¹ Iri haleng'isiku ngerwa, Yesu anyashuli halu kira mwa kaya ki Kapernaumu. Iri banya nya kwa kola mwa kaya, ² Banyi ji sholokera mwa yabo bandu, banya sinda na mwo bwenene. Bya nyiji tuma hatanga kibo nesire bundi busiku gundi mundu angabera. Kiri nya haluso; yabo boshi Yesu aligwete aga bi giza binwa bya Mungu. ³ Banyija bamudetere umundu zingamire, ubetwirwe nya bandu bane. ⁴ Uye mulwazi, yabo bandu banyagira mbu bamudet'imbere lya Yesu, ti koke batanya hasha, kulia bandu bali bingi bwenene liryo banyatula hanyanya lya katwe kinyumba mukutungania hali Yesu banya shonolera huye mirabo anya gwejire ku bwajo. ⁵ Iri Yesu abona ko bamu bisire ku bwemere, anyaba bwir'uye mulwazi, "Mwana wani byaha byabe bya kogwa." ⁶ Yaho hali budetere abigiriza baguma bat'wi bi maja, yabo bigiriza banyatondera kwibuza mwi mitima yabo, ti, ⁷ "Kituma bikagi uno mundu agwet'agadeta ibitari nga byo imbere lya Mungu? Ti nday'ushire kukog'ibyaha, utali Mungu yenene. ⁸ Lyo mitono yabo mibi Yesu Kristo anya gimanya, kya nyatuma aga babuza, "Kituma biki mugwete muga tona kuko? ⁹ Kihi kija kubwira uno mulwazi? Ka kumubwira: Imukage wange ikyajo kayb'ugenda ? ¹⁰ Ndozize mu manye kwo mwana wu mundu agwet'ubushoboza buku kog'ibya ha byabe muno mwi kihugo." Yesu anyabwir'uye mulwazi, ¹¹ "Ndaku bwira ko nimuke, wange kiajo kyab'uuluke!" ¹² Liryo, uye mundu anyangi kiajo kyage imbere lya yabo boshi, anyahulukir'imbuza irir babona kuko boshi banya somerwa. bany'igana nahamwetu nyu ku deta, "Tutashubag'ibona bindu biri ngayibi tuta shubag'ibibona." ¹³ Yesu anya shubi kwandagarira yi nyaja yi Galilaya kandi bandu banyagi sholokera anyatonder'agabigiza boshi. ¹⁴ Irayab'akol'agagenda anyabona lawi mugala Alfayo abudetere mu nyumba anyagwete aga buguliza yu mo. Yesu anyamubwira, "Eh Lawi unjimbe! uye Lawi anyimuka, anyamushiba." ¹⁵ Hanyuma Yesu anya budatala nyu kulia ibiriw'imwa Lawi, Nya yumo, imwa Lawi mwali budetere ababuguza bingi, nya bandi bana byaha, baligwete bagashangir'ibiribwa kuguma. Nya Yesu nya bigirizibwa bage. Nya bingi baleke mushimba. ¹⁶ Mwa batwi bimaja, baguma balimw'ibanga lya bafarisayo, mbu babonage, ko Yesu agwet'agaria kuguma nya babuguzi, nya bandi bana byaha, banyabwira bigizibwa bage, "Maki gano! ti mugwete mugashangira biribwa ku kuguma nya babuguza, nya bandi banyabyaha!" ¹⁷ Iri Yesu akuva kuko anyababwira, "Abatali balwazi batangaloza wukuba buka. Ti koke uwangaloza muganga anyari mulwazi naho. Ibika tuma ngija atali mbu lyo mbana, ndakiji buza ban'ukin bajimbe, tikoke ngija hanyanya lya babi. ¹⁸ Bigizibwa ba Yohana walike vubika nya ba lenguzi, balike kwishekwa kulia. Bandu banyiji Yesu, hanyanya bibiki bigirizibwa ba Yohana ke vubika na bigizibwa ba bafarisayo bagwete bagishweka kulia, ti koke bigizibwa babe batagweti bagishweka kulia? ¹⁹ Yesu anyabashuza, "Musarire ko banga larika mundu ku buhya; anya nyishweke kuria lisirwa kwa yubo buhya, bishazi muhya mushosi akiri kuguma nya mwehe. ²⁰ Ti koke bigaba bishazi muhya wu mushosi agaryoka mukati lyenu: Nyu mukati lya yizo niku ryo bagishweka kulia. ²¹ Indaye mundu wanga nonera kiroko kihayhya hu mulondo mutazi. Inyage gira kko, kira ka kihyahya kiga bera yikyo kya butazi nya yuko kubereka kugaba kwingi bwenene. ²² Konya kuko ndaye mundu wanga bika divai mbyaya mwa masupa gu luhu huge kwire, iri wanga gira kuko, iyo divai mbyahya igabera masupa yago ga butazi, nyi iyo fivai nya masupa byoshi biga tereka busa ti byumenene kubuka divai mbyahya mwa masupa ma hyahya gu luhu. ²³ Lusiku kuguma lwa kasiku Yesu anyarenga mukati li ndalo yu bulo, Bigizibwa bage banyatondera kuhumbula kuhumbula masuke gu bulo ngako bakahasha mukati lyu kugendo mwi yo njira. ²⁴ Liryo Bafarisayo banya bwira Yesu, "Hanyanya li biki bigizibwa babe bagwete bagira bino bilahirwe?" ²⁵ Yesu anyabashuza, "Mutashubagisoma kwa Daudi akagira bishazi aliloziz'ibiriwa. Kulia yenene nya bandu bage bakuv'u mwana? ²⁶ TI akingira mwi nyumba ya Mungu nyu kulia mikati mishukwe yarihanirwe imwa Mungu? bino bindu bikakoreka bishayi Abiatari ali mugingi mukulu. Ti bagingi naho bali hangulirwe kurya mikat'iyo, ti Daudi akalya, aheza nya bandu bage kuko nya kuko. ²⁷ Yesu anya genderera kubabwira, "Lusiku lwa kasiku lukabikwa hanyanyalyu mundu, yi mundu atakabumbwa hanyanya lyu lusiku lwa kasiku. ²⁸ Hanyanya lya kukuno, mwana wu mundu ye nawetu atagaha lusiku lwa kasiku.