¹ Mulolekeze mutagiri mija genu imbere lya bandu mbu lyo bamubona, kulya, iri mwangagira kukuno mutangehewa luhembo mund'iishi wenu uli kunguba. ² Kyokituma ugatang'ingengo utalase mushekera imbere lyabe ugako balyalya ba kegira mwinda lyama Sinagogi nu mwija mbulyo babonwa na bandu biri nkuli nabawira yabo bagahewa luhembo lwabo. ³ Ti bishazi wehe ukola ugatang'inyengo, kuboka kabe ku lunosho kutamanye lyo kaboka ku lulyo byo kugagira. ⁴ Kiri myengo yabe yosh'ibe kwi mbisho agakuhez'uluhembo. ⁵ N'ibishazi mukola mugahuma, mutabe ga balyalya, kulya bakesima kwimanga nukuhuna mwinda lwa ma sinagogi nu mu nijira, lyo biyeresa na bandu ba babona. Bir'ukuli namuwira mwehe yabo mirabahewa luhembo lwabo. ⁶ Ti wehe, hano wabo huna, ingira mwa kakuma kabe ku mwinda (ibusinda) umali kuigala luuzi lwabe hunaz'iisho uli wi mbisho, n'iisho uwakebona kwi mbisho agaku hemba. ⁷ Kandi mukola mugahuwa muleke kegenda mugadeta deta busha ngako banya birongo bakegera, kulya bohe makemanya mbu baguviwa hanyanya lyu kudeta bingi, n'ukuizu bihamu. ⁸ Ko kuko, mutashane nalibo, kulya ishe wenu wi kunguba ananyire nyifijo zenu neno mutiji muluna. ⁹ Kyo kituma, mukahuna kukuko: "Data wet'ulikunguba, Izina lyehe litundwe. ¹⁰ Bwami bwabe bwije. Buloze bwabe bukole Hano hakilugo ng'ikunguba. ¹¹ Utuheze zene bulye bwetu bwa kira lusiku. ¹² Utu koge kwa mahuli getu ngako netu geke twakekoga abaketuhubira, ¹³ Utatubike mwi bigereko ti utululule n'ulya namugomora (muzimu) kwa kulya bwami, buhashe, n'ubulangashane bwabe miaka na myakula kube yuko." ¹⁴ Kwa kula iri mwanga kaza bandu mahubi gabo, iishe wenu wi kunguba agabakoza nenugeke. ¹⁵ Ti ilyangaba mutagwete mugakoza bandu mahubi guba iishe wenu wi kunguba atagaba koga mahubi genu nenu. ¹⁶ Kandi kishazi mwangi hanga kulya mutabe balyalya n'iranga lizizisire, kulya bohe bagwete bagasola malanga gabo lyo bandu babona ko bihazire. Bir'ukuli mwehe namuwira, yabo bagahewa luhembo lwabo. ¹⁷ Ti wehe, iri wangihanga kulya, shig'itwe lyabe nawetu, kandi wishuke malanga gabe. ¹⁸ Ly'utaboneka na bandu ko wihazire kulya, ti n'iisho uli wi mbisho, n'iisho uwakebona bi mbisho agakuhez'uluhembo. ¹⁹ Mutibikire mbiko hano ha kihungu, ahali kashwa ni ngisho izike shereza na bazimba kugotola, nukuzimba. ²⁰ Ti mwibikwi imbiko kunguba, hatali kashwa ni ngishi ku kushereza, kandiri bazimba batanga gotola mukuzimba. ²¹ Kwa kulya, ho mbiko yabe iri, ho haza naba mutima gwabe kukogege. ²² Kande ka magala lir'isu, kyokituma iri isu lyabe lyangaba likyere magala gabe goshi gagaba nu lwenge. ²³ Ti ir'isu lyabe lyangaba libi magala gabe goshi gagaba kizizi n'ulwenge luri mwinda lyabe iri lwangaba kizizi, kiri kizizi kingi wenene. ²⁴ Ndaye mundu wanga hash'ikolera ba Mungu babili, kulya aga gaya muguma, mukusima gundi, kandiri aginanika ku muguma nukwenega kundi, utangahash'ikolera Mungu ni njuma. ²⁵ Kona kukuno mwehe mamuwira, mutitalangija hanyanya lya kalamu kenu, mbu biki muganwa, kandiri buki muga nubuza magala zenu, kalamu katali ko kahimire bulye, na magala go gali mire mirondo? ²⁶ Lolekezagye tunyonyi twa lugulu, tutakebyala, kandiri tutaka shenga, tutanake gushi kanye mbu tubike mwi kitiri, t'iishe wenu uli kunguba agwete agatulira bulye ka atali mwe bija kutuhima? ²⁷ Nande mukati kenu ilyanga libula, angushuba kuguma? ²⁸ Na hanyanya libika, mugwete muzalibulira byambalwa? MUtangi? Salira hanyanya lyu twaso utuli mundalo ngako gakemera, gatakekala mu kolwa, gatanake kwiluka. ²⁹ Ti mwehe namuwira kudeta kiri na Solomono batakamwambaza mirondo mija nga muguma gwabo. ³⁰ Aho, ilyangaba Mungu agwet'agambaza lyasi nyu mundalo ibirize naho, na shezi bihebwe mukati ki kibengesheshe kyu muliro atagabambaza mwehe ee mwehe mwebene mbikiri nini? ³¹ Aho mutitalangize kudeta, tugalya biki, tuganwa biki kandiri tugambala biki? ³² Kulya bana banabirongo bagwete bagaloza bino binwa byoshi, kulya iishe nenu uli kunguba ana nyire ko mwifijire bino binda byoshi, ³³ Ti koke mwehe muteoza butazi bwami bwa Mungu, wukuri kwage, na bino bindu byoshi bigushulirw'imwenu. ³⁴ Kyo kituma, mutitalangize hanyanya lyibyashezi, kulya shezi agilondeza yenene. Buli bwa zene bumenene kwa zene.