyage, banyamuwira: Lola, nyoko nya bene wenu bal'buga bagwete bagakuloza. ³³ Anyashuza: Nande ye maye, nya banyande bene wetu? ³⁴ Hanyuma, anya lolekeza balya bali budetere hasi lyage: lolekezagye, anyadeta, maye nya bene wetu. ³⁵ Kulya yeshi, ugizire buloze bwa Mungu, uye ali mwene wani, mwli wani, kandi maye.